17: 67 ല്‍, സമുദ്രത്തില്‍ വെച്ച് നിങ്ങള്‍ക്ക് ഒരു വിപത്ത് ബാധിച്ചാല്‍ അവനെക്കൂടാതെ നിങ്ങള്‍ വിളിച്ച് പ്രാര്‍ത്ഥിച്ചുകൊണ്ടിരിക്കുന്നവരെയൊക്കെയും നിങ്ങള്‍ വെടിയുന്നു, എന്നാല്‍ നിങ്ങളെ നാം കരയിലേക്ക് രക്ഷപ്പെടുത്തിയാലോ, നിങ്ങള്‍ അവഗണിക്കുന്നു, മനുഷ്യന്‍ നന്ദികെട്ടവന്‍ തന്നെയായിരിക്കുന്നു എന്ന് പറഞ്ഞശേഷം; 17: 68 ല്‍, അപ്പോള്‍ നിങ്ങള്‍ കരയിലായിരിക്കുമ്പോള്‍ ഭൂമിയില്‍ നിങ്ങളെ ആഴ്ത്തിക്കളയുകയും അല്ലെങ്കില്‍ നിങ്ങളുടെമേല്‍ ചരല്‍ വര്‍ഷിക്കുന്ന കൊടുങ്കാറ്റ് അയക്കുകയും പിന്നെ അതില്‍ നിന്ന് നിങ്ങളെ രക്ഷപ്പെടുത്തുന്ന യാതൊരു രക്ഷകനെയും കണ്ടെത്താതിരിക്കുകയും ചെയ്യുന്നതുമായ അവസ്ഥയെക്കുറിച്ച് നിങ്ങള്‍ നിര്‍ഭയരാണോ എന്നും; 17: 69 ല്‍, അല്ലെങ്കില്‍ നിങ്ങളെ മറ്റൊരു പ്രാവശ്യം കൂടി കരയില്‍ നിന്ന് കടലിലേക്ക് തിരിച്ചുകൊണ്ടുവരികയും എന്നിട്ട് നിങ്ങളുടെ മേല്‍ രൂക്ഷമായ കൊടുങ്കാറ്റ് അയച്ച് നിങ്ങളുടെ നന്ദികേടിന് പ്രതികാരമായി നിങ്ങളെ മുക്കിക്കളയുകയും പിന്നെ നിങ്ങളുടെ ആ ദുരന്തത്തെക്കുറിച്ച് അന്വേഷിച്ച് കാരണം കണ്ടെത്താന്‍ കഴിയാത്ത ഒരു അവസ്ഥ വരികയും ചെയ്യുന്നതിനെക്കുറിച്ച് നിങ്ങള്‍ നിര്‍ഭയരാണോ എന്ന് ചോദിച്ചിട്ടുണ്ട്.    

 ഇന്ന് ഇത്തരം സൂക്തങ്ങളെല്ലാം അറബി ഖുര്‍ആനില്‍ വായിക്കുന്ന 4: 150-151 സൂക്തങ്ങളില്‍ പറഞ്ഞ യഥാര്‍ത്ഥ കാഫിറുകളായ ഫുജ്ജാറുകള്‍ അവരുടെ ജീവിതമേഖകളിലെല്ലാം അല്ലാഹുവിനെ വിസ്മരിച്ച് ജീവിക്കുകവഴി പിശാചിനെയാണ് സേവിച്ചുകൊണ്ടിരിക്കുന്നത്. മരണസമയത്ത് ശഹാദത്ത് കലിമ ചൊല്ലി മരിക്കണമെന്ന് ആഗ്രഹിച്ചുകൊണ്ടിരിക്കുന്ന അവര്‍ 10: 17 ല്‍ വിവരിച്ച പ്രകാരം ആത്മാവിനെതിരെ കാഫിറുകളും അക്രമികളുമായിരുന്നു എന്ന് സാക്ഷ്യം വഹിച്ചാണ് മരണപ്പെടുക. ജീവിച്ചിരിക്കുന്ന സമയത്ത് അദ്ദിക്റിനുവേണ്ടി സമയവും പണവുമൊന്നും ചെലവഴിക്കാതിരുന്ന ഇത്തരം ഭ്രാന്തന്മാര്‍ അവരുടെ മരണസമയത്ത് 'നാഥാ! കുറഞ്ഞ സമയം നീ എന്നെ പിന്തിപ്പിക്കുകയാണെങ്കില്‍ ഞാന്‍ അദ്ദിക്റിനെ സത്യപ്പെടുത്തുകയും സജ്ജനങ്ങളില്‍ ഉള്‍പ്പെടുകയും ചെയ്യാം' എന്ന് പറയുമെന്ന് 63: 10 ല്‍ മുന്നറിയിപ്പ് നല്‍കിയിട്ടുണ്ട്. ഇത്തരം കാഫിറുകള്‍ ജനങ്ങളോട് തിന്മ കല്‍പിക്കുന്നവരും അദ്ദിക്റിനെത്തൊട്ട് വിരോധിക്കുന്നവരുമാണ്. അവര്‍ അവരുടെ ആത്മാവ് പങ്കെടുക്കാത്ത ശരീരം കൊണ്ടുള്ള നമസ്കാരങ്ങളില്‍ മസീഹുദ്ദജ്ജാലിന്‍റെ നാശത്തെത്തൊട്ട് ശരണം തേടുന്നവരാണെങ്കിലും അവരുടെ ജീവിതശൈലിയിലൂടെ മ സീഹുദ്ദജ്ജാലിന്‍റെ വരവിനുവേണ്ടി ധൃതികാണിക്കുന്നവരാണ്. ആത്മാവിനെ പരിഗണിക്കാതെ ജീവിക്കുന്ന ഈ കെട്ടജനത 7: 172 ല്‍ പറഞ്ഞ പ്രകാരം ഓരോരുത്തരും സ്വര്‍ഗത്തില്‍ വെച്ച് നാഥനുമായി ചെയ്ത ഉടമ്പടി പാലിക്കാത്തവരും 2: 99; 5: 49; 7: 102 തുടങ്ങിയ സൂക്തങ്ങളില്‍ വിവരിച്ച പ്രകാരം അദ്ദിക്റിനെ ജനങ്ങളില്‍ നിന്ന് മൂടിവെക്കുകയും തള്ളിപ്പറയുകയും ചെയ്യുന്ന തെമ്മാടികളുമാണ്. 2: 152; 6: 110-111; 7: 189-190 വിശദീകരണം നോക്കുക.