2: 256; 3: 101; 4: 175; 5: 48 എന്നീ സൂക്തങ്ങളില്‍ വിവരിച്ച പ്രകാരം കാരുണ്യമായ അദ്ദിക്ര്‍ ഇന്ന് ഗ്രന്ഥമായി രൂപപ്പെട്ടിരിക്കെ ആരാണോ അതിനെ മുറുകെപ്പിടിച്ചത്, അവന്‍ നേരെച്ചൊവ്വെയുള്ള പാതയിലായി. അദ്ദിക്റിനെ സത്യപ്പെടുത്തി ജീവിക്കുന്ന വിശ്വാസി 83: 7 ല്‍ പറഞ്ഞ നരകക്കുണ്ഠത്തിലേ ക്കുള്ള സിജ്ജീന്‍ പട്ടികയില്‍ നിന്നും തന്‍റെ വിധി 83: 18 ല്‍ പറഞ്ഞ സ്വര്‍ഗത്തിലുള്ള ഇല്ലിയീന്‍ പട്ടികയിലേക്ക് മാറ്റുന്നതാണ്. 6: 116; 33: 1, 48 സൂക്തങ്ങളില്‍ വിവരിച്ച പ്രകാരം വിശ്വാസി മാലിന്യമായ കപടവിശ്വാസികളെയും അവരുടെ അനുയായികളായ മുശ്രിക്കുകളെയും ഒരു കാര്യത്തിലും അനുസരിക്കുകയില്ല. മുഴുവന്‍ ജിന്നുകളെക്കൊണ്ടും മനുഷ്യരെക്കൊണ്ടും നരകക്കുണ്ഠം കുത്തിനിറക്കുകതന്നെ ചെയ്യുമെന്ന നാഥന്‍റെ വിധി വന്നിട്ടുള്ളതിനാല്‍ നിഷ്പക്ഷവാനായ നാഥനോ പ്രവാചകന്മാര്‍ക്കോ നബിമാര്‍ക്കോ ആര്‍ക്കും തന്നെ ഒരാളുടെയും വിധി മാറ്റിമറിക്കാന്‍ സാധി ക്കുകയില്ല. കാരണം സ്വര്‍ഗത്തില്‍ സൃഷ്ടിച്ചപ്പോള്‍ തന്നെ 55: 1-4 സൂക്തങ്ങളില്‍ വിവരിച്ച പ്രകാരം കാരുണ്യമായ അദ്ദിക്ര്‍ എല്ലാ ഓരോ ആത്മാവിനും പഠിപ്പിച്ചിട്ടുണ്ട്. 91: 7-10 സൂക്തങ്ങളില്‍, ആത്മാവിനേയും അതിനെ സംവിധാനിച്ച രീതിയും തന്നെയാണ് സത്യം. അങ്ങനെ അതിന് അതിന്‍റെ തെമ്മാടിത്തവും അതിന്‍റെ സൂക്ഷ്മതയും നല്‍കുകയുമുണ്ടാ യി. നിശ്ചയം, അതിനെ ശുദ്ധീകരിച്ചവന്‍ വിജയം വരിച്ചു. നിശ്ചയം അതിനെ ദുഷിപ്പിച്ചവന്‍ പരാജയപ്പെടുകയും ചെയ്തു എന്നും; 76: 3 ല്‍, നിശ്ചയം നാം മനുഷ്യന് രണ്ടാലൊരുമാര്‍ഗം -ഒന്നുകില്‍ നന്ദി പ്രകടിപ്പിക്കുന്നവന്‍, അല്ലെങ്കില്‍ നന്ദികെട്ടവന്‍- തെരഞ്ഞെടുക്കാനുള്ള സ്വാതന്ത്ര്യവും നല്‍കി എന്നും പറഞ്ഞിട്ടുണ്ട്. ആണായിരിക്കട്ടെ പെണ്ണായിരിക്കട്ടെ, ആരാണോ സത്യമായ അദ്ദിക്ര്‍ കൊണ്ട് തന്‍റെ ജിന്നുകൂട്ടുകാരനെ വിശ്വാസിയാക്കി മാറ്റി നാഥനെ ഹൃദയത്തില്‍ സൂക്ഷിക്കുന്നത്, അവര്‍ മാത്രമാണ് സര്‍വസ്വം നാഥന് സമര്‍പ്പിച്ച് മരിക്കുക എന്ന് 3: 102 ലും, എല്ലാഓരോ കാര്യവും വിശദീകരിച്ചിട്ടുള്ള അദ്ദിക്റിനെ സന്മാര്‍ഗവും കാരുണ്യവും ശുഭവാര്‍ത്താദായക വുമായി ഉപയോഗപ്പെടുത്തുന്നവരാണ് യഥാര്‍ത്ഥ മുസ്ലിംകള്‍ എന്ന് 16: 89 ലും പറഞ്ഞിട്ടുണ്ട്. എന്നാല്‍ ഇന്ന് അര്‍ഹതയില്ലാതെ മുസ്ലിംകളാണെന്ന് വാദി ക്കുന്ന അറബി ഖുര്‍ആന്‍ വായിക്കുന്ന ഫുജ്ജാറുകള്‍ 4: 150-151 സൂക്തങ്ങളില്‍ പറഞ്ഞ യഥാര്‍ത്ഥ കാഫിറുകളായതിനാല്‍ 9: 31; 15: 44; 16: 89 സൂക്തങ്ങ ളില്‍ വിവരിച്ച പ്രകാരം നരകക്കുണ്ഠത്തിന്‍റെ 7 വാതിലുകളിലേക്ക് നിജപ്പെടുത്തി വെക്കപ്പെട്ടവരാണ്. 2: 62, 148; 4: 118; 17: 13-14 വിശദീകരണം നോക്കുക.