മൂസാ തന്‍റെ ജനതയോട് പറഞ്ഞതും സ്മരണീയമാണ്: അല്ലാഹു നിങ്ങളുടെമേല്‍ ചൊരിഞ്ഞ അനുഗ്രഹങ്ങള്‍ നിങ്ങള്‍ ഓര്‍മിക്കുവിന്‍, ഫിര്‍ഔന്‍ പ്രഭൃതികളില്‍ നിന്ന് അവന്‍ നിങ്ങളെ രക്ഷപ്പെടുത്തിയ സന്ദര്‍ഭം! അവര്‍ നിങ്ങളെ കഠിനമായി ശിക്ഷിക്കുകയും നിങ്ങളുടെ ആണ്‍സന്താനങ്ങളെ കൊന്നുകൊണ്ടിരിക്കുകയും സ്ത്രീകളെ ജീവിക്കാന്‍ വിടുകയുമായിരുന്നു ചെയ്തിരുന്നത്, അതില്‍ നിങ്ങള്‍ക്ക് നിങ്ങളുടെ നാഥനില്‍ നിന്നുള്ള വമ്പിച്ച ഒരു പരീക്ഷണം തന്നെയാണുണ്ടായിരുന്നത്.
ഏതൊരു പ്രവാചകന്‍റെ കാലത്തുള്ള ജനതയും അദ്ദിക്റിനെ തള്ളിപ്പറഞ്ഞ് തെമ്മാടികളാകുമ്പോള്‍ നാഥന്‍ പ്രവാചകനെയും പ്രവാചകനോടൊപ്പമുള്ള വിശ്വാസികളെയും രക്ഷപ്പെടുത്തുകയും തെമ്മാടികളായ ജനതയെ ശിക്ഷിക്കുകയുമാണ് ചെയ്തിട്ടുള്ളത്. 9: 28; 10: 48 സൂക്തങ്ങളില്‍ വിവരിച്ച പ്രകാരം ഇജാസില്‍ മഹ്ദിയുടെ ആഗമനം പ്രഖ്യാപിക്കപ്പെടുന്നതോടുകൂടി മനുഷ്യരില്‍ നിന്നുള്ള വിശ്വാസികളെ ഇജാസിലേക്ക് വേര്‍തിരിക്കുകയും ഫുജ്ജാറു കളെ അവിടെനിന്നും പുറത്താക്കുകയും ചെയ്യുന്നതാണ്. അതോടുകൂടി ഫുജ്ജാറുകള്‍ക്ക് അവിടേക്ക് പ്രവേശനം വിലക്കപ്പെടുന്നതാണ്. 7: 141 ല്‍ വിവ രിച്ചതുപോലെ 'ഫിര്‍ഔനില്‍ നിന്നുള്ള വമ്പിച്ച ഒരു പരീക്ഷണം' എന്ന് പറയുന്നതിന് പകരം 'നിങ്ങളുടെ നാഥനില്‍ നിന്നുള്ള വമ്പിച്ച ഒരു പരീക്ഷണം' എന്ന് പറഞ്ഞതില്‍ നിന്നും അജയ്യഗ്രന്ഥമായ അദ്ദിക്റിനെ അവഗണിക്കുകവഴി അല്ലാഹുവിനെയും പരലോകത്തെയും മറന്ന് ജീവിക്കുന്ന, 9: 67-68 സൂ ക്തങ്ങളില്‍ പറഞ്ഞ കപടവിശ്വാസികളും കുഫ്ഫാറുകളുമടങ്ങിയ ഫുജ്ജാറുകള്‍ക്ക് അല്ലാഹുതന്നെയാണ് ഇഹത്തില്‍ നിന്ദ്യത നല്‍കുന്നത്. 2: 49; 6: 165; 7: 141 വിശദീകരണം നോക്കുക.