അങ്ങനെ അവന്‍ സൂര്യാസ്തമയ സ്ഥലത്തെത്തിയപ്പോള്‍ കലങ്ങിയ തടാകത്തില്‍ അതിനെ മുങ്ങിമറയുന്നതായി അവന്‍ കണ്ടു, അവിടെ ഒരു ജനത യെയും അവന്‍ കണ്ടെത്തി, അപ്പോള്‍ നാം കല്‍പിച്ചു: ഓ ദുല്‍ഖര്‍നൈന്‍, നിനക്ക് ഇവരെ ശിക്ഷിക്കുകയോ അല്ലെങ്കില്‍ നിനക്ക് ഇവരോട് നന്മയില്‍ വര്‍ത്തിക്കുകയോ ആവാം.
സൂര്യാസ്തമയസ്ഥലം എന്ന് പറഞ്ഞതിന്‍റെ ഉദ്ദേശ്യം, അന്ന് മനുഷ്യനാഗരികത നിലനിന്നിരുന്ന പ്രദേശങ്ങളുടെ പടിഞ്ഞാറേ അറ്റം എന്നാണ്. ഈ സൂക്ത ത്തില്‍ സമുദ്രം എന്ന് പറയാതെ കലങ്ങിയ തടാകം എന്നാണ് പറഞ്ഞിട്ടുള്ളത്. ഇത് കൊണ്ടുദ്ദേശിക്കുന്നത് ഈജിയന്‍ ഉള്‍ക്കടലോ കരിങ്കടലോ ആവാം. അല്ലാഹു അവനോട് പറഞ്ഞു: അവിടെ കണ്ട ജനതയെ നിനക്ക് ശിക്ഷിക്കുകയോ അല്ലെങ്കില്‍ അവരോട് നന്മയില്‍ വര്‍ത്തിക്കുകയോ ചെയ്യാം. അല്ലാഹു വിന്‍റെ പ്രാതിനിധ്യം വഹിക്കുന്ന വിശ്വാസിയുടെ മാര്‍ഗമാണ് അപ്പോള്‍ അദ്ദേഹം സ്വീകരിച്ചതെന്ന് തുടര്‍ന്ന് വരുന്ന സൂക്തങ്ങളില്‍ നിന്നും മനസ്സിലാ ക്കാം.