കുപ്പായം മുന്‍വശമാണ് കീറിയിരുന്നതെങ്കില്‍ അക്രമത്തിന് ഒരുമ്പെട്ടത് യൂസുഫാണെന്നും സ്ത്രീ രക്ഷപ്പെടാന്‍ പിന്നോട്ട് മാറിയപ്പോള്‍ കീറിയതാണ് എന്നതിന് വ്യക്തമായ തെളിവാകുമായിരുന്നു അത്. എന്നാല്‍ യൂസുഫിന്‍റെ കുപ്പായം പിന്നിലാണ് കീറിയിരിക്കുന്നത് എന്നതിനാല്‍ സ്ത്രീ അദ്ദേഹത്തിന്‍റെ പിന്നില്‍ കൂടിയതാണെന്നും, പുറകില്‍ നിന്ന് വലിച്ചതാണെന്നും യൂസുഫ് അവളില്‍ നിന്ന് ഓടിരക്ഷപ്പെടാന്‍ ശ്രമിച്ചതാണെന്നും അത് വ്യക്തമാക്കുകയുണ്ടായി. 

എല്ലാഓരോ കാര്യവും വിശദീകരിച്ചിട്ടുള്ള, നാഥനില്‍ നിന്നുള്ള ഗ്രന്ഥത്തിന്‍റെ ഏറ്റവും നല്ല വിശദീകരണമായ അദ്ദിക്ര്‍ ഇന്ന് രൂപപ്പെട്ടിരിക്കെ 17: 13-14 സൂക്തങ്ങളില്‍ വിവരിച്ച പ്രകാരം എല്ലാഓരോ മനുഷ്യന്‍റെയും പ്രവര്‍ത്തനങ്ങളും ചിന്തകളുമെല്ലാം അവനവന്‍റെ പിരടിയില്‍ ബന്ധിച്ചിട്ടുള്ള കര്‍മ്മരേഖയില്‍ റിക്കാര്‍ഡ് ചെയ്യപ്പെട്ടുകൊണ്ടിരിക്കുന്നുണ്ട് എന്ന ബോധത്തില്‍ ജീവിക്കുമ്പോള്‍ മാത്രമേ ഇത്തരം പൈശാചികവൃത്തികള്‍ക്ക് ആഗ്രഹമുണ്ടാകാതിരിക്കുകയുള്ളൂ. അവര്‍ മാത്രമാണ് ബുദ്ധിമാന്മാര്‍ എന്ന് 3: 190-191; 39: 17-19 സൂക്തങ്ങളില്‍ പറഞ്ഞിട്ടുണ്ട്. 9: 51; 10: 61; 11: 108 വിശദീകരണം നോക്കുക.