ലൂത്തിന്‍റെ ജനതയുടെ കാര്യത്തില്‍ ഇബ്റാഹീം തര്‍ക്കിക്കാന്‍ തുടങ്ങിയത് ലൂത്തും കുടുംബവും അവരുടെ ഇടയില്‍ ഉള്ളതിനാലാണ്. 29: 31-32 സൂക്തങ്ങളില്‍, ഇബ്റാഹീമിലേക്ക് സന്തോഷവാര്‍ത്തയും കൊണ്ട് വന്ന നമ്മുടെ ദൂതന്‍മാര്‍ ലൂത്തിന്‍റെ ജനതയെക്കുറിച്ച് പറയുകയുണ്ടായി: നിശ്ചയം ഞങ്ങള്‍ ഈ നാട്ടിലെ നിവാസികളെ നശിപ്പിക്കുകയാണ്; നിശ്ചയം അതിന്‍റെ നിവാസികള്‍ അക്രമികളായിരിക്കുന്നു. ഇബ്റാഹീം പറഞ്ഞു: നിശ്ചയം അവിടെ ലൂത്തുണ്ടല്ലോ; മലക്കുകള്‍ പറഞ്ഞു: അവിടെ ആരാണുള്ളതെന്ന് ഏറ്റവും നന്നായി അറിയുക നമുക്കുതന്നെയാണ്, നാം അവനെയും അവന്‍റെ കുടുംബാംഗങ്ങളെയും രക്ഷപ്പെടുത്തുകതന്നെ ചെയ്യും -അവന്‍റെ സ്ത്രീയെ ഒഴിച്ച്, അവള്‍ പുറം തിരിഞ്ഞ് നില്‍ക്കുന്നവരില്‍ പെട്ടവളായിരിക്കുന്നു എ ന്ന് പറഞ്ഞിട്ടുണ്ട്. 4: 125 ല്‍, അല്ലാഹു ഇബ്റാഹീമിനെ ആത്മമിത്രമായി തെരഞ്ഞെടുത്തിരിക്കുന്നു എന്ന് പറഞ്ഞിട്ടുണ്ട്. അതുകൊണ്ടാണ് അപേക്ഷി ക്കുക എന്നതിന് പകരം തര്‍ക്കിക്കുക എന്ന പദം പ്രയോഗിച്ചത്.