സേവിക്കുക എന്നുപറഞ്ഞാല്‍ അടിമ ഉടമയെ മനസ്സിലാക്കി പൂര്‍ണ്ണമായി അവനെ ആശ്രയിച്ച് എപ്പോഴും എവിടെയും മനസ്സാ-വാചാ-കര്‍മ്മണാ അവന് വിധേയമായി അഥവാ കീഴ്വഴങ്ങി നിലകൊള്ളലാണ്. ആകാശഭൂമികളുടെയും അവയ്ക്കിടയിലുള്ള എല്ലാറ്റിന്‍റെയും സ്രഷ്ടാവും ഉടമയുമായ അല്ലാഹുവിനുവേണ്ടി ജീവിക്കുമ്പോള്‍ അത് അല്ലാഹുവിനുള്ള സേവനവും അല്ലാഹുവിനെ മറന്നുകൊണ്ടുള്ള അവസ്ഥയില്‍ ജീവിക്കുമ്പോള്‍ അത് കാഫിറായ പിശാചിനുള്ള സേവനവുമാണ്, അഥവാ അല്ലാഹുവിനെ സേവിച്ചുകൊണ്ടിരിക്കുക എന്നുപറഞ്ഞാല്‍ അല്ലാഹുവിനെ ജീവിപ്പിക്കുക എന്നും പിശാചിനെ സേവിക്കുക എന്നുപറഞ്ഞാല്‍ പിശാചിനെ ജീവിപ്പിക്കുക എന്നുമാണ്. ഇബ്റാഹീം സ്വന്തം പിതാവിനോട് പറഞ്ഞു: ഓ പിതാവേ, താങ്കള്‍ പിശാചിനെ സേവിച്ചു കൊണ്ടിരിക്കരുത്, നിശ്ചയം പിശാച് നിഷ്പക്ഷവാനെ ധിക്കരിച്ചവനാകുന്നു എന്ന് 19: 44 ലും, ഐഹികലോകത്തുവെച്ച് ചിന്താശക്തി ഉപയോഗപ്പെടുത്താത്ത യഥാര്‍ത്ഥ ഭ്രാന്തന്‍മാരെ പരലോകത്തുവെച്ച് വിശ്വാസികളില്‍ നിന്ന് വേര്‍തിരിച്ച് നിര്‍ത്തുകയും: ഓ ആദം സന്തതികളേ, നിങ്ങളോട് പിശാചിനെ സേവിക്കരുതെന്ന് ഉടമ്പടി വാങ്ങിയിട്ടുണ്ടായിരുന്നില്ലേ, അവന്‍ നിങ്ങള്‍ക്ക് വ്യക്തമായ ശത്രുവാണെന്ന് മുന്നറിയിപ്പ് നല്‍കിയിട്ടുമുണ്ടായിരുന്നില്ലേ എന്ന് ചോദിക്കുമെന്ന് 36: 59-62 സൂക്തങ്ങളിലും മുന്നറിയിപ്പ് നല്‍കിയിട്ടുണ്ട്.

