നിഷ്പക്ഷവാനായ നാഥന്‍ നന്മയും തിന്മയും ഓരോരുത്തര്‍ക്കും നല്‍കിയിട്ടുണ്ട് എന്ന് 91: 7-8 സൂക്തങ്ങളിലും; നന്മ അല്ലാഹുവില്‍ നിന്നാണ്, എന്നാല്‍ തിന്മ നിന്നില്‍ നിന്ന് തന്നെയാണ് എന്ന് 4: 79; 8: 51 സൂക്തങ്ങളിലും പറഞ്ഞിട്ടുണ്ട്. നാഥന്‍ അവന്‍റെ അടിമകളോട് അല്‍പം പോലും അനീതി കാണിക്കു കയില്ല എന്ന് 3: 182; 8: 51; 22: 10; 50: 29 തുടങ്ങിയ സൂക്തങ്ങളില്‍ പറഞ്ഞിട്ടുണ്ട്. 85: 14 ല്‍, അവന്‍ ഏറെ പൊറുക്കുന്ന സ്നേഹവാനാണെന്നും പറഞ്ഞിട്ടു ണ്ട്. എന്നാല്‍ എല്ലാഓരോ കാര്യവും വിശദീകരിച്ചിട്ടുള്ള അദ്ദിക്റിനെ സത്യപ്പെടുത്തുന്ന വിശ്വാസി മാത്രമേ പ്രപഞ്ചനാഥനെ സ്നേഹവാനായി അംഗീ കരിക്കുകയുള്ളൂ. വിശ്വാസികള്‍ ഇങ്ങനെ പ്രാര്‍ത്ഥിക്കുന്നതാണ്: ഓ ഐശ്വര്യവാനും തുടക്കംകുറിക്കുന്നവനും അന്ത്യം കുറിക്കുന്നവനും കാരുണ്യവാ നും സ്നേഹവാനുമായിട്ടുള്ളവനേ, നീ പരിശുദ്ധനാകുന്നു, ഞങ്ങളെ നിന്‍റെ നിഷിദ്ധങ്ങളെത്തൊട്ട് അനുവദനീയമായവകൊണ്ടും നിന്നെ ധിക്കരിക്കുന്നതിനെത്തൊട്ട് നിനക്ക് വഴിപ്പെടുന്നതുകൊണ്ടും നിന്‍റേതല്ലാത്ത മറ്റാരുടെയും ആവശ്യമില്ലായ്മകൊണ്ടും ഐശ്വര്യവാന്‍മാരാക്കേണമേ! 1: 2; 6: 126, 153; 17: 109-110 വിശദീകരണം നോക്കുക.