മുമ്പ് കഴിഞ്ഞുപോയ സമുദായങ്ങളിലേക്ക് നിയോഗിക്കപ്പെട്ട പ്രവാചകന്‍മാരെപ്പോലെത്തന്നെയാണ് മുഹമ്മദിനെയും അന്ത്യനാള്‍ വരെയുള്ള മനുഷ്യ രിലേക്ക് പ്രവാചകനായി നിയോഗിച്ചിട്ടുള്ളത്. അവനുമുമ്പ് കഴിഞ്ഞുപോയിട്ടുള്ള 312 പ്രവാചകന്മാര്‍ക്കും ദിവ്യസന്ദേശമായി നല്‍കപ്പെട്ടിട്ടുള്ള അദ്ദിക്ര്‍ തന്നെയാണ് അവനും ദിവ്യസന്ദേശമായി നല്‍കപ്പെട്ടിട്ടുള്ളത് എന്ന് 4: 163; 16: 44; 21: 24; 41: 43 എന്നീ സൂക്തങ്ങളില്‍ പറഞ്ഞിട്ടുണ്ട്. അപ്പോള്‍ ആരാണോ അദ്ദിക്റില്‍ നിന്ന് അല്ലാഹുവിനെ നിഷ്പക്ഷവാനും ഏകഉടമയും ഇലാഹുമായും അംഗീകരിച്ച് സ്വര്‍ഗ്ഗം ഇവിടെവെച്ച് സമ്പാദിക്കുന്നത്, അവര്‍ മരണ ത്തോടുകൂടി സമ്പാദിച്ച സ്വര്‍ഗ്ഗം അനന്തരമെടുക്കുന്നതാണ്. നിഷ്പക്ഷവാനായ നാഥന്‍ ആരെയും സ്വര്‍ഗ്ഗത്തിലേക്കോ നരകത്തിലേക്കോ ആക്കുന്നില്ല. 

 2: 105; 4: 113; 10: 58 തുടങ്ങി 65 സൂക്തങ്ങളില്‍ പരാമര്‍ശിച്ച അല്ലാഹുവിന്‍റെ കാരുണ്യമായ അദ്ദിക്ര്‍ നല്‍കപ്പെട്ട പ്രവാചകന്മാരും നബിമാരും അതിനെ മാര്‍ഗദര്‍ശന ഗ്രന്ഥമായി പിന്‍പറ്റുന്ന വിശ്വാസികളും നിഷ്പക്ഷവാനായ നാഥന്‍റെ സൂക്തങ്ങള്‍ വിശദീകരിച്ച് കൊടുക്കപ്പെട്ടാല്‍ കരഞ്ഞുകൊണ്ട് സാഷ്ടാംഗപ്രണാമത്തില്‍ വീഴുന്നതാണ് എന്ന് 19: 58 ല്‍ പറഞ്ഞിട്ടുണ്ട്. അപ്പോള്‍ 7: 205-206 സൂക്തങ്ങളില്‍ വിവരിച്ചതുപോലെ 15 സൂക്തങ്ങളില്‍ കല്‍പി ക്കപ്പെട്ട തിലാവത്തിന്‍റെ സാഷ്ടാംഗപ്രണാമം നിര്‍വഹിക്കാത്ത ഫുജ്ജാറുകള്‍ നാഥന്‍റെ വിളിക്ക് മറുപടി നല്‍കാത്തവരും പിശാചിനെ സേവിച്ചുകൊണ്ടി രിക്കുന്ന ഭ്രാന്തന്മാരുമാണ്. ചിന്താശക്തി ഉപയോഗപ്പെടുത്താത്ത അവരെ നിഷ്പക്ഷവാനായ നാഥന്‍ ഏറ്റവും തിന്മയേറിയ ജീവികളായിട്ടാണ് 8: 22 ല്‍ വി ശേഷിപ്പിച്ചിട്ടുള്ളത്. അവര്‍ വായിച്ച, കേട്ട, തൊട്ട ഗ്രന്ഥം അവര്‍ക്കെതിരെ വാദിച്ചുകൊണ്ടും സാക്ഷ്യം വഹിച്ചുകൊണ്ടും അവരെ നരകക്കുണ്ഠത്തി ലേക്ക് തള്ളിവിടുകയാണ് ചെയ്യുക. 6: 102-103; 9: 129; 10: 47 വിശദീകരണം നോക്കുക.