11: 17, 28; 29: 39; 35: 25; 40: 49-50; 98: 1, 4 തുടങ്ങി 61 സൂക്തങ്ങളില്‍ അദ്ദിക്റിന് വ്യക്തമായ തെളിവ് എന്ന പേര് പരാമര്‍ശിച്ചിട്ടുണ്ട്.  40: 78 ല്‍,  നിശ്ചയം നിനക്കുമുമ്പും നാം പ്രവാചകന്മാരെ അയച്ചിട്ടുണ്ട്, അവരില്‍ നിന്നുള്ളവരുടെ സംഭവചരിത്രങ്ങള്‍ നാം നിന്‍റെമേല്‍ വിവരിച്ചു തന്നിട്ടുണ്ട്, സംഭവചരി ത്രങ്ങള്‍ നിന്‍റെമേല്‍ വിവരിച്ചുതരാത്തവരും അവരിലുണ്ട്, ഒരു പ്രവാചകനും ഒരുദൃഷ്ടാന്തം കൊണ്ടുവരാന്‍ സാധ്യവുമല്ല-അല്ലാഹുവിന്‍റെ സമ്മതം കൊ ണ്ടല്ലാതെ, അങ്ങനെ അല്ലാഹുവിന്‍റെ കല്‍പന വന്നെത്തിയാല്‍ സത്യം കൊണ്ട് വിധിക്കപ്പെടുകയായി, അപ്പോള്‍ അവിടെ മിഥ്യാവാദികളായവര്‍ ന ഷ്ടപ്പെടുകയുമായി എന്ന് പറഞ്ഞിട്ടുണ്ട് . പ്രവാചകന്‍ നൂഹ് തന്‍റെ ജനതയെ അദ്ദിക്ര്‍ കൊണ്ട് നാഥനിലേക്ക് വിളിച്ചപ്പോള്‍ അവര്‍ അവരുടെ വിരലുകള്‍ ചെവിയില്‍ തിരുകുകയും വസ്ത്രം കൊണ്ട് മുഖം മൂടുകയും അവര്‍ അധികരിച്ച അഹങ്കാരം പ്രകടിപ്പിക്കുകയും ചെയ്തു എന്ന് 71: 7 ല്‍ പറഞ്ഞിട്ടുണ്ട്. പ്രവാചകന്‍ സ്വാലിഹിന്‍റെ ധിക്കാരികളായ ജനത 'നമ്മുടെ ഇടയില്‍ ഇവന്‍റെ മേലാണോ അദ്ദിക്ര്‍ ഇറക്കപ്പെട്ടത്? അല്ല, ഇവന്‍ ഒരു നുണപറയുന്ന ഒറ്റയാന്‍ തന്നെയാണ്' എന്നാണ് പറഞ്ഞിരുന്നതെന്ന് 54: 25 ല്‍ പറഞ്ഞിട്ടുണ്ട്. 4: 163-164 വിശദീകരണം നോക്കുക. 

 ഇന്ന് അദ്ദിക്ര്‍ ഒരു ഗ്രന്ഥമായി രൂപപ്പെട്ടിരിക്കെ അതിനെ പിന്‍പറ്റുന്ന വിശ്വാസികളെ ഫുജ്ജാറുകളായ ഭ്രാന്തന്മാര്‍ പരിഹസിക്കുമെന്ന് 83: 29 ല്‍ പറ ഞ്ഞിട്ടുണ്ട്. അദ്ദിക്റിനെ വിസ്മരിച്ചതുകൊണ്ടാണ് ഫുജ്ജാറുകള്‍ കെട്ടജനതയായി മാറിയതെന്ന് 25: 18 ലും; ആത്മാവിന്‍റെ ഭക്ഷണവും വസ്ത്രവും ദൃഷ്ടിയുമായ അദ്ദിക്റിനെ തള്ളിപ്പറയുക എന്നത് ഭക്ഷണമാക്കിയവരാണ് അവരെന്ന് 56: 82 ലും; ചിന്താശക്തി ഉപയോഗപ്പെടുത്താത്ത അവര്‍ ഏ റ്റവും ദുഷിച്ച ജീവികളാണെന്ന് 8: 22 ലും പറഞ്ഞിട്ടുണ്ട്. 9: 69-70; 10: 15-16; 11: 62, 66-68 വിശദീകരണം നോക്കുക.