'ദിവ്യാത്ഭുതം'(മുഅ്ജിസത്ത്) അല്ലാഹു അവനെ പരിചയപ്പെടുത്തുന്നതിനു വേണ്ടി പ്രവാചകന്‍മാരിലൂടെ പ്രകടിപ്പിക്കുന്നതാണ്. എന്നാല്‍ മാരണമാകട്ടെ 2: 102 ല്‍ വിവരിച്ചതുപോലെ പിശാചില്‍ നിന്നുള്ളതാണ്. ഇന്ന് ഇത്തരം സൂക്തങ്ങളെല്ലാം വായിക്കുന്ന ഫുജ്ജാറുകള്‍ തന്നെയാണ് തെറ്റും ശരിയും തിരിച്ചറിയാന്‍ ഉപയുക്തമായ അദ്ദിക്റിനെ ഉരക്കല്ലായി ഉപയോഗപ്പെടുത്തി അല്ലാഹുവിന്‍റെ മാര്‍ഗവും പിശാചിന്‍റെ മാര്‍ഗവും വേര്‍തിരിച്ചറി യാതെ ലക്ഷ്യബോധം നഷ്ടപ്പെട്ടവരും പ്രജ്ഞയറ്റവരുമായി വിഹരിക്കുന്നത്. ഒരു പ്രവാചകനും അല്ലാഹുവിന്‍റെ സമ്മതപത്രമായ അദ്ദിക്ര്‍ കൊണ്ടല്ലാതെ ഒരു ദൃഷ്ടാന്തവും കൊണ്ടുവരാന്‍ സാധിക്കുകയില്ല എന്ന് 14: 11; 13: 38; 40: 78 എന്നീ സൂക്തങ്ങളില്‍ പറഞ്ഞിട്ടുണ്ട്. 6: 91 ല്‍ വിവരിച്ച പ്രകാരം നാഥനെ സത്യമായ അദ്ദിക്ര്‍ സമര്‍പ്പിക്കുന്ന വിധം പരിഗണിക്കാത്തവരാണ് അറബി ഖുര്‍ആന്‍ വായിക്കുന്ന ഫുജ്ജാറുകള്‍. 48: 6 ല്‍ പറഞ്ഞ പ്രകാരം അല്ലാഹുവിന്‍റെ ശാപവും കോപവും ബാധിച്ചിട്ടുള്ള ഇവര്‍ 2: 168-169 സൂക്തങ്ങളില്‍ വിവരിച്ച പ്രകാരം പിശാചിനെയാണ് സേവിച്ചുകൊണ്ടിരിക്കുന്നതും അവന്‍റെ കാല്‍പാടുകളാണ് ജീവിതത്തിലുടനീളം പിന്‍പറ്റിക്കൊണ്ടിരിക്കുന്നതും. 1: 7; 2: 18; 4: 51-52; 6: 109-111; 75: 31-32 വിശദീകരണം നോക്കുക.