ത്രികാലജ്ഞാനിയായ അല്ലാഹുവിന്‍റെ ചര്യയായ അദ്ദിക്റില്‍ നിന്ന് കാര്യകാരണ ബന്ധങ്ങള്‍ക്ക് അതീതമായി പ്രവര്‍ത്തിക്കുന്നവനാണ് അല്ലാഹു എന്ന് മനസ്സിലാക്കാത്ത കപടവിശ്വാസികള്‍, പ്രവാചകന്‍മാരുടെ കാലത്തുനടന്ന ഇത്തരം സംഭവങ്ങളില്‍ നിന്നൊന്നും തന്നെ  ഒരു പാഠവും പഠിക്കുകയില്ല, അവര്‍ ഉള്‍കാഴ്ച്ചാദായകവും സമാനമായ ഉപമ-ഉദാഹരണങ്ങളുമായി അദ്ദിക്റിനെ ഉപയോഗപ്പെടുത്തുകയുമില്ല, അവര്‍ എല്ലാകാര്യങ്ങളും ഭൗതിക കാഴ്ചപ്പാടോടെ മാത്രം നോക്കിക്കാണാന്‍ ഉതകുന്ന വിധത്തില്‍ ഖുര്‍ആനിന് വിശദീകരണം നല്‍കുന്നതായി കാണാം. ആത്മാവില്ലാതെ ശരീരം കൊണ്ട് നമസ്കരിക്കുന്ന അവര്‍ അത്തഹിയ്യാത്തില്‍ മസീഹുദ്ദജ്ജാലിന്‍റെ നാശത്തെത്തൊട്ട് അല്ലാഹുവിനോട് അഭയം തേടുന്നുണ്ടെങ്കിലും അദ്ദിക്റിന്‍റെ വെളിച്ചത്തിലല്ലാത്തതിനാല്‍ അവര്‍ തന്നെയാണ് അവന്‍റെ സ്വര്‍ഗം തെരഞ്ഞെടുത്ത് അവന്‍റെ കെണിയില്‍ അകപ്പെടുക!

18: 60-82 സൂക്തങ്ങളില്‍ പറഞ്ഞ പ്രകാരം മൂസാനബിക്ക് സവിശേഷമായ അറിവ് പഠിപ്പിക്കാന്‍ നിയോഗിച്ചയക്കപ്പെട്ട, അല്ലാഹുവിന്‍റെ പക്കല്‍നിന്ന് പ്ര ത്യേക അറിവ് ലഭിച്ചിട്ടുള്ള, 'ഖിള്റി'ന്‍റെ പ്രവൃത്തികള്‍ മൂസാക്കുതന്നെ പ്രത്യക്ഷത്തില്‍ തെറ്റായിട്ടാണ് അനുഭവപ്പെട്ടത്. പിന്നീട് അതിന്‍റെ യഥാര്‍ത്ഥ വിശദീകരണം ഖിള്ര്‍ നല്‍കിയപ്പോള്‍ മാത്രമാണ് മൂസാക്ക് അത് ഉള്‍ക്കൊള്ളാന്‍ സാധ്യമായത്. ത്രികാലജ്ഞാനമായ അദ്ദിക്ര്‍ ഉള്‍കാഴ്ച്ചാദായകമായി ഉപയോഗപ്പെടുത്തുന്നവര്‍ക്ക് മാത്രമാണ് യഥാര്‍ത്ഥ അറിവ് ലഭിക്കുന്നത്. ആത്മാവിന്‍റെ ഭക്ഷണവും വസ്ത്രവും ദൃഷ്ടിയുമായ അത് ഉപയോഗപ്പെടുത്തു ന്നവര്‍ മാത്രമാണ് ബുദ്ധിമാന്‍മാര്‍. അല്ലാത്തവരെല്ലാം മൂഢന്‍മാരും ഇഹലോകജീവിതം മോടി പിടിപ്പിക്കുന്നതിനുള്ള അറിവ് മാത്രം നേടുന്നവരും ഐഹികലോക നേട്ടങ്ങള്‍ക്ക് വേണ്ടി മാത്രം എല്ലാ അനുഗ്രഹങ്ങളും ഉപയോഗപ്പെടുത്തുന്നവരുമാണ്.

 അറിവും സന്മാര്‍ഗവും പ്രകാശം നല്‍കുന്ന ഗ്രന്ഥവുമായ അദ്ദിക്ര്‍ കൂടാതെ അല്ലാഹുവിന്‍റെ കാര്യത്തില്‍ തര്‍ക്കിക്കുന്നവരാണ് കപടവിശ്വാസികളും അവരെ അന്ധമായി പിന്‍പറ്റുന്ന അനുയായികളുമെന്ന് 22: 8; 31: 20 സൂക്തങ്ങളില്‍ പറഞ്ഞിട്ടുണ്ട്. അല്ലാഹുവിന്‍റെ ശാപത്തിനും കോപത്തിനും വിധേയരായ കപടവിശ്വാസികളും അവരുടെ വഴിപിഴച്ച അനുയായികളും സത്യമായ അദ്ദിക്ര്‍ സമര്‍പ്പിക്കുന്നവിധം നാഥനെ പരിഗണിക്കാത്തവരാണ്. അവര്‍ക്ക് അല്ലാഹുവിനെക്കുറിച്ച് ദുഷിച്ച ധാരണയാണുള്ളത് എന്നും അവരുടെ മേലാണ് ദുഷിച്ച പരിണിതിയുള്ളത് എന്നും 48: 6 ല്‍ പറഞ്ഞിട്ടുണ്ട്. തിന്മ കല്‍പിക്കുന്നവരും നന്മ വിരോധിക്കുന്നവരുമായ അവര്‍ യുക്തിനിര്‍ഭര ഉണര്‍ത്തലായ അദ്ദിക്റിനെ വിസ്മരിക്കുകവഴി നാഥനെ വിസ്മരിച്ചവരാ യതിനാല്‍ ഇത്തരം തെമ്മാടികളെ നാഥനും വിസ്മരിച്ചിരിക്കുന്നു എന്ന് 9: 67-68 സൂക്തങ്ങളില്‍ പറഞ്ഞിട്ടുണ്ട്. 2: 186 ല്‍ വിവരിച്ച പ്രകാരം ആത്മാവ് പങ്കെടുക്കാത്ത അവരുടെ എല്ലാ പ്രാര്‍ത്ഥനകളും പ്രവൃത്തികളും നിഷ്ഫലമാണ്. 2: 85, 212; 8: 22; 11: 8 വിശദീകരണം നോക്കുക.