മനുഷ്യരെല്ലാം ഒറ്റ സമുദായമല്ലാതെ ആയിരുന്നുമില്ല -എന്നാല്‍ അവര്‍ ഭിന്നിച്ചു, നിന്‍റെ നാഥനില്‍ നിന്നുള്ള ഒരു വചനം മുന്‍കടന്നിട്ടുണ്ടായിരുന്നില്ലെങ്കില്‍ അവര്‍ ഭിന്നിച്ചുകൊണ്ടിരുന്നതില്‍ അവര്‍ക്കിടയില്‍ വിധികല്‍പ്പിക്കുകതന്നെ ചെയ്യുമായിരുന്നു.
ജനങ്ങള്‍ ഗ്രന്ഥത്തിന്‍റെ കാര്യത്തില്‍ ഭിന്നിച്ചപ്പോഴാണ് അല്ലാഹുവിന്‍റെ കാര്യത്തില്‍ ഭിന്നിച്ചവരും അവന്‍റെ അധികാരാവകാശങ്ങളില്‍ പങ്കുചേര്‍ക്കുന്നവരുമായി മാറിയത്. ത്രികാലജ്ഞാനിയായ അല്ലാഹു വിധിദിവസം നേരത്തെ നിശ്ചയിച്ചിട്ടുണ്ടായിരുന്നില്ലെങ്കില്‍ മനുഷ്യര്‍ ഭിന്നിക്കുമ്പോള്‍ തന്നെ അവര്‍ക്കിടയില്‍ വിധി കല്‍പിക്കുമായിരുന്നു എന്നാണ് സൂക്തത്തില്‍ പറയുന്നത്. അല്ലാഹുവിനെ നിഷ്പക്ഷവാനായി അംഗീകരിക്കാത്ത കപടവിശ്വാസികള്‍ 'അല്ലാഹു വിധികല്‍പിക്കട്ടെ' എന്നുപറഞ്ഞ് അവരുടെ വിധി വിചാരണനാളിലേക്ക് നീട്ടിവെക്കുന്നതാണ്. എന്നാല്‍ സ്വര്‍ഗ്ഗത്തിലേക്കുള്ള ആയിരത്തില്‍ ഒന്നായ വിശ്വാസികള്‍ അല്ലാഹുവിനെ നിഷ്പക്ഷവാനായി അംഗീകരിച്ചുകൊണ്ടും 69: 51 ല്‍ പറഞ്ഞ ഉറപ്പുവരുത്തുന്ന സത്യമായ അദ്ദിക്റിനെ ത്രാസ്സായി ഉപയോഗപ്പെടുത്തിക്കൊണ്ടും അവരുടെ വിധി ഇവിടെവെച്ചുതന്നെ തീരുമാനിക്കുന്നതാണ്. 'നാഥനില്‍ നിന്നുള്ള വചനം മുന്‍കടന്നിട്ടുണ്ടായിരുന്നില്ലെങ്കില്‍' എന്ന് സൂക്തത്തില്‍ പറഞ്ഞത് വിധിദിവസത്തെക്കുറിച്ചാണ്. 39: 69, 75 സൂക്തങ്ങളില്‍ പറഞ്ഞ പ്രകാരം വിധിദിവസം സത്യമായ അദ്ദിക്ര്‍ കൊണ്ടാണ് വിധി കല്‍പിക്കുക. 2: 113 ല്‍ വിവരിച്ച പ്രകാരം വിശ്വാസി അദ്ദിക്റിനെ സത്യപ്പെടുത്തിക്കൊണ്ട് വ്യക്തിജീവിതത്തിലും കുടുംബജീവിതത്തിലും സമൂഹജീവിതത്തിലും ഇവിടെവെച്ചുതന്നെ വിധി കല്‍പിക്കുന്നവനാണെങ്കില്‍ അറബി ഖുര്‍ആന്‍ വായിക്കുന്ന ഫുജ്ജാറുകളായ കാഫിറുകള്‍ അദ്ദിക്റിനെ സത്യപ്പെടുത്തുകയോ വ്യക്തിജീവിതത്തിലും കുടുംബജീവിതത്തിലും സമൂഹജീവിതത്തിലും അതുകൊണ്ട് വിധികല്‍പിക്കുകയോ ചെയ്യാതെ പരലോകത്തേക്ക് നീട്ടിവെക്കുകയാണ് ചെയ്യുക. 6: 2 ല്‍ വിവരിച്ച പ്രകാരം ത്രികാലജ്ഞാനിയായ നാഥന്‍ വിധി കല്‍പിക്കുന്നതിന് ഒരു പ്രത്യേകദിനം നിശ്ചയിച്ചിട്ടുണ്ടായിരുന്നില്ലെങ്കില്‍ അവന്‍, അവര്‍ ഭിന്നിച്ചിട്ടുള്ള വിഷയങ്ങളില്‍ ഇവിടെവെച്ചുതന്നെ വിധി കല്‍പിക്കുമായിരുന്നു. 'സത്യമായ അദ്ദിക്റിനെ തള്ളിപ്പറഞ്ഞുകൊണ്ട് മിഥ്യ പിന്‍പറ്റിക്കൊണ്ടിരിക്കുന്ന കപടവിശ്വാസികളും അവരുടെ അനുയായികളായ മുശ്രിക്കുകളുമാണ് വിധിദിവസം എല്ലാം നഷ്ടപ്പെട്ടവര്‍' എന്ന് 40: 78 ല്‍ പറഞ്ഞിട്ടുണ്ട്. 2 : 213 വിശദീകരണം നോ ക്കുക.