മുഹമ്മദിന്‍റെ പ്രവാചകത്വം സത്യമാണെന്ന് ഉറപ്പുവരുത്താന്‍ പറ്റിയ ദിവ്യാത്ഭുതങ്ങള്‍ ഞങ്ങള്‍ക്ക് കാണിച്ചുതരിക, എന്നാല്‍ ഞങ്ങള്‍ വിശ്വസിക്കാം എന്ന് പറയുന്നവര്‍ക്കുള്ള മറുപടിയാണ് ഇത്. നിങ്ങള്‍ക്ക് വിശ്വാസം സ്വീകരിക്കാന്‍ ആഗ്രഹമുണ്ടെങ്കില്‍ ആകാശഭൂമികളില്‍ എല്ലായിടത്തും കണക്കില്ലാത്ത ദൃഷ്ടാന്തങ്ങള്‍ പരന്നുകിടപ്പുണ്ട്. നിങ്ങള്‍ ഉള്‍ക്കാഴ്ചാദായകമായ അദ്ദിക്റിലൂടെ നോക്കണമെന്നുമാത്രം. 67: 3-4 സൂക്തങ്ങളില്‍, തട്ടുതട്ടുകളായി ഏഴ് ആകാശങ്ങളെ സൃഷ്ടിച്ച നിഷ്പക്ഷവാന്‍റെ സൃഷ്ടിപ്പില്‍ ഒരു പോരായ്മയും നീ കണ്ടെത്തുകയില്ല; വീണ്ടും നോക്കുക, നീ എന്തെങ്കിലും കോട്ടങ്ങള്‍ കാണുന്നുണ്ടോ? പിന്നെ രണ്ടാമത് ഒന്നുകൂടി നോക്കുക, നിന്‍റെ ദൃഷ്ടി നിരാശയോടെ ക്ഷീണിതനായിക്കൊണ്ട് നിന്നിലേക്കുതന്നെ മടങ്ങുന്നതാണ് എന്ന് പറഞ്ഞിട്ടുണ്ട്.

അല്ലാഹു സൃഷ്ടിച്ചിട്ടുള്ള ഏതൊരു വസ്തുവിനെയും അവന്‍ നോക്കിയിട്ടില്ലെയോ? അവയും അവയുടെ നിഴലുകളും ഇടതും വലതുമായി അവന് സാഷ്ടാംഗം പ്രണമിക്കുന്നത്, അവര്‍ ദൈന്യത പ്രകടിപ്പിക്കുന്നവരുമാണ് എന്ന് 16: 48 ല്‍ പറഞ്ഞിട്ടുണ്ട്. ഇത്തരം സൂക്തങ്ങള്‍ അറബി ഖുര്‍ആനില്‍ വായിക്കുന്ന ഫുജ്ജാറുകളായ യഥാര്‍ത്ഥ കാഫിറുകള്‍ നാഥന്‍റെ കല്‍പന ധിക്കരിച്ചുകൊണ്ട് പിശാച് ആദമിന്‍റെ മുമ്പില്‍ സാഷ്ടാംഗപ്രണാമം ചെയ്യാതിരുന്നതുപോലെ ഗ്രന്ഥത്തില്‍ 15 സ്ഥലങ്ങളില്‍ പറഞ്ഞ തിലാവത്തിന്‍റെ നിര്‍ബന്ധമായ സാഷ്ടാംഗപ്രണാമം നിര്‍വഹിക്കാത്തവരാണ്. ആത്മാവിനെ പരിഗണിക്കാത്തവരും ജിന്ന് കൂട്ടുകാരനെ വിശ്വാസിയാക്കാത്തവരുമായ ഈ കെട്ടജനത അവരുടെ ശരീരം കൊണ്ടുള്ള നമസ്കാരങ്ങളില്‍ ധൃതിയിലുള്ള സാഷ്ടാംഗപ്രണാമം ചെയ്യുക വഴി 22: 18 ല്‍ പറഞ്ഞ പ്രകാരം ശിക്ഷ ബാധകമായവരാണ്. അവരെ മുന്നറിയിപ്പ് നല്‍കലും നല്‍കാതിരിക്കലും സമമാണ്, അവര്‍ വിശ്വാസികളാവുകയില്ല എന്ന് 2: 6-7 സൂക്തങ്ങളിലും; അവരില്‍ അധികപേരും ശിക്ഷാവചനം ബാധകമായവരായതിനാല്‍ ഇനി അവര്‍ വിശ്വാസികളാവുകയില്ല എന്ന് 36: 7 ലും പറഞ്ഞിട്ടുണ്ട്. 3: 91; 6: 111; 7: 185 വിശദീകരണം നോക്കുക.