ദുഷ്കര്‍മ്മങ്ങളുടെ പരിണിതി ഇഹലോകത്തുവെച്ചുതന്നെ അനുഭവിക്കുമെന്നതില്‍ നിന്ന് പ്രവാചകന്‍മാരുമായോ മഹാത്മാക്കളുമായോ ഉള്ള രക്തബന്ധ മോ വംശബന്ധമോ വിവാഹബന്ധമോ അവരുടെ ശുപാര്‍ശയോ ആരെയും രക്ഷിക്കുകയില്ല എന്ന പാഠം ജനങ്ങളെ പഠിപ്പിക്കാന്‍ വേണ്ടി ഈ സൂറത്തി ല്‍ ഉദ്ധരിച്ച രണ്ടാമത്തെ സംഭവമാണ് ഇവിടെ വിവരിച്ചിട്ടുള്ളത്. 66: 10 ല്‍ എക്കാലത്തുമുള്ള കാഫിറുകള്‍ക്ക് മാതൃകയായി നൂഹിന്‍റെ ഭാര്യയെയും ലൂ ത്തിന്‍റെ ഭാര്യയെയുമാണ് അല്ലാഹു എടുത്തുദ്ധരിച്ചിട്ടുള്ളത്. 9: 67-68 സൂക്തങ്ങളില്‍, കപടവിശ്വാസികളായ പുരുഷന്മാരും സ്ത്രീകളും ഒരേ വിഭാഗത്തി ല്‍ പെട്ടവരാണ്, തിന്മ കല്‍പിക്കുന്നവരും നന്മ വിരോധിക്കുന്നവരുമായ അവര്‍ അല്ലാഹുവിനെ മറന്നതിനാല്‍ അവരെ അല്ലാഹുവും മറന്നിരിക്കുന്നു; ഇത്തരം തെമ്മാടികള്‍ക്ക് നരകക്കുണ്ഠാഗ്നിയാണ് വാഗ്ദത്തം ചെയ്യപ്പെട്ടിട്ടുള്ളത് എന്ന് പറഞ്ഞിട്ടുണ്ട്. 9: 23-24; 11: 45-47, 75 വിശദീകരണം നോക്കുക.