6: 52 ല്‍, കപടവിശ്വാസികളായ നേതാക്കള്‍ക്കുവേണ്ടി ബലഹീനരായ വിശ്വാസികളെ ആട്ടിയകറ്റാന്‍ പാടില്ല എന്ന് പ്രവാചകനോടും വിശ്വാസിയോടും കല്‍പിച്ചിട്ടുണ്ട്. 18: 28 ല്‍, തങ്ങളുടെ നാഥന്‍റെ മുഖം പ്രതീക്ഷിച്ചുകൊണ്ട് പ്രഭാതത്തിലും പ്രദോഷത്തിലും പ്രാര്‍ത്ഥിച്ചുകൊണ്ടിരിക്കുന്നവരോടൊപ്പം നീ ക്ഷമയോടെ വര്‍ത്തിക്കേണ്ടതുമാകുന്നു, ഭൗതിക ജീവിതത്തിലെ അലങ്കാരങ്ങള്‍ ആഗ്രഹിച്ചുകൊണ്ട് അവരെത്തൊട്ട് നിന്‍റെ കണ്ണുകളെ നീ തിരിച്ചുകളയുകയുമരുത്, നമ്മുടെ സ്മരണയുണര്‍ത്തുന്ന അദ്ദിക്റിനെത്തൊട്ട് തന്‍റെ ഹൃദയം പ്രജ്ഞയറ്റവനെയും തന്‍റെ ദേഹേച്ഛ പിന്‍പറ്റിയവനെയും നീ ഒരിക്കലും അനുസരിക്കുകയുമരുത് -അവന്‍റെകാര്യം പരിധിലംഘിച്ചവനായിരിക്കുന്നു എന്ന് പറഞ്ഞിട്ടുണ്ട്. എല്ലാഓരോ മനുഷ്യനും തന്‍റെ പിരടിയില്‍ വഹിക്കുന്ന കര്‍മരേഖ വിധിദിവസം തുറന്ന പ്രകാശിക്കുന്ന ഗ്രന്ഥമായി പുറത്തെടുത്ത് ഓരോരുത്തര്‍ക്കും നല്‍കി വായിപ്പിച്ചാണ് ഓരോരുത്തരുടെയും വിചാരണ നടത്തുക എന്ന് 17: 13-14 സൂക്തങ്ങളില്‍ പറഞ്ഞിട്ടുണ്ട്. 41: 33 ല്‍, അല്ലാഹുവിലേക്ക് വിളിക്കുകയും സല്‍കര്‍മ്മങ്ങള്‍ അനുഷ്ഠിക്കുകയും നിശ്ചയം ഞാന്‍ അല്ലാഹുവിന് സര്‍വ്വസ്വം സമര്‍പ്പിച്ചവരില്‍ പെട്ടവനാണെന്ന് പറയുകയും ചെയ്യുന്നവനെക്കാള്‍ ആരാണ് ഏറ്റവും നല്ല വാക്ക് പറയുന്നവന്‍, എന്ന് പറഞ്ഞിട്ടുണ്ട്. 33: 1, 48 സൂക്തങ്ങളില്‍ വിവരിച്ച പ്രകാരം പ്രവാചകനോ വിശ്വാസിയോ കപടവിശ്വാസികളെയും കാഫിറുകളായ അവരുടെ അനുയായികളെയും അനുസരിക്കാന്‍ പാടില്ല. 6: 50; 9: 55, 61; 10: 40-41, 106 വിശദീകരണം നോക്കുക.