സൂക്തത്തില്‍ നിന്‍റെ വിളിക്ക് ഉത്തരം നല്‍കിക്കൊള്ളാം എന്നും പ്രവാചകന്‍മാരെ പിന്‍പറ്റുകയും ചെയ്യാം എന്നും പറഞ്ഞതുകൊണ്ട് ഉദ്ദേശിക്കുന്നത് 2: 186 ല്‍ വിവരിച്ച പ്രകാരം നാഥനില്‍ നിന്നുള്ള സന്മാര്‍ഗവും 7: 157 ല്‍ വിവരിച്ച പ്രകാരം പ്രവാചകനോടൊപ്പം അവതരിപ്പിപ്പെട്ട പ്രകാശവുമായ അദ്ദിക്ര്‍ പിന്‍പറ്റിക്കൊള്ളാം എന്നാണ്. 2: 136; 285 സൂക്തങ്ങളില്‍ വിവരിച്ച പ്രകാരം എല്ലാ പ്രവാചകന്മാരും നാഥനില്‍ നിന്ന് ഒരേ സന്ദേശമായ അദ്ദിക്ര്‍ കൊണ്ട് നിയോഗിക്കപ്പെട്ടവരായതുകൊണ്ടാണ് 'പ്രവാചകനെ പിന്‍പറ്റാം' എന്ന് പറയാതെ 'പ്രവാചകന്‍മാരെ പിന്‍പറ്റാം' എന്ന് പറയുന്നത്. 15: 80; 25: 37 വിശദീകരണം നോക്കുക. 23: 99-100 സൂക്തങ്ങളില്‍ പറഞ്ഞ പ്രകാരം ഫുജ്ജാറുകളില്‍ പെട്ട ഏതൊരാളുടെയും മരണസമയത്ത് അവന്‍ പറയുന്നതാണ്: എന്‍റെ നാഥാ! എന്നെ നീ ജീവിതമേഖലകളിലേക്ക് തിരിച്ചയച്ചാലും, മുമ്പ് ഞാന്‍ പ്രവര്‍ത്തിക്കാതെ വിട്ടുപോയ സല്‍ക്കര്‍മങ്ങള്‍ ചെയ്യുന്നതിന് വേണ്ടി! അപ്പോള്‍ നാഥന്‍ പറയുന്നതാണ്: അല്ല, അത് അവന്‍ പറയുന്ന ഒരുവാക്ക് മാത്രമാണ്, അവരുടെ പിറകില്‍ അവര്‍ പുനര്‍ജീവിപ്പിക്കപ്പെടുന്നനാള്‍ വരെ ഒരു മറയുണ്ടായിരിക്കുന്നതുമാണ്. 7: 37 ല്‍ വിവരിച്ച പ്രകാരം ഫുജ്ജാറുകളില്‍ നിന്നുള്ള ഏതൊരാളും മരണസമയത്ത് നിശ്ചയം അവര്‍ കാഫിറുകള്‍ തന്നെയായിരുന്നു എന്ന് അവരുടെ ആത്മാവിനെതിരെ സാക്ഷ്യം വഹിക്കുന്നതാണ്. ശിക്ഷബാധിക്കുമ്പോള്‍ അവര്‍ 'ഓ ഞങ്ങളുടെ നാശം! നിശ്ചയം ഞങ്ങള്‍ അക്രമികള്‍ തന്നെയായിരുന്നു' എന്ന് വിലപിക്കുന്നതാണ് എന്ന് 21: 12-14, 46 സൂക്തങ്ങളിലും മുന്നറിയിപ്പ് നല്‍കിയിട്ടുണ്ട്. 6: 93-94; 7: 4-5, 53 വിശദീകരണം നോക്കുക.