ഇന്നത്തെ അറബി ഖുര്‍ആന്‍ വായിക്കുന്ന ഫുജ്ജാറുകളെപ്പോലെത്തന്നെ എക്കാലത്തും ശിര്‍ക്ക് ചെയ്തിരുന്നവര്‍ അല്ലാഹുവിന്‍റെ അസ്തിത്വം അംഗീകരി ച്ചിരുന്നു. ആരാണ് ആകാശഭൂമികളുടെ സ്രഷ്ടാവ് എന്ന് ചോദിച്ചാല്‍ അല്ലാഹുവാണെന്ന് അവര്‍ മറുപടി പറഞ്ഞിരുന്നു. ഈ അടിസ്ഥാനത്തിലാണ് പ്രവാ ചകന്‍മാര്‍ ചോദിക്കുന്നത്: എങ്കില്‍ പിന്നെ നിങ്ങള്‍ക്ക് ഏത് കാര്യത്തിലാണ് സംശയം? ആകാശങ്ങളെയും ഭൂമിയെയും അവയ്ക്കിടയിലുള്ളവയെയും സൃഷ്ടിച്ചു പരിപാലിക്കുന്ന, ഉടമയായ അല്ലാഹുവിനെ മാത്രം സേവിക്കണമെന്നതിലേക്കാണ് ഞങ്ങള്‍ നിങ്ങളെ ക്ഷണിക്കുന്നത്. 'നിശ്ചിത അവധി' കൊ ണ്ടുദ്ദേശിക്കുന്നത് വ്യക്തികളെ സംബന്ധിച്ച് മരണവും മൊത്തം മനുഷ്യരെ സംബന്ധിച്ച് അന്ത്യദിനവുമാണ്. ഒരുജനത അദ്ദിക്ര്‍ വന്നുകിട്ടുമ്പോള്‍ ഉപ യോഗപ്പെടുത്തി അവരുടെ ജീവിതം ക്രമപ്പെടുത്തി സ്വയം മാറുകയാണെങ്കില്‍ 10: 98 ല്‍ വിവരിച്ച പ്രകാരം യൂനുസിന്‍റെ ജനതയെപ്പോലെ അവരുടെ അ വധി പിന്തിപ്പിക്കുന്നതും അവര്‍ക്ക് ജീവിതവിഭവങ്ങള്‍ നല്‍കുന്നതുമാണ്. കാരുണ്യമായ അദ്ദിക്റിനെ തള്ളിപ്പറയുന്ന അറബി ഖുര്‍ആന്‍ വായിക്കുന്ന ഫുജ്ജാറുകള്‍ അവരുടെ ജിന്നുകൂട്ടുകാരനോടൊപ്പം നരകക്കുണ്ഠത്തില്‍ കുത്തിനിറക്കപ്പെടാന്‍ വിധിക്കപ്പെട്ടവരാണ് എന്ന് 11: 118-119 സൂക്തങ്ങളില്‍ പ റഞ്ഞിട്ടുണ്ട്. 2: 18; 11: 87-88; 12: 101; 13: 11; 9: 84-85 വിശദീകരണം നോക്കുക.