ഫിര്‍ഔനിന്‍റെ ഭാഗത്തുനിന്നുള്ള വിശ്വാസി ഫിര്‍ഔനിനോട് 'ഓ എന്‍റെ ജനമേ, നിങ്ങള്‍ക്കാണ് ഇന്ന് ആധിപത്യവും അധികാരവും ഉള്ളത്, എന്നാല്‍ നാഥനില്‍ നിന്നുള്ള ഒരു വിപത്ത് നമുക്ക് വന്നുഭവിക്കുകയാണെങ്കില്‍ അപ്പോള്‍ ആരാണ് നമ്മെ സഹായിക്കാനുള്ളത്?' എന്ന് ചോദിച്ചപ്പോള്‍ 'ഞാന്‍ എന്തൊന്നാണോ കാണുന്നത്, അതല്ലാതെ നിങ്ങള്‍ കാണിക്കപ്പെടുകയില്ല; തന്‍റേടത്തിന്‍റെ മാര്‍ഗത്തിലല്ലാതെ ഞാന്‍ നിങ്ങളെ നയിക്കുന്നുമില്ല' എന്ന് ഫിര്‍ഔന്‍ മറുപടി പറഞ്ഞതായി 40: 29 ല്‍ പറഞ്ഞിട്ടുണ്ട്. ഫിര്‍ഔന്‍ സത്യമെല്ലാം അറിഞ്ഞിട്ട് തള്ളിപ്പറഞ്ഞ് തെമ്മാടിയായപ്പോഴാണ് ശിക്ഷിക്കപ്പെട്ടത് എന്ന് 10: 90-92 സൂക്തങ്ങളില്‍ പറഞ്ഞിട്ടുണ്ട്. 

ഇന്ന് അറബി ഖുര്‍ആന്‍ വായിക്കുന്ന ഫുജ്ജാറുകള്‍ ഞങ്ങള്‍ യഥാര്‍ത്ഥ പാതയിലാണെന്ന് മിഥ്യയായി വാദിക്കുന്നവരാണ്. 3: 26-27 സൂക്തങ്ങളുടെ കല്‍പനക്ക് വിരുദ്ധമായി അവര്‍ ഐഹികലോകത്ത് അധികാരം ലഭിക്കുന്നതിന് വേണ്ടിയും ഭൂരിപക്ഷം വര്‍ധിപ്പിക്കുന്നതിനുവേണ്ടിയും എല്ലാവിധ തന്ത്രങ്ങളും പയറ്റിക്കൊണ്ടിരിക്കുന്നവരും, 54: 25 ല്‍ വിവരിച്ച പ്രകാരം ഒറ്റപ്പെട്ട വിശ്വാസിയെ 'കളവുപറയുന്ന ഒറ്റയാന്‍' എന്ന് പരിഹ സിക്കുന്നവരുമാണ്. 7: 146-147; 8: 52; 9: 67-68 വിശദീകരണം നോക്കുക.