അദ്ദിക്ർ

16: 44 ല്‍, നിനക്ക് നാം ഈ അദ്ദിക്ര്‍ അവതരിപ്പിച്ചിരിക്കുന്നു-ജനങ്ങള്‍ക്ക്, എന്താ ണോ ഇറക്കപ്പെട്ടത്, അത് അവര്‍ക്ക് നീ വെളിവാക്കി കൊടുക്കുന്നതിന് വേണ്ടി, അവര്‍ ആലോചിച്ച് പ്രതിഫലിപ്പിക്കുന്നതിന് വേണ്ടിയും എന്ന് പറഞ്ഞിട്ടുണ്ട്. അദ്ദിക്ര്‍ മൊ ത്തം ജനങ്ങള്‍ക്കുള്ള സ്രഷ്ടാവിന്‍റെ വിധിവിലക്കുകളാണ്. 23: 70 ല്‍, അതോ അവന് ജി ന്ന് ബാധിച്ചിരിക്കുകയാണെന്ന് അവര്‍ പറയുന്നുവോ? അല്ല; അവര്‍ക്ക് സത്യം-അദ്ദിക്ര്‍ -വന്നുകിട്ടി, എന്നാല്‍ അവരില്‍ അധികപേരും സത്യത്തെ വെറുക്കുന്നവര്‍ തന്നെയാകുന്നു എന്നും; 23: 71 ല്‍, അല്ല; അവര്‍ക്ക് അവരെക്കുറിച്ചുള്ള ദിക്ര്‍ വന്നുകിട്ടി, അപ്പോള്‍ അവര്‍ അവരെക്കുറിച്ചുള്ള ദിക്റിനെ അവഗണിച്ചുകൊണ്ടിരിക്കുന്നവരാണ് എന്നും പറഞ്ഞിട്ടുണ്ട്. 21: 10 ല്‍, നിശ്ചയം നിങ്ങളെക്കുറിച്ച് ഓര്‍മ്മിപ്പിക്കുന്ന ഒരു ഗ്രന്ഥം നിങ്ങള്‍ക്ക് നാം ഇറക്കുകതന്നെ ചെയ്തിട്ടുണ്ട്, അപ്പോള്‍ നിങ്ങള്‍ ചിന്തിക്കുന്നില്ലേ എന്ന് ചോദിക്കുന്നുണ്ട്. ജിന്നുകളില്‍ പെട്ട പിശാചുക്കളാണ് പ്രവാചകന്‍ മുഹമ്മദിന് അദ്ദിക്ര്‍ കൊണ്ടുവന്ന് കൊടുക്കുന്നതെന്ന് കാഫിറുകള്‍ ആരോപിച്ചതിന് മറുപടിയായി 26: 210-212 ല്‍ അല്ലാഹു പറയുന്നു: പിശാചുക്കള്‍ അദ്ദിക്റും കൊണ്ട് ഇറങ്ങിയിട്ടില്ല, അവര്‍ക്ക് അത് യോജിച്ചതുമല്ല, അവര്‍ക്ക് അതിന് സാധിക്കുകയുമില്ല, നിശ്ചയം അവര്‍ അത് കേള്‍ക്കുന്നതിനെത്തൊട്ട് അകറ്റപ്പെട്ടവരാകുന്നു. 81: 25 ല്‍, ഇത് ശപിക്കപ്പെട്ട് അകറ്റപ്പെട്ട പിശാചിന്‍റെ വാക്കുകളല്ല എന്നും; 81: 27 ല്‍, ഇത് സര്‍വ്വലോകര്‍ക്കുമുള്ള ഒരു ഉണര്‍ത്തല്‍ അല്ലാതെ അല്ല എന്നും പറഞ്ഞിട്ടുണ്ട്. 26: 192-196 ല്‍, നിശ്ചയം ഇത് സര്‍വ്വലോകങ്ങളുടെയും ഉടമയില്‍ നിന്ന് അവതരിപ്പിക്കപ്പെട്ടത് തന്നെയാണ്, അതും കൊണ്ട് ഇറങ്ങിയത് വിശ്വസ് തനായ റൂഹ് ജിബ്രീലാണ്. നിന്‍റെ ഹൃദയത്തിലേക്ക് അത് അവതരിപ്പിച്ചിട്ടുള്ളത് നീ അ തുകൊണ്ട് മുന്നറിയിപ്പ് നല്‍കുന്നവരില്‍ പെടുന്നതിനുവേണ്ടിയുമാണ്, വ്യക്തമായ അറ ബിഭാഷയാണ് അതിന്‍റെ ശരീരം, നിശ്ചയം അത് പൂര്‍വ്വിക ഏടുകളിലെല്ലാമുണ്ട് എന്ന് പറഞ്ഞിട്ടുണ്ട്. ഫിര്‍ഔന്‍ തന്‍റെ കൊട്ടാരവാസികളോട് മൂസാനബിയെക്കുറിച്ച്, നിശ്ച യം നിങ്ങളിലേക്ക് അയക്കപ്പെട്ടിട്ടുള്ള ഈ പ്രവാചകന്‍ ഭ്രാന്തന്‍ തന്നെയാണ് എന്ന് പറ ഞ്ഞതായി 26: 27 ല്‍ പറഞ്ഞിട്ടുണ്ട്. എക്കാലത്തുമുള്ള കാഫിറുകള്‍ക്ക് അദ്ദിക്റിനോടാണ് വിരോധം. ആത്മാവിന്‍റെ ഭക്ഷണവും വസ്ത്രവും ദൃഷ്ടിയുമായ അദ്ദിക്റിനെ തള്ളിപ്പറയുന്നവരാണ് കാഫിറുകളും ഭ്രാന്തന്‍മാരും അക്രമികളും തെമ്മാടികളും. 43: 74-78 ല്‍, സത്യമായ അദ്ദിക്റിനെ തള്ളിപ്പറയുന്ന ഇത്തരം അക്രമികളായ ഭ്രാന്തന്‍മാര്‍ നരകത്തി ലെ പാറാവുകാരായ മലക്കിനെ വിളിച്ച്: ഓ മാലിക്കേ, നിന്‍റെ നാഥന്‍ ഞങ്ങളുടെ കഥയ ങ്ങ് കഴിച്ചോട്ടെ (അല്ലാതെ തൊലിയുരുകുമ്പോള്‍ പുതിയത് വെച്ചുതന്ന് എന്തിനാണ് ഞങ്ങളെ ജീവിപ്പിക്കുന്നത്) എന്ന് പറയുമ്പോള്‍ മാലിക്ക് മറുപടി നല്‍കും: നിശ്ചയം നി ങ്ങള്‍ സ്ഥിരമായി ഇതില്‍ കഴിയേണ്ടവരാണ്, ഞങ്ങള്‍ നിങ്ങളിലേക്ക് സത്യമായ അദ്ദിക്ര്‍ കൊണ്ടുവന്നിരുന്നു, പക്ഷേ നിങ്ങളില്‍ അധികപേരും സത്യത്തെ വെറുക്കുന്നവരായി രുന്നു. ഇതില്‍ നിന്നും അദ്ദിക്ര്‍ ഉണ്ടാകുമ്പോള്‍ അവിടെ നരകത്തിന്‍റെ പാറാവുകാരനായ മാലിക്ക് ഉള്‍പ്പടെ എല്ലാ മലക്കുകളും ഹാജരാകുന്നുണ്ട് എന്നും, അല്ലാത്തപ്പോള്‍ അവിടെ ജിന്നുകളിലും മനുഷ്യരിലും പെട്ട പിശാചുക്കളാണ് ഹാജരാകുന്നത് എന്നും വ്യക്തമാണ്. അറബിയിലുള്ള ഗ്രന്ഥത്തിന്‍റെ പാരായണമോ അതിന്‍റെ ജീവനായ അര്‍ ത്ഥമോ പഠിപ്പിക്കുന്ന ഒരാളെയും കെട്ട ജനതയായ ഫുജ്ജാറുകള്‍ പിഴച്ച ആളായിട്ടോ ഭ്രാന്തനായിട്ടോ ജിന്ന് ബാധിച്ചവനായിട്ടോ മുദ്രകുത്താറില്ല. എന്നാല്‍ അദ്ദിക്ര്‍ മനുഷ്യ രുടെ ഹൃദയത്തിന്‍റെ ഭാഷയില്‍ വിശദീകരിക്കുമ്പോഴാണ് ഒരാള്‍ പിഴച്ചവനെന്നും ജിന്ന് ബാധിച്ചവനെന്നും ഭ്രാന്തനെന്നും സ്വന്തം ജനതയാല്‍ മുദ്രകുത്തപ്പെടുക. 4: 150-151 ല്‍ പ റഞ്ഞ യഥാര്‍ത്ഥ കാഫിറുകളായ അവരുടെ ജിന്നുകൂട്ടുകാരനായ പിശാചാണ് അവരെ ക്കൊണ്ട് അങ്ങനെ പറയിപ്പിക്കുന്നത്. ജിന്നുകൂട്ടുകാരനെ വിശ്വാസിയാക്കാനുള്ള ഏക മാര്‍ഗം ഗ്രന്ഥത്തിന്‍റെ ആത്മാവായ അദ്ദിക്ര്‍ മാത്രമാണ്. 3: 58; 6: 104, 117-119; 25: 27-30 വി ശദീകരണം നോക്കുക.