അല്ലാഹുവിനെ മറന്നുകളയുകവഴി അവരവരെത്തന്നെ മറന്നുകളഞ്ഞ കപടവിശ്വാസികളെയാണ് ഇവിടെ മ്ലേച്ഛവൃക്ഷത്തോട് ഉപമിച്ചിട്ടുള്ളത്. മ്ലേച്ഛവചനം പരിശുദ്ധവചനത്തിന് നേരെ വിപരീതമാണ് എന്നതുപോലെ കപടവിശ്വാസികളുടെയും വിശ്വാസികളുടെയും സ്വഭാവവും നേരെ വിപരീതമായിരിക്കും. 32: 18 ല്‍, വിശ്വാസിയായ ഒരാള്‍ കപടവിശ്വാസിയെപ്പോലെയാകുമോ, അവര്‍ സമമാവുകയില്ല എന്ന് പറഞ്ഞിട്ടുണ്ട്. ഒരു മ്ലേച്ഛവൃക്ഷ ത്തിന്‍റെ വിത്ത് മുളക്കാന്‍ ഇടയായാല്‍ അവ കൃഷിയിടങ്ങളില്‍ വളരുന്ന കളകളെപ്പോലെ പിഴുതെറിയപ്പെടുന്നതാണ്. കപടവിശ്വാസികള്‍ പരിശുദ്ധവചനമായ അദ്ദിക്റിനെ മൂടിവെക്കുന്ന തെമ്മാടികളാണെന്ന് 2: 99 ലും; പരിശുദ്ധവചനമായ ഗ്രന്ഥത്തെ മൂടിവെച്ചവര്‍ വധിക്കപ്പെട്ടിരിക്കുന്നു എന്ന് 63: 4 ലും 80: 17 ലും; അവര്‍ അല്ലാഹുവിന്‍റെ ശത്രുക്കളാണെന്ന് 41: 28 ലും പറഞ്ഞിട്ടുണ്ട്. അദ്ദിക്റിനെ വിസ്മരിച്ച് ജീവിക്കുന്ന കപടവിശ്വാസികളും ഫാജിറുകളും കെട്ടജനതയാണെന്ന് 25: 18 ലും; അവര്‍ മാലിന്യമാണെന്ന് 9: 95 ലും വിശേഷിപ്പിക്കപ്പെട്ടിട്ടുണ്ട്. പരിശുദ്ധവചനം കിട്ടിയിട്ട് അതിനെ മൂടി വെച്ച ഇത്തരം യഥാര്‍ത്ഥ ഭ്രാന്തന്‍മാര്‍ക്കെതിരെ വിധിദിവസം ഗ്രന്ഥം കൊണ്ടുവന്ന് പ്രവാചകന്‍ അന്യായം ബോധിപ്പിക്കുമെന്ന് 25: 29-30 സൂക്തങ്ങളി ലും പറഞ്ഞിട്ടുണ്ട്. ഇത്തരം ഫുജ്ജാറുകള്‍ പഠിക്കുന്നതും പഠിപ്പിക്കുന്നതും പ്രചരിപ്പിക്കുന്നതുമെല്ലാം മനുഷ്യരെ നരകക്കുണ്ഠത്തിലേക്ക് നയിക്കുന്ന ഫു ജ്ജാര്‍ കിതാബുകളാണ്. ലോകത്തെവിടെയും ഒറ്റ വിശ്വാസിയും ഇല്ലാത്തവിധം ഇവരുടെ എണ്ണം പൂര്‍ണമാകുമ്പോള്‍ ലോകം അവസാനിക്കുമെന്ന് 46: 35 ല്‍ പറഞ്ഞിട്ടുണ്ട്. 4: 91; 5: 60; 7: 40; 9: 55, 85 വിശദീകരണം നോക്കുക.