അപ്പോള്‍ എല്ലാഓരോ ആത്മാവും സമ്പാദിക്കുന്നത് കൊണ്ട് അവരെ വീക്ഷിച്ചു നിലകൊള്ളുന്ന ഒരുവന്‍, അവര്‍ അല്ലാഹുവിന് പങ്കാളികളെ ഉണ്ടാക്കി യിരിക്കുന്നു; നീ പറയുക: നിങ്ങള്‍ അവരുടെ പേരുകള്‍ പറയുക; അതല്ല, ഭൂമിയില്‍ അവന് അറിയാത്തതുകൊണ്ട് നിങ്ങള്‍ അവന് വിവരം പ റഞ്ഞു കൊടുക്കുകയാണോ? അതല്ല, നിങ്ങള്‍ വായില്‍ വരുന്ന വാക്കുകള്‍ ഉതിര്‍ക്കുകയാണോ? അല്ല, കാഫിറുകളായവര്‍ക്ക് അവരുടെ ഗൂഢതന്ത്രം അലങ്കാര മാക്കപ്പെടുകയും അവര്‍ നേര്‍മാര്‍ഗ്ഗത്തെത്തൊട്ട് തടയപ്പെടുകയും ചെയ്തിരിക്കുന്നു, ആരെയാണോ അല്ലാഹു വഴികേടിലാകാന്‍ അനുവദിച്ചത്, അപ്പോള്‍ അവനെ സന്‍മാര്‍ഗത്തിലാക്കുന്ന ഒരാളുമില്ല.
എല്ലാഓരോ ആത്മാവിനും അത് സമ്പാദിച്ചത് സ്വര്‍ഗ്ഗമാണെങ്കില്‍ അതും നരകമാണെങ്കില്‍ അതുമാണ് ലഭിക്കുക എന്ന ബോധത്തില്‍ നിലകൊള്ളുന്ന വരാണ് വിശ്വാസികള്‍. സ്വര്‍ഗ്ഗത്തില്‍ വെച്ച് സൃഷ്ടിച്ചപ്പോള്‍ തന്നെ അദ്ദിക്ര്‍ പഠിപ്പിച്ച അല്ലാഹുവിനെ നിഷ്പക്ഷവാനായി അംഗീകരിക്കുന്നവരും തെളി വായ അദ്ദിക്റിനെ മുറുകെപ്പിടിച്ച് നേരെച്ചൊവ്വെയുള്ള പാതയില്‍ നിലകൊള്ളുന്നവരും അദ്ദിക്റില്‍ കണ്ട സ്വര്‍ഗ്ഗം ഇവിടെ പണിതുകൊണ്ടിരിക്കുന്ന വരും പ്രപഞ്ചത്തെ അതിന്‍റെ സന്തുലനത്തില്‍ നിലനിര്‍ത്താന്‍ വേണ്ടി മനസ്സാ-വാചാ-കര്‍മ്മണാ നിലകൊള്ളുന്നവരുമാണ് അവര്‍. 35: 32 ല്‍ പറഞ്ഞ പ്രകാരം ഗ്രന്ഥം അനന്തരമെടുത്ത പ്രവാചകന്‍റെ ജനത അദ്ദിക്റിനെ മൂടിവെക്കുകയും തള്ളിപ്പറയുകയും അതിന്‍റെ വ്യാപനത്തിനെതിരായി ഗൂഢതന്ത്ര ങ്ങളില്‍ ഏര്‍പ്പെടുകയും ചെയ്യുകവഴി കാഫിറുകളായിരിക്കുകയാണ്. 58: 22 ല്‍ പറഞ്ഞ അല്ലാഹുവിന്‍റെ ഏകസംഘത്തില്‍ പെടാതെ അവര്‍ 58: 19 ല്‍ പറഞ്ഞ പിശാചിന്‍റെ വിവിധ സംഘടനകളില്‍ ചേര്‍ന്ന് അല്ലാഹുവിന്‍റെ അധികാരാവകാശങ്ങളില്‍ പങ്കുചേര്‍ക്കുന്ന മുശ്രിക്കുകളായിരിക്കുകയാണ്. ഭാ രം വഹിക്കുന്ന കഴുതകളെപ്പോലെ ഗ്രന്ഥം വഹിക്കുന്ന അവര്‍ ഇത്തരം സൂക്തങ്ങളെല്ലാം വായിച്ച് വില്ലില്‍ നിന്ന് അമ്പ് തെറിച്ചുപോകുന്ന വേഗത്തില്‍ ദീനില്‍ നിന്ന് തെറിച്ചുപോയിരിക്കുകയാണ്. അദ്ദിക്റിനെത്തൊട്ട് ജനങ്ങളെ തടയുന്ന പ്രവര്‍ത്തനങ്ങള്‍ കാഫിറായ പിശാച് അവര്‍ക്ക് അലങ്കാരമാക്കി കാണിച്ചുകൊടുത്തിരിക്കുന്നു. അദ്ദിക്ര്‍ കൊണ്ട് വിശ്വാസിയാകാതെ നമസ്കരിച്ചും നോമ്പനുഷ്ഠിച്ചും ഹജ്ജും ഉംറയും ചെയ്തും പിഴയായി നരകക്കുണ്ഠം സ മ്പാദിക്കുന്നവരാണ് അവര്‍. സ്വയം വഴികേട് തെരഞ്ഞെടുത്ത അവരെ ഇനി അദ്ദിക്റിന്‍റെ മാര്‍ഗത്തിലേക്ക് കൊണ്ടുവരാന്‍ ഒരു ശക്തിക്കും സാധ്യമല്ല.
വേദവാക്യങ്ങളെ ലക്ഷ്യം തെറ്റിച്ച് പറയുക എന്നത് പ്രവാചകന്‍റെ കാലത്തുള്ള വേദക്കാരായ ജൂത-ക്രൈസ്തവരുടെയും കപടവിശ്വാസികളുടെയും സ്വഭാ വമാണെന്ന് 5: 41-42; 9: 30-31 സൂക്തങ്ങളില്‍ പറഞ്ഞിട്ടുണ്ട്. ശിര്‍ക്കിനെ ഗൂഢതന്ത്രമെന്ന് പറയാന്‍ കാരണം മലക്കുകള്‍, ജിന്നുകള്‍, മഹാത്മാക്കള്‍, പ്ര പ ഞ്ചത്തിലെ മറ്റു സൃഷ്ടികള്‍ തുടങ്ങി അല്ലാഹുവിന്‍റെ അധികാരാവകാശങ്ങളില്‍ പങ്കുള്ളവരാണെന്ന് അവര്‍ കണക്കാക്കുന്ന ആരും തന്നെ ഒരിക്കലും തങ്ങള്‍ അല്ലാഹുവിന്‍റെ അധികാരാവകാശങ്ങളില്‍ പങ്കുള്ളവരാണെന്ന് വാദിക്കുകയും അവകാശപ്പെടുകയും ചെയ്തിട്ടില്ല. ഞങ്ങളോട് സഹായം തേടുക യാണെങ്കില്‍ ഞങ്ങള്‍ നിങ്ങളുടെ കാര്യങ്ങള്‍ സാധിപ്പിച്ച് തരാമെന്നും അവര്‍ ജനങ്ങളെ പഠിപ്പിച്ചിട്ടില്ല. മറിച്ച് ഇതെല്ലാം പിശാചിനെ പിന്‍പറ്റുന്ന കപടവിശ്വാസികളായ മനുഷ്യപ്പിശാചുക്കളുടെ ഗൂഢതന്ത്രങ്ങളാണ്. 9: 34 ല്‍ പറഞ്ഞ പ്രകാരം സാധാരണക്കാരായ ജനങ്ങളുടെ സമ്പത്തില്‍ നിന്നും ഒരു വിഹിതം പറ്റിത്തിന്നുന്നതിനും അവരുടെ മാഹാത്മ്യം ജനങ്ങളെക്കൊണ്ട് അംഗീകരിപ്പിക്കുന്നതിനും വേണ്ടി കുറേ ആചാരാനുഷ്ഠാനങ്ങള്‍ ഉണ്ടാക്കി വെച്ചിരിക്കുകയാണ്. അത്തരം മഹാത്മാക്കളെ അംഗീകരിച്ച് പാടിപ്പുകഴ്ത്തിയിട്ടില്ലെങ്കില്‍ ഏതെങ്കിലും വിധത്തില്‍ അവരുടെ ഗുരുത്തക്കേട് ബാധി ക്കുമെന്ന് അവര്‍ ജനങ്ങളെ നിഗൂഢമായി വിശ്വസിപ്പിക്കുകയും ചെയ്തുകൊണ്ടിരിക്കുന്നു. 2: 286; 12: 103-106; 13: 11 വിശദീകരണം നോക്കുക.