ഏതൊരു പ്രവാചകന്‍റെ ജനതയും മുഴുവനും അക്രമികളാവുമ്പോള്‍ വിശ്വാസികള്‍ക്കും അക്രമികള്‍ക്കുമിടയില്‍ തീരുമാനം കല്‍പിക്കുന്നതിനായി പ്രവാചകനെക്കൊണ്ട് പ്രാര്‍ത്ഥിപ്പിച്ച് ശിക്ഷ നടപ്പിലാക്കലാണ് നാഥന്‍റെ ചര്യ. 6: 47, 133 സൂക്തങ്ങളില്‍ വിവരിച്ച പ്രകാരം പ്രവാചകനെയും വിശ്വാസികളെയും നാഥന്‍ രക്ഷിക്കുകയും അക്രമികളെ തൂത്തെറിയുകയുമാണ് ചെയ്തിട്ടുള്ളത്. 2: 168-169 സൂക്തങ്ങളില്‍ വിവരിച്ച പ്രകാരം ഇന്ന് അറബി ഖുര്‍ആന്‍ വായിക്കുന്ന ഫുജ്ജാറുകള്‍ അദ്ദിക്റിനെ മൂടിവെച്ചുകൊണ്ടും തള്ളിപ്പറഞ്ഞുകൊണ്ടും പിശാചിനെ സേവിക്കുന്നവരും അവന്‍റെ കാല്‍പ്പാടുകള്‍ പിന്‍പറ്റുന്നവരുമാണ്. 6: 25-26 സൂക്തങ്ങളില്‍ വിവരിച്ച പ്രകാരം പ്രപഞ്ചത്തെ അതിന്‍റെ സന്തുലനത്തില്‍ നിലനിര്‍ത്താനുള്ള ത്രാസും അമാനത്തുമായ അദ്ദിക്ര്‍ സ്വയം ഉപയോഗപ്പെടുത്താതെയും മറ്റുള്ളവര്‍ക്ക് ഉപയോഗപ്പെടുത്താന്‍ നല്‍കാതെയും അവര്‍ അവരെത്തന്നെയല്ലാതെ നശിപ്പിക്കുന്നില്ല, എന്നാല്‍ അവര്‍ അത് തിരിച്ചറിയുന്നില്ല. ചിന്താശക്തി ഉപയോഗപ്പെടുത്താത്ത ഈ ദുഷ്ടജീവികള്‍ 30-ാമത്തെ കള്ളവാദിയായ അന്തിക്രിസ്തുവിനെയും അന്ത്യദിനത്തെയും ആനയിക്കുന്നതിന് ധൃതികൂട്ടുന്നവരാണ്. 9: 15 ല്‍ വിവരിച്ച പ്രകാരം ഈസായുടെ രണ്ടാം വരവോടുകൂടി അന്ന് ഇസ്ലാം അംഗീകരിക്കുന്ന പ്രവാചകന്‍റെ സമുദായത്തില്‍ പെട്ട ഇതരജനവിഭാഗങ്ങളാല്‍ ഇത്തരം മാലിന്യമായ കപടവിശ്വാസികളും അവരുടെ അനുയായികളും വധിക്കപ്പെടുന്നതാണ്. 5: 65-66; 9: 112; 10: 17, 54 വിശദീകരണം നോക്കുക.