അദ്ദിക്ർ

'ഞാന്‍ അല്ലാഹു, കാണുന്നുچ എന്നാണ് ആദ്യത്തിലുള്ള അക്ഷരങ്ങളുടെ ആശ യം. 31: 2 ഇതേ ആശയത്തിലുള്ള സൂക്തമാണ്. ആവര്‍ത്തിച്ച് വായിക്കപ്പെടാനുള്ള ഗ്രന്ഥം തത്വസമ്പൂര്‍ണ്ണമാണെന്ന് 36: 2 ലും, അദ്ദിക്ര്‍ തത്വസമ്പൂര്‍ണമായ ഗ്രന്ഥമാണെന്ന് 3: 58 ലും പറഞ്ഞിട്ടുണ്ട്. 2: 256; 3: 101; 4: 175 സൂക്തങ്ങളില്‍ വിവരിച്ച പ്രകാരം ആരാണോ അ ദ്ദിക്റിനെ മുറുകെപ്പിടിച്ചത്, അവന്‍ നാഥനെ മുറുകെപ്പിടിച്ച് നേരെച്ചൊവ്വെയുള്ള പാത യിലായിക്കഴിഞ്ഞു. 11: 1 ല്‍, ഈ ഗ്രന്ഥം, അതിലെ സൂക്തങ്ങള്‍ തത്വസമ്പുഷ്ടവും പി ന്നെ അത് സ്പഷ്ടവുമാണ്, യുക്തിജ്ഞനും എല്ലാം വലയം ചെയ്തവനുമായ ത്രികാലജ്ഞാനിയില്‍ നിന്നുളളതുമാണ് എന്ന് പറഞ്ഞിട്ടുണ്ട്. 41: 41-42 ല്‍, നിശ്ചയം അദ്ദിക്ര്‍ അ ജയ്യമായ ഗ്രന്ഥമാണ് എന്നും അത് ക്രോഡീകരിക്കുന്നതിന് മുമ്പോ ക്രോഡീകരിച്ചതിന് ശേഷമോ അതില്‍ മിഥ്യ കടന്നുകൂടുകയില്ല, അത് അവതരിപ്പിച്ചിട്ടുള്ളത് യുക്തിജ്ഞാനി യും സ്വയം സ്തുത്യര്‍ഹനുമായവനില്‍ നിന്നാണ് എന്നും പറഞ്ഞിട്ടുണ്ട്. മുമ്പ് വന്നിട്ടു ള്ള 312 പ്രവാചകന്മാര്‍ക്കും ആവര്‍ത്തിച്ച് വായിക്കപ്പെടേണ്ട അദ്ദിക്ര്‍ മാത്രമാണ് അവതരിപ്പിച്ചിട്ടുള്ളത് എന്ന് 16: 43; 21: 24; 41: 43; 53: 56 തുടങ്ങിയ സൂക്തങ്ങളില്‍ പറഞ്ഞിട്ടുണ്ട്. എന്നാല്‍ അന്ത്യപ്രവാചകനായ മുഹമ്മദിന് നല്‍കപ്പെട്ട അദ്ദിക്ര്‍ എന്ന ഗ്രന്ഥത്തില്‍ ഉ മ്മുല്‍ കിത്താബായ (മൂലഗ്രന്ഥമായ) ഫാത്തിഹയും അടങ്ങിയിട്ടുണ്ട്. മുമ്പ് അവതരിപ്പിച്ചിട്ടുള്ള എല്ലാ ഗ്രന്ഥങ്ങളെയും സത്യപ്പെടുത്തുന്നതും കാത്തുസൂക്ഷിക്കുന്നതുമാണ് അ ദ്ദിക്ര്‍ എന്ന് 5: 48 ലും; മുമ്പ് അവതരിപ്പിച്ചിട്ടുള്ള 312 ഗ്രന്ഥങ്ങളും അവയുടെ നേരെച്ചൊവ്വെയുള്ള വിശദീകരണങ്ങളും മൊത്തം മനുഷ്യര്‍ക്കുവേണ്ടി പ്രവാചകന്‍റെ മേല്‍ അവതരിപ്പിക്കപ്പെട്ട ഗ്രന്ഥമായ അദ്ദിക്റില്‍ ഉണ്ടെന്ന് 16: 44; 98: 2-3 സൂക്തങ്ങളിലും പറഞ്ഞിട്ടുണ്ട്. 2: 2, 269; 16: 89 വിശദീകരണം നോക്കുക.