27: 48-52 സൂക്തങ്ങളില്‍, ആ പട്ടണത്തില്‍ ഒമ്പത് ഗോത്രക്കാരുണ്ടായിരുന്നു, അവര്‍ ഭൂമിയില്‍ നാശം വിതച്ചുകൊണ്ടിരിക്കുന്നവരും സുകൃതമൊന്നും ചെയ്യാത്തവരുമായിരുന്നു. അവര്‍ പറഞ്ഞു: സ്വാലിഹിനെയും അവന്‍റെ കുടുംബത്തെയും നാം രാത്രിയില്‍ നശിപ്പിക്കുകതന്നെ ചെയ്യുമെന്ന് നിങ്ങള്‍ അല്ലാഹുവിനെക്കൊണ്ട് ആണയിടുക, പിന്നെ അവന്‍റെ സംരക്ഷകനോട് നാം പറയുകതന്നെ ചെയ്യും: അവന്‍റെ കുടുംബത്തിന്‍റെ നാശത്തിന് ഞങ്ങള്‍ സാക്ഷികളല്ല, നിശ്ചയം ഞങ്ങള്‍ സത്യസന്ധന്മാര്‍ തന്നെയുമാകുന്നു എന്ന്. അവര്‍ ഒരു ഗൂഢതന്ത്രം പ്രയോഗിച്ചു, നാമും ഒരു ഗൂഢതന്ത്രം പ്രയോഗിച്ചു, അവരത് തിരിച്ചറിയുന്നവരായിരുന്നില്ല. അപ്പോള്‍ അവരുടെ ഗൂഢതന്ത്രത്തിന്‍റെ പര്യവസാനം എങ്ങനെയായിരുന്നു എന്ന് നീ നോക്കിക്കാണുക! നിശ്ചയം നാം അവരെയും അവരുടെ ജനതയെയും മുഴുവനും തരിപ്പണമാക്കിക്കളഞ്ഞു. അപ്പോള്‍ അവിടെ അതാ അവരുടെ വീടുകള്‍ ശൂന്യമായിക്കിടക്കുന്നു -അവര്‍ അക്രമികളായിരുന്നതുകൊണ്ട്! നിശ്ചയം അതില്‍ അറിവുള്ള ജനതക്ക് ഒരു പാഠം തന്നെയുണ്ട് എന്ന് പറഞ്ഞിട്ടുണ്ട്. 8: 30 ല്‍ വിവരിച്ച പ്രകാരം പ്രവാചകന്‍ മുഹമ്മദിന്‍റെ ജനത അദ്ദേഹത്തിനെതിരെ ഗൂഢതന്ത്രം പ്രയോഗിച്ചിട്ടുണ്ട്. 3: 101; 5: 48 സൂക്തങ്ങളില്‍ വിവരിച്ച പ്രകാരം ഇന്ന് മുഹൈമിനായ അദ്ദിക്റിനെ മുറുകെപ്പിടിച്ച് ജീവിക്കുന്ന വിശ്വാസിക്കെതിരെ ആര് എന്ത് ഗൂഢതന്ത്രം പ്രയോഗിച്ചാലും 14: 46 ല്‍ വിവരി ച്ച പ്രകാരം അത് അവനെ ബാധിപ്പിക്കാന്‍ ഒരിക്കലും സാധ്യമല്ല. മാത്രമല്ല, 35: 10 ല്‍ പറഞ്ഞ പ്രകാരം അവരുടെ ഗൂഢതന്ത്രം അവരുടെ മേല്‍ തന്നെ തിരിച്ചടിക്കുന്നതുമാണ്. 7: 73-79 വിശദീകരണം നോക്കുക.