പൂര്‍വ്വികകാലത്ത് മുന്നറിയിപ്പുകാര്‍ വന്നിട്ടുള്ളത് പോലെ ഇപ്പോള്‍ ഞാന്‍ നിങ്ങളിലേക്കും മൊത്തം ലോകