പ്രവാചകന്‍റെ മക്കാജീവിതത്തിന്‍റെ ആദ്യഘട്ടത്തില്‍ പ്രവാചകനും ഒറ്റപ്പെട്ട വിശ്വാസികളും അവരുടെ വീട് കേന്ദ്രീകരിച്ചായിരുന്നു പ്രാര്‍ത്ഥന നിര്‍വഹിച്ചിരുന്നത്. 2: 114; 96: 10-19 സൂക്തങ്ങളില്‍ വിവരിച്ച പ്രകാരം മക്കാമുശ്രിക്കുകള്‍ ആണും പെണ്ണും നഗ്നരായിട്ടാണ് കഅ്ബ പ്രദക്ഷിണം ചെയ്തി രുന്നത് എന്നതിനാല്‍ ദൈര്‍ഘ്യമായ ഒറ്റ സാഷ്ടാംഗപ്രണാമമായിരുന്നു പ്രവാചകന്‍റെ നമസ്കാരരീതി. മദീനയില്‍ വിശ്വാസികളുടെ ഒരു സംഘം ഉണ്ടായിവന്നപ്പോഴാണ് സംഘടിത നമസ്കാരം നിര്‍വഹിക്കാന്‍ ആരംഭിച്ചത്. 3: 7-10 സൂക്തങ്ങളില്‍ വിവരിച്ച പ്രകാരം പ്രവാചകന്‍റെ വിയോഗത്തിന് 30 വര്‍ഷങ്ങള്‍ക്കുശേഷം ഇസ്ലാം പിരിയുടയുകയും ഗ്രന്ഥം വായിക്കുന്ന പ്രവാചകന്‍റെ ജനത ഫാജിര്‍, കാഫിര്‍, വിശ്വാസി എന്നിങ്ങനെ മൂന്ന് വിഭാങ്ങളായിത്തീരുകയും ചെയ്തു. അവരിലെ ഫാജിറുകളും കാഫിറുകളുമടങ്ങിയ ഫുജ്ജാറുകളുടെ പട്ടിക നരകക്കുണ്ഠത്തിലേക്കുള്ള സിജ്ജീനിലാണെന്ന് 83: 7 ലും; അവര്‍ തന്നെയാണ് ഭ്രാന്തന്മാരും കുഫ്ഫാറുകളുമെന്ന് യഥാക്രമം 83: 29, 34 സൂക്തങ്ങളിലും പറഞ്ഞിട്ടുണ്ട്. പിശാചിനെ സേവിച്ചുകൊണ്ടിരിക്കുന്ന അവര്‍ക്ക് 7: 40 ല്‍ വിവരിച്ച പ്രകാരം ആകാശത്തിന്‍റെ വാതിലുകള്‍ തുറന്നുകൊടുക്കുകയോ തുന്നല്‍ക്കാരന്‍റെ സൂചിയുടെ ദ്വാരത്തിലൂടെ ഒട്ടകം പ്രവേശിക്കുന്നതുവരെ അവര്‍ സ്വര്‍ഗത്തില്‍ പ്രവേശിക്കുകയോ ഇല്ല. 10: 33 ല്‍ വിവരിച്ച പ്രകാരം സ്വര്‍ഗത്തിലേക്കുതന്നെ തിരി ച്ചുപോകാനുള്ള ടിക്കറ്റായ അദ്ദിക്റിനെ മൂടിവെക്കുന്ന തെമ്മാടികളായ കപടവിശ്വാസികള്‍ നിഷ്പക്ഷവാനായ നാഥനാല്‍ വധിക്കപ്പെട്ടിരിക്കുന്നവരും ഒരിക്കലും വിശ്വാസികളാകാത്തവരുമാണ്. അവര്‍ നന്മ വിരോധിക്കുന്നവരും തിന്മ കല്‍പിക്കുന്നവരുമാണ്. അവര്‍ക്കും അവരുടെ അനുയായികള്‍ക്കും നരകക്കുണ്ഠാഗ്നിയാണ് വാഗ്ദത്തം ചെയ്തിട്ടുള്ളത് എന്ന് 9: 67-68 സൂക്തങ്ങളില്‍ വിവരിച്ചിട്ടുണ്ട്. സ്വര്‍ഗവാസികള്‍ നരകക്കുണ്ഠത്തി ന്‍റെ 7 വാതിലുകളിലൊന്നായ സഖറിലേക്കുള്ള ഭ്രാന്തന്മാരോട് 'നിങ്ങളെ എന്തൊന്നാണ് സഖറിലേക്ക് നയിച്ചത്' എന്ന് ചോദിക്കുമ്പോള്‍ അവര്‍ മറുപടി പറയും: 'ഞങ്ങള്‍ നമസ്കരിക്കുന്നവരില്‍ ഉള്‍പ്പെട്ടിരുന്നില്ല, ഞങ്ങള്‍ ദരിദ്രരെ ഊട്ടുന്നവരായിരുന്നില്ല, നാഥനില്‍ നിന്നുള്ള ഗ്രന്ഥത്തിന്‍റെ ഏറ്റവും നല്ല വിശദീകരണമായ അദ്ദിക്റിനെ പിന്‍പറ്റി ജീവിക്കുന്ന വിശ്വാസികളെ പരിഹസിക്കുന്നവരും ഞങ്ങള്‍ക്ക് മരണം ആസന്നമാകുന്നതുവരെ വിധിദിവസ ത്തെ നിഷേധിക്കുന്നവരുമായിരുന്നു' എന്ന് 74: 41-47 സൂക്തങ്ങളില്‍ വിവരിച്ചിട്ടുണ്ട്. ഇവര്‍ ശരീരം കൊണ്ട് നമസ്കരിച്ചിരുന്നുവെങ്കിലും നമസ്കാരത്തില്‍ അവരുടെ ആത്മാവ് പങ്കെടുത്തിരുന്നില്ല. ഇത്തരം ഫുജ്ജാറുകളില്‍ നിന്നുള്ള ഏതൊരാളുടെയും മരണസമയത്ത് നാഥന്‍ അവനോട് 'നീ സ്വിദ്ഖിനെ സത്യപ്പെടുത്തിയില്ല, അതുകൊണ്ടുതന്നെ നീ നമസ്കരിച്ചിട്ടുമില്ല; മറിച്ച് നീ അതിനെ തള്ളിപ്പറഞ്ഞ് നേരെച്ചൊവ്വെയുള്ള പാതയില്‍ നിന്നും പിന്തിരി ഞ്ഞുപോയി' എന്ന് പറയുമെന്ന് 75: 31-32 സൂക്തങ്ങളില്‍ പറഞ്ഞിട്ടുണ്ട്. വിശ്വാസിയാകാനുള്ള നാഥന്‍റെ സമ്മതപത്രമായ അദ്ദിക്ര്‍ കൊണ്ട് വിശ്വാസിയാ കാത്ത ഒരാളുടെയും പ്രാര്‍ത്ഥനക്ക് ഉത്തരം ലഭിക്കുകയോ കര്‍മങ്ങള്‍ സ്വീകരിക്കപ്പെടുകയോ ഇല്ല. പകരം 4: 142; 25: 34, 65-66 സൂക്തങ്ങളില്‍ പറഞ്ഞ പ്രകാരം അവര്‍ക്ക് നരകക്കുണ്ഠമാണ് പിഴയായി ലഭിക്കുക. 'ഞങ്ങളുടെ നാഥാ! അദ്ദിക്റിനെ സത്യപ്പെടുത്തി ജീവിക്കുന്ന സൂക്ഷ്മാലുക്കള്‍ക്ക് ഞങ്ങളെ നീ ഇമാമുകള്‍ ആക്കേണമേ' എന്ന് 25: 74 ലൂടെ പ്രാര്‍ത്ഥിക്കുന്ന വിശ്വാസി കപടവിശ്വാസികളെ പിന്‍പറ്റി നമസ്കരിക്കുകയോ കെട്ടജനതക്കുവേണ്ടി ഇമാ മായി നമസ്കരിക്കുകയോ ഇല്ല. മൂസാനബിയുടെ കാലത്തെന്നപോലെ, അവസാനകാലത്ത് വിശ്വാസികള്‍ക്ക് വീട് കേന്ദ്രീകരിച്ച് നമസ്കരിക്കേണ്ട അവസ്ഥ വരുമെന്ന് പ്രവാചകന്‍ മുന്നറിയിപ്പ് നല്‍കിയിട്ടുണ്ട്. പ്രവാചകന്‍ പറഞ്ഞു: അടുത്തുതന്നെ നിങ്ങള്‍ക്ക് ഒരു കാലം വരും, അന്ന് ഇസ്ലാമില്‍ നിന്ന് അതിന്‍റെ പേരും ഗ്രന്ഥത്തില്‍ നിന്ന് അതിന്‍റെ ലിപിയുമല്ലാതെ ഒന്നും ശേഷിക്കുകയില്ല, അവരുടെ പള്ളികള്‍ വലിയ സൗധങ്ങളായിരിക്കും; അവ ജനനിബിഡങ്ങളുമായിരിക്കും, എന്നാല്‍ അവ സന്‍മാര്‍ഗത്തെത്തൊട്ട് തടയുന്നവയായിരിക്കും അഥവാ അവിടെ യഥാര്‍ത്ഥ വിശ്വാസമോ വിശ്വാസികളോ ഉണ്ടായിരിക്കുകയില്ല. അവര്‍ സന്മാര്‍ഗമായ അദ്ദിക്റില്‍ നിന്ന് വഴിപിഴച്ചു പോയവരായിരിക്കും, അവരുടെ നേതാക്കള്‍ ആകാശത്തിന് താഴെയുള്ള ജീവികളില്‍ വെച്ച് ഏറ്റവും ദുഷിച്ച ജീവികളായിരിക്കും, നാശം അവരില്‍ നിന്നാണ് ഉത്ഭവിക്കുക. അതിന്‍റെ പാപഭാരം അവരിലേക്കുതന്നെയാണ് മടക്കപ്പെടുക എന്നും നാഥന്‍ പ്രവാചകനിലൂടെ പഠിപ്പിച്ചിട്ടുണ്ട്. അതുകൊണ്ട് 3: 103 ല്‍ വിവരിച്ച പ്രകാരം അദ്ദിക്ര്‍ മുറുകെപ്പിടിക്കേണ്ടവിധം മുറുകെപ്പിടിച്ച് നിലകൊള്ളാനാണ് ഒറ്റപ്പെട്ട വിശ്വാസികളോട് കല്‍പിച്ചിട്ടുള്ളത്. 

വിശ്വാസികളുടെ സംഘമില്ലാത്ത ഇക്കാലത്ത് ഒറ്റപ്പെട്ട വിശ്വാസിയോട് 7: 205-206 സൂക്തങ്ങളില്‍ വിവരിച്ച പ്രകാരം പ്രഭാതപ്രദോഷങ്ങളില്‍ അദ്ദിക്ര്‍ ആത്മാവ് പങ്കെടുത്തുകൊണ്ട് വായിച്ച് മനസ്സിലാക്കാനും നാഥനെ വാഴ്ത്തിക്കൊണ്ടും പരിശുദ്ധപ്പെടുത്തിക്കൊണ്ടും ഗ്രന്ഥത്തില്‍ 15 സ്ഥലങ്ങളില്‍ വന്നിട്ടുള്ള തിലാവത്തിന്‍റെ സാഷ്ടാംഗപ്രണാമം നടത്താനും മനുഷ്യരുടെ ഐക്യം രൂപപ്പെടുത്തുക എന്ന ലക്ഷ്യം വെച്ച് അദ്ദിക്ര്‍ ലോകര്‍ക്ക് എത്തിച്ചുകൊടുത്തുകൊണ്ട് 47: 7 ല്‍ പറഞ്ഞ പ്രകാരം പ്രപഞ്ചനാഥനെ സഹായിക്കാനും, 1000 സമുദായങ്ങളില്‍ പെട്ട ജീവികള്‍ക്കെല്ലാം ഗുണപ്രദമാകുന്ന വിധത്തില്‍ ജൈവകൃഷി ചെയ്യാനും ഫലവൃക്ഷങ്ങള്‍ വെച്ചുപിടിപ്പിക്കാനും അതിന് മറ്റുള്ളവരെ സഹായിക്കാനും പ്രേരിപ്പിക്കാനുമാണ് കല്‍പിച്ചിട്ടുള്ളത്. കൂടാതെ ത്രികാലജ്ഞാനിയായ നാഥന്‍റെ ത്രികാലജ്ഞാന ഗ്രന്ഥമായ അദ്ദിക്ര്‍ ലോകര്‍ക്ക് എത്തിച്ചുകൊടുക്കുന്നതിന് തടസ്സം സൃഷ്ടിക്കുകയും അതിനെ മൂടിവെക്കുകയും വളച്ചൊടിക്കുകയും ചെയ്യുന്ന, നാഥന്‍റെ ശാപത്തിനും കോപത്തിനും വിധേയരായ കപടവിശ്വാസികളോടും കുഫ്ഫാറുകളോടും 9: 73; 25: 52; 66: 9 സൂക്തങ്ങളുടെ കല്‍പന അനുസരിച്ച് അദ്ദിക്ര്‍ കൊണ്ട് അധികരിച്ച ജിഹാദ് നടത്തുകയും വേണം. ഇന്ന് വിശ്വാസികളുടെ ഒരു സംഘം ലോകത്തൊരിടത്തും ഇല്ലാത്തതിനാല്‍ 2: 143 ലും 22: 78 ലും പറഞ്ഞ പ്രകാരം പ്രവാചകന്‍റെ ജീവിതം ലോകരില്‍ സാക്ഷ്യം വഹിച്ച് ജീവിക്കുക സാധ്യമല്ല. അവസാനകാലത്ത് തിലാവത്തിന്‍റെ ഒറ്റ സാഷ്ടാംഗപ്രണാമം അവന് ഭൂമിയിലുള്ള സര്‍ വസ്വം ലഭിക്കുന്നതിനേക്കാള്‍ ഉത്തമമായിരിക്കും എന്ന് നാഥന്‍ അവന്‍റെ പ്രവാചകനിലൂടെ പഠിപ്പിച്ചത് പ്രാവര്‍ത്തികമാക്കുകയാണ് ഇന്ന് ഒറ്റപ്പെട്ട വിശ്വാസി ചെയ്യുക. 2: 2-5; 6: 89-90; 8: 2-4 വിശദീകരണം നോക്കുക.