ഈ ലോകത്ത് അറബി ഖുര്‍ആന്‍ വായിക്കുന്ന ഫുജ്ജാറുകളില്‍ നിന്നുള്ള ആരാണോ അല്ലാഹുവിന്‍റെ ഗ്രന്ഥത്തെയും പ്രവാചകനെയും ധിക്കരിച്ചുകൊണ്ട് സമുദായത്തിന്‍റെയോ സംഘടനയുടെയോ നേതൃത്വം വഹിക്കുന്നത്, അവരും അവരുടെ അനുയായികളും നരകത്തിലേക്കുള്ളവരാണ്. കാഫിറുകളും അക്രമികളും ഭ്രാന്തന്മാരുമായ രണ്ട് കൂട്ടരും തമ്മില്‍ നരകത്തില്‍ വെച്ച് പരസ്പരം തര്‍ക്കിക്കുകയും പഴിചാരുകയും ശപിക്കുകയും ചെയ്യുന്ന രംഗം 2: 165-167 സൂക്തങ്ങളില്‍ വിവരിച്ചിട്ടുണ്ട്. ആരാണോ അദ്ദിക്ര്‍ കൊണ്ട് വിശ്വാസിയാവുകയും 5: 56; 58: 22 എന്നീ സൂക്തങ്ങളില്‍ പറഞ്ഞ, ആദം മുതല്‍ അന്ത്യനാള്‍ വരെയുള്ള അല്ലാഹുവിന്‍റെ ഏക സംഘത്തില്‍ ഉള്‍പ്പെടുന്നതിനുവേണ്ടി അദ്ദിക്റിലേക്ക് മറ്റുള്ളവരെ ക്ഷണിക്കുകയും ചെയ്യുന്നത്, അവര്‍ക്കും അവരെ പിന്‍പറ്റിയവര്‍ക്കും സ്വര്‍ഗത്തിലേക്ക് പോകാവുന്നതാണ്. സ്വര്‍ഗത്തിലേക്കുള്ള നേരെച്ചൊവ്വെയുള്ള പാതക്ക് വിരുദ്ധമായിക്കൊണ്ടുള്ള ഏത് സംഘടനയിലേക്ക് വിളിക്കുന്നതും 58: 19 ല്‍ പറഞ്ഞ കാഫിറായ പിശാചിന്‍റെ സംഘത്തിലേക്കും നരകത്തിലേക്കുമാണ്. അതിലേക്ക് വിളിക്കുന്ന നേതാക്കള്‍ ഫിര്‍ഔനിന്‍റെ സ്ഥാനത്തുള്ള തെമ്മാടികളായ കപടവിശ്വാസികളും അവരെ പിന്‍പറ്റുന്നവര്‍ ബുദ്ധിശക്തിയുള്‍പ്പടെ അല്ലാഹു നല്‍കിയ എല്ലാ അനുഗ്രഹങ്ങളും അദ്ദിക്ര്‍ മനസ്സിലാക്കാന്‍ ഉപയോഗപ്പെടുത്താത്ത പ്രജ്ഞയറ്റ വരുമാണ്. കപടവിശ്വാസികളായ നേതാക്കള്‍ വിചാരണകൂടാതെ നരകക്കുണ്ഠത്തില്‍ പോകുമെന്ന് 4: 145 ലും; അനുയായികള്‍ വിചാരണക്കുശേഷം നരകക്കുണ്ഠത്തിലേക്ക് കൂട്ടം കൂട്ടമായി തെളിക്കപ്പെടുമെന്ന് 39: 71 ലും പറഞ്ഞിട്ടുണ്ട്. 1: 7; 10: 7-8; 14: 28 -30 വിശദീകരണം നോക്കുക.