98: 6 ല്‍, നിശ്ചയം, വേദക്കാരില്‍ നിന്നുള്ള കാഫിറുകളായവരും അല്ലാഹുവിന്‍റെ അധികാരാവകാശങ്ങളില്‍ പങ്കുചേര്‍ക്കുന്നവരും നരകകുണ്ഠത്തിലെ അഗ്നിയിലാണ്- അവര്‍ അതില്‍ നിത്യവാസികളായിരിക്കും, അക്കൂട്ടര്‍ തന്നെയാണ് കരയിലെ ഏറ്റവും തിന്മയേറിയ ജീവികള്‍ എന്നും; 98: 7-8 സൂക്തങ്ങളില്‍, നിശ്ചയം വിശ്വാസികളായവരും ആ വിശ്വാസം മറ്റുള്ളവര്‍ക്ക് എത്തിച്ചുകൊടുക്കുന്ന പ്രവര്‍ത്തനങ്ങളില്‍ ഏര്‍പ്പെട്ടവരുമുണ്ടല്ലോ, അക്കൂട്ടര്‍ തന്നെയാണ് കരയിലെ ഏറ്റവും ഉത്തമമായ ജീവികള്‍, അവര്‍ക്ക് തങ്ങളുടെ നാഥന്‍റെ പക്കലുള്ള പ്രതിഫലം താഴ്ഭാഗങ്ങളിലൂടെ നദികള്‍ ഒഴുകിക്കൊണ്ടിരിക്കുന്ന നിത്യാനുഗ്രഹങ്ങളടങ്ങിയ സ്വര്‍ഗപ്പൂന്തോപ്പുകളാണ്, അവര്‍ അതില്‍ എന്നെന്നും നിത്യവാസികളായിരിക്കും, അല്ലാഹു അവരെത്തൊട്ടും അവര്‍ അവനെത്തൊട്ടും തൃപ്തിപ്പെട്ടിരിക്കുന്നു, അതുതന്നെയാണ് തന്‍റെ നാഥനെ ഭയപ്പെടുന്നവനുള്ളത് എന്നും പറഞ്ഞിട്ടുണ്ട്. സ്വര്‍ഗവാസികളെക്കുറിച്ച് അവര്‍ സ്വര്‍ഗത്തില്‍ എന്നെന്നും നിത്യവാസികളായിരിക്കും എന്നാണ് പറഞ്ഞതെങ്കില്‍ നരകവാസികളെക്കുറിച്ച് അവര്‍ നരകത്തില്‍ എന്നെന്നും നിത്യവാസികളായിരിക്കും എന്ന് പറഞ്ഞിട്ടില്ല. കാരണം വിചാരണക്ക് ശേഷം നരകക്കുണ്ഠത്തില്‍ പ്രവേശിച്ചവര്‍ അവരുടെ ശിക്ഷാകാലാവധിക്ക് ശേഷം സ്വര്‍ഗത്തിലുള്ള അവരുടെ ബന്ധുക്കളാല്‍ ശുപാര്‍ശ ചെയ്യപ്പെട്ട് സ്വര്‍ഗത്തിലേക്ക് മാറ്റപ്പെടാവുന്നതാണ്. ഏറ്റവും നല്ല ഗ്രന്ഥമായ അദ്ദിക്റിനെ ഏറ്റവും നല്ല നിലക്ക് സത്യപ്പെടുത്തി ഇവിടെ ജീവിച്ചവര്‍ക്ക് ഏറ്റവും നല്ലതും അതില്‍ വര്‍ധനവുമുണ്ട് എന്ന് 50: 35 ല്‍ പറഞ്ഞതിന്‍റെ വിവക്ഷ, സ്വര്‍ഗവാസികള്‍ക്ക് -അദ്ദിക്റിനെ സത്യപ്പെടുത്തി ജീവിച്ചവര്‍ക്ക്- വിചാരണക്കുശേഷം നരകത്തിലായവരെ അവരുടെ ശിക്ഷാകാലാവധിക്കുശേഷം ശുപാര്‍ശ ചെയ്ത് സ്വര്‍ഗത്തിലേക്ക് കൊണ്ടുവരാന്‍ സാധിക്കും എന്നാണ്. അല്ലാഹുവിന്‍റെ സമ്മതപത്രമായ അദ്ദിക്ര്‍ കൂടാതെ ശുപാര്‍ശ സാധിക്കുകയില്ല. നരകവാസികളുടെ ഹൃദയങ്ങളില്‍ നിന്ന് സംഭ്രമം നീക്കിക്കഴിഞ്ഞാല്‍, ശുപാര്‍ശക്ക് അധികാരമുള്ള സ്വര്‍ഗവാസികളോട് അവര്‍ ചോദിക്കുന്നതാണ്: 'നിങ്ങളുടെ നാഥന്‍ എന്താണ് പറഞ്ഞത്?' അപ്പോള്‍ വിശ്വാസികള്‍ മറുപടി പറയും: 'സത്യം' എന്ന് 34: 23 ല്‍ പറഞ്ഞിട്ടുണ്ട്. 10: 33 ല്‍ വിവരിച്ച പ്രകാരം മനുഷ്യപ്പിശാചുക്കളായ കപടവിശ്വാസികള്‍ വിചാരണകൂടാതെ നരകത്തിന്‍റെ അടിത്തട്ടില്‍ പ്രവേശി ക്കുന്നവരും അവര്‍ അതില്‍ എന്നെന്നും ശാശ്വതരുമായിരിക്കും. അവര്‍ക്ക് അതില്‍ നിന്ന് ഒരിക്കലും പുറത്ത് വരാന്‍ സാധ്യമല്ല. 3: 185; 9: 80-82; 11: 17-18 വിശദീകരണം നോക്കുക.