26: 196-197 സൂക്തങ്ങളില്‍, നിശ്ചയം ഈ ഗ്രന്ഥം പഴയ വേദങ്ങളിലെല്ലാമുണ്ട്. ഇസ്റാഈല്‍ സന്തതികളിലെ പണ്ഡിതന്മാര്‍ക്ക് ഈ ഗ്രന്ഥത്തെക്കുറിച്ച് അറിയാം എന്നത് ഇവര്‍ക്കൊരു ദൃഷ്ടാന്തമല്ലെയോ എന്ന് ചോദിച്ചിട്ടുണ്ട്. 2: 147; 7: 8-9; 10: 108; 39: 41, 69, 75; 43: 78 തുടങ്ങി 256 സൂക്തങ്ങളില്‍ അദ്ദിക്റിന് സത്യം എന്ന പേര് പരാമര്‍ശിച്ചിട്ടുണ്ട്. അദ്ദിക്ര്‍ ഉറപ്പുനല്‍കുന്ന സത്യമാണെന്ന് 56: 95 ലും 69: 51 ലും പറഞ്ഞിട്ടുണ്ട്. പ്രവാചകന്‍ മുഹമ്മദിന് അവതരിപ്പി ക്കപ്പെട്ട അദ്ദിക്റില്‍ മുമ്പ് വന്നിട്ടുള്ള 312 ഗ്രന്ഥങ്ങളും അവയുടെ നേരെച്ചൊവ്വെയുള്ള വിശദീകരണങ്ങളും അടങ്ങിയിട്ടുണ്ട്. അഥവാ 2: 2 ല്‍ വിവരിച്ച പ്രകാരം മുമ്പ് വന്നിട്ടുള്ള ഗ്രന്ഥങ്ങളെല്ലാം അദ്ദിക്റാണ്. 

നാലാം ഘട്ടമായ ഐഹികലോകത്തുവെച്ച് സത്യമായ അദ്ദിക്ര്‍ കൊണ്ട് വിശ്വാസിയാണെന്ന് ഉറപ്പുവരുത്താത്ത കപടവിശ്വാസികളും അനുയായി കളും നരകക്കുണ്ഠം കാണുമ്പോള്‍ 'നാഥാ, ഞങ്ങള്‍ നരകശിക്ഷ കണ്ടു, അതിലെ രോദനങ്ങള്‍ കേള്‍ക്കുകയും ചെ യ്തു, അതുകൊണ്ട് ഞങ്ങളെ നീ ഐഹികലോകത്തേക്കുതന്നെ തിരിച്ചയച്ചാലും, ഞങ്ങള്‍ സല്‍ക്കര്‍മം ചെയ്ത് വന്നുകൊള്ളാം, നിശ്ചയം ഞങ്ങള്‍ക്ക് ദൃഢബോധ്യം വന്നിരിക്കുന്നു' എന്ന് പറയുന്ന രംഗം 32: 12 ല്‍ മുന്നറിയിപ്പ് നല്‍കിയിട്ടുണ്ട്. ഫുജ്ജാറുകളിലെ സംഘടനകളില്‍ നിന്ന് ഏതൊരുവനാകട്ടെ, സാക്ഷിയും കാരുണ്യവും സന്മാര്‍ഗവും ഇമാമും സത്യവുമായ അദ്ദിക്ര്‍ എന്ന ഗ്രന്ഥത്തെ മൂടിവെക്കുകയാണെങ്കില്‍ അപ്പോള്‍ അവനോട് വാഗ്ദത്തം ചെയ്തിട്ടുള്ളത് നരകക്കുണ്ഠമാ ണെന്ന് 11: 17 ല്‍ പറഞ്ഞിട്ടുണ്ട്. സത്യമായ പ്രപഞ്ചനാഥനെ പരിചയപ്പെടുത്തുന്ന സത്യമായ ഗ്രന്ഥത്തെ മൂടിവെക്കുന്ന കപടവിശ്വാസികളും ഹൃദയ ത്തില്‍ സംശയമാകുന്ന രോഗമുള്ളവരും ഈസാ രണ്ടാമതുവന്നാല്‍ 4: 90-91; 5: 33; 9: 5, 123; 33: 60-61 സൂക്തങ്ങളില്‍ പറഞ്ഞ പ്രകാരം അന്ന് ഇസ്ലാം അംഗീകരിക്കുന്ന ഇതര ജനവിഭാഗങ്ങളാല്‍ വധിക്കപ്പെടുന്നതാണ്. 5: 48; 10: 35 വിശദീകരണം നോക്കുക.