ബുദ്ധിശക്തി ഉപയോഗപ്പെടുത്തുന്ന വിശ്വാസികള്‍ 2: 152; 3: 190-191 സൂക്തങ്ങളില്‍ വിവരിച്ച പ്രകാരം അവരുടെ നിര്‍ത്തങ്ങളിലും ഇരുത്തങ്ങളിലും കിടത്തങ്ങളിലും നാഥനെ സ്മരിച്ച് നിലകൊള്ളുന്നവരാണ്. അത്തരം വിശ്വാസി 32: 4 ല്‍ പറഞ്ഞ പ്രകാരം മനുഷ്യര്‍ക്ക് അല്ലാഹുവിനെക്കൂടാതെ സംരക്ഷകരില്‍ നിന്നോ ശുപാര്‍ശക്കാരില്‍ നിന്നോ ആരും തന്നെ ഇല്ല എന്ന് മനുഷ്യരെ ഉണര്‍ത്തുന്നതിന് വേണ്ടി യഥാര്‍ത്ഥ ജ്ഞാനമായ അദ്ദിക്ര്‍ എത്തിച്ചുകൊടുക്കുന്ന പ്രവര്‍ത്തനങ്ങളില്‍ മുഴുകുന്നതാണ്. 21: 24 ല്‍ വിവരിച്ച പ്രകാരം തെളിവും സത്യവുമായ അദ്ദിക്ര്‍ കൊണ്ട് 313 പ്രവാചകന്മാരെയും നിയോഗിച്ചിട്ടുള്ളത് അല്ലാഹു അല്ലാതെ മറ്റൊരു ഇലാഹുമില്ല എന്നും അതുകൊണ്ട് നിങ്ങള്‍ അവനെ മാത്രം സേവിക്കുക എന്നും മനുഷ്യരെ പഠിപ്പിക്കുന്നതിന് വേണ്ടിയാണ്. എന്നാല്‍ ത്രികാലജ്ഞാനമായ അദ്ദിക്റിനെ തള്ളിപ്പറയുന്നതിനാല്‍ അറബി ഖുര്‍ആന്‍ വായിക്കുന്ന ഫു ജ്ജാറുകള്‍ പിശാചിനെയാണ് സേവിക്കുന്നത്. അവര്‍ 114: 1-4 സൂക്തങ്ങളില്‍ 'അല്ലാഹു മനുഷ്യരുടെ നാഥനാണെന്നും രാജാവാണെന്നും ഇലാഹാണെന്നും' വായിക്കുന്നവരാണെങ്കിലും പ്രായോഗിക ജീവിതത്തില്‍ അവരത് അംഗീകരിക്കുന്നില്ല. സര്‍വസ്വം നാഥന് സമര്‍പ്പിച്ച് ജീവിക്കുന്ന മുസ്ലിംകള്‍ക്ക് എല്ലാഓരോ കാര്യവും വിശദീകരിച്ചിട്ടുള്ള അദ്ദിക്ര്‍ സന്മാര്‍ഗവും കാരുണ്യവും ശുഭവാര്‍ത്താദായകവുമാണ് എന്ന് 16: 89 ല്‍ പറഞ്ഞിട്ടുണ്ട്. എന്നാല്‍ ആത്മാവില്ലാത്ത കെട്ടജനതയും അറബി ഖുര്‍ആന്‍ വായിക്കുന്ന ഫുജ്ജാറുകളുമായ കാഫിറുകള്‍ അര്‍ഹതയില്ലാതെ അവകാശപ്പെടുന്നതും അഭിമാനിക്കുന്നതും അവരാണ് മുസ്ലിംകളും സ്വര്‍ഗത്തിലേക്കുള്ളവരും എന്നും, ഇതര ജനവിഭാഗങ്ങളായ ജൈനര്‍, ബുദ്ധര്‍, ഹൈന്ദവര്‍, ജൂതര്‍, ക്രൈസ്തവര്‍ തുടങ്ങിയവരാണ് കാഫിറുകളും നരകത്തിലേക്കുള്ളവരും എന്നുമാണ്. അവര്‍ അവരുടെ ജിന്നുകൂട്ടുകാരനെ അദ്ദിക്ര്‍ കൊണ്ട് വിശ്വാസിയാക്കാത്തതുകാരണം 7: 37 ല്‍ പറഞ്ഞ പ്രകാരം അവരുടെ മരണസമയത്ത് ആത്മാവിനെതിരെ നിശ്ചയം അവര്‍ കാഫിറുകളായിരു ന്നു എന്ന് സാക്ഷ്യം വഹിക്കുന്നതാണ്. കേള്‍വിയുണ്ടായിട്ടും അദ്ദിക്ര്‍ കേള്‍ക്കാന്‍ തയ്യാറാകാത്തവരും കാഴ്ചയുണ്ടായിട്ടും അദ്ദിക്ര്‍ വായിക്കാന്‍ തയ്യാറാ കാത്തവരുമാണ് നരകക്കുണ്ഠത്തിലേക്കുള്ള കാഫിറുകള്‍ എന്ന് 18: 100-101 സൂക്തങ്ങളില്‍ പറഞ്ഞിട്ടുണ്ട്. 1: 4; 7: 27; 10: 104-106 വിശദീകരണം നോക്കുക.