11: 56; 96: 15-16 സൂക്തങ്ങളില്‍ പറഞ്ഞ പ്രകാരം ആകാശഭൂമികളിലുള്ളതെല്ലാം അല്ലാഹുവിന്‍റെ അധീനത്തിലുള്ളതാണെന്നും ഒരു ജീവജാലവും അതിന്‍റെ കടിഞ്ഞാണ്‍ അവന്‍റെ നിയന്ത്രണത്തിലായിട്ടല്ലാതെയില്ല എന്നും വിശ്വസിക്കുന്നവരാണ് വിശ്വാസികള്‍ എന്നിരിക്കെ, അവര്‍ അവരെയും അവരുടെ എല്ലാ കാര്യങ്ങളെയും തങ്ങളുടെ ഉടമയില്‍ ഭരമേല്‍പിക്കുന്നതാണ്. അല്ലാഹു നല്‍കിയതിനെ തടയാനോ അല്ലാഹു തടഞ്ഞതിനെ നല്‍കാനോ കഴിയുന്നവരില്ലെന്നും ഒരു പ്രമാണിയുടെയും പ്രമാണിത്തം അവന്‍റെ മുമ്പില്‍ വിലപ്പോവുകയില്ലെന്നും ഉറച്ചു വിശ്വസിക്കുന്നവരാണ് അവര്‍. തിന്മ പിശാചില്‍ നിന്നും നന്മ നാഥനില്‍ നിന്നുമാണെന്ന് 4: 79 ല്‍ വിവരിച്ചിട്ടുണ്ട്. അപ്പോള്‍ വിശ്വാസികള്‍ 3: 101-102 സൂക്തങ്ങളില്‍ വിവരിച്ച പ്രകാരം തന്‍റെ ജിന്നുകൂട്ടുകാരനെ അദ്ദിക്ര്‍ കൊണ്ട് വിശ്വാസിയാക്കി മാറ്റി നാഥനെ ഹൃദയത്തില്‍ സൂക്ഷിക്കുന്നതാണ്. അവന്‍ മാത്രമാണ് 2: 132; 3: 102 സൂക്തങ്ങളില്‍ പറഞ്ഞ പ്രകാരം സര്‍വസ്വം നാഥന് സമര്‍പ്പിച്ചുകൊണ്ട് (മുസ്ലിമായി) മരണപ്പെടുക. 10: 60 ല്‍ വിവരിച്ച പ്രകാരം ഗ്രന്ഥം വന്നുകിട്ടിയിട്ട് അത് ഉപയോഗപ്പെടുത്തി തങ്ങളുടെ ജിന്നുകൂട്ടുകാരനെ വിശ്വാസിയാക്കിമാറ്റാത്ത ഫുജ്ജാറുകള്‍ മരണസമയത്ത് ആത്മാവിനെതിരെ നിശ്ചയം അവര്‍ കാഫിറുകള്‍ തന്നെയായിരുന്നു എന്ന് സാക്ഷ്യം വഹിക്കുന്നതാണ്. 3: 79-80; 10: 71; 22: 77-78 വിശദീകരണം നോക്കുക.