നാഥനില്‍ നിന്നുള്ള ഗ്രന്ഥത്തിന്‍റെ ഏറ്റവും നല്ല വിശദീകരണവും അനുഗ്രഹവുമായ അദ്ദിക്റിനെ 14: 28-30 സൂക്തങ്ങളില്‍ വിവരിച്ച പ്രകാരം നിഷേധമാക്കി മാറ്റിമറിച്ച് മനുഷ്യപ്പിശാചുക്കളായ കപടവിശ്വാസികള്‍ അവരുടെ അനുയായികള്‍ക്ക് ബോറന്മാരുടെ വീടായ നരകക്കുണ്ഠം അനുവദനീയമാക്കിയിരിക്കുകയാണ്. 2: 174-175 സൂക്തങ്ങളില്‍, നിശ്ചയം ഗ്രന്ഥത്തില്‍ നിന്ന് അല്ലാഹു അവതരിപ്പിച്ചതിനെ മൂടിവെച്ചുകൊണ്ടിരിക്കു ന്നവരും അതുകൊണ്ട് തുച്ഛമായ വില വാങ്ങുന്നവരും അവരുടെ വയറുകളില്‍ തീയല്ലാതെ നിറക്കുന്നില്ല, അന്ത്യനാളില്‍ അല്ലാഹു അവരോട് സംസാരി ക്കുകയില്ല, അവരെ സംസ്കരിക്കുകയുമില്ല, അവര്‍ക്ക് വേദനാജനകമായ ശിക്ഷയുമാണുള്ളത് എന്നും; 3: 187 ല്‍, വേദം നല്‍കപ്പെട്ടവരായവരോട് അല്ലാഹു വാങ്ങിയ പ്രതിജ്ഞകള്‍ ഓര്‍ക്കേണ്ടതുമാണ്, നിങ്ങള്‍ അത് മനുഷ്യര്‍ക്ക് വെളിവാക്കുകതന്നെ വേണം, നിങ്ങള്‍ അതിനെ മൂടിവെക്കുകയുമരു ത്, എന്നാല്‍ അവര്‍ അതിനെ അവരുടെ പുറകോട്ട് വലിച്ചെറിയുകയും അതുകൊണ്ട് കുറഞ്ഞ വില വാങ്ങുകയും ചെയ്തു, അപ്പോള്‍ എത്ര മോശമായ വി ലയാണ് അവര്‍ വാങ്ങിക്കൊണ്ടിരിക്കുന്നത് എന്നും പറഞ്ഞിട്ടുണ്ട്. ഇന്ന് ഫുജ്ജാറുകള്‍ മാത്രമാണ് ഇത്തരം സൂക്തങ്ങള്‍ അറബി ഖുര്‍ആനില്‍ വായിക്കുന്നത്. എന്നാല്‍ 56: 82 ല്‍ പറഞ്ഞ പ്രകാരം അദ്ദിക്റിനെ തള്ളിപ്പറയുക എന്നത് അവര്‍ അവരുടെ ഭക്ഷണമാക്കിയിരിക്കുന്നതിനാല്‍ അവര്‍ക്ക് ഇഹത്തില്‍ നിന്ദ്യതയും പരത്തില്‍ അതികഠിനമായ ശിക്ഷയുമാണ് 2: 85 ലൂടെ വാഗ്ദത്തം ചെയ്യപ്പെട്ടിട്ടുള്ളത്. 2: 159-162; 7: 175-176; 25: 33-34 വിശദീകരണം നോക്കുക.