സൂക്തത്തില്‍ പറഞ്ഞ 'കാരുണ്യം അദ്ദിക്ര്‍ തന്നെയാണ്. പ്രവാചകന്‍ മൂസായില്‍ വിശ്വസിച്ച യുവാക്കള്‍ പ്രാര്‍ത്ഥിച്ച ഈ പ്രാര്‍ത്ഥന, ഇന്ന് അദ്ദിക്റിനെ മൂടിവെക്കുകയും തള്ളിപ്പറയുകയും ചെയ്യുന്ന അക്രമികളും കാഫിറുകളുമായ ജനതക്കെതിരെയാണ് വിശ്വാസികള്‍ പ്രാര്‍ത്ഥിക്കുക. അതുപോലെ 18: 10 ല്‍ പറഞ്ഞ ഗുഹാവാസികളായ യുവാക്കളുടെ പ്രാര്‍ത്ഥനയും, 60: 5 ല്‍ പറഞ്ഞ ഇബ്രാഹീമും കൂടെയുള്ള വിശ്വാസികളും പ്രാര്‍ത്ഥിച്ച പ്രാര്‍ത്ഥനയും അവര്‍ എപ്പോഴും പ്രാര്‍ത്ഥിക്കുന്നതാണ്. 

ഇന്ന് 25: 59 ല്‍ പറഞ്ഞ ത്രികാലജ്ഞാനിയിലൂടെ അജയ്യമായ അദ്ദിക്ര്‍ ഗ്രന്ഥമായി രൂപപ്പെട്ടിരിക്കെ അതുകൊണ്ട് വ്യക്തിജീവിതത്തിലും കുടുംബജീവിതത്തിലും സമൂഹജീവിതത്തിലും വിധികല്‍പിക്കാത്തവര്‍ തന്നെയാണ് കാഫിറുകളും അക്രമികളും തെമ്മാടികളുമെന്ന് യഥാക്രമം 5: 44, 45, 47 സൂക്തങ്ങളിലും; അല്ലാഹു നല്‍കിയ എല്ലാ അനുഗ്രഹങ്ങളും മരണത്തിനുമുമ്പ് ഇവിടെ ചെലവഴിച്ച് സ്വര്‍ഗം നേടലാണ് ജീവിതലക്ഷ്യമെന്ന് ഗ്രന്ഥത്തില്‍ വായിച്ചതിനുശേഷം അപ്രകാരം പ്രവര്‍ത്തിക്കാത്തവര്‍ തന്നെയാണ് കാഫിറുകളും അക്രമികളുമെന്ന് 2: 254 ലും പറഞ്ഞിട്ടുണ്ട്. ഇത്തരം സൂക്തങ്ങളെല്ലാം അറബി ഖുര്‍ആനില്‍ വായിക്കുന്ന ഫുജ്ജാറുകള്‍ ഈ സൂക്തത്തിന് മാത്രമല്ല, 6236 സൂക്തങ്ങള്‍ക്കും വിരുദ്ധമായ ജീവിതമാണ് നയിക്കുന്നത്. 3: 91 ല്‍, നിശ്ചയം നിഷേധികളാവുകയും നിഷേധത്തിനുമേല്‍ നിഷേധികളായിക്കൊണ്ട് മരണപ്പെടുകയും ചെയ്തവരാരോ, അപ്പോള്‍ അത്തരക്കാരില്‍ പെട്ട ഒരാളില്‍ നിന്ന് ഭൂമി നിറയെ സ്വര്‍ണ്ണം ലഭിച്ച് അതുകൊണ്ട് തെണ്ടം നല്‍കിയാലും സ്വീകരിക്കപ്പെടുകയില്ലതന്നെ, അക്കൂട്ടര്‍ക്ക് വേദനാജനകമായ ശിക്ഷയാണുള്ളത്, അവര്‍ക്ക് സഹായികളില്‍ നിന്ന് ആരും ഉണ്ടാവുകയുമില്ല എന്ന് പറഞ്ഞിട്ടുണ്ട്. വിശ്വാസികളുടെ സംഘമില്ലാത്ത ഇക്കാലത്ത് ഒറ്റപ്പെട്ട വിശ്വാസി 7: 205-206 സൂക്തങ്ങളില്‍ വിവരിച്ച പ്രാര്‍ത്ഥനാരീതിയും ജീവിതരീതിയുമാണ് പിന്‍പറ്റുക. 2: 165-167; 4: 174-175; 9: 28, 95 വിശദീകരണം നോക്കുക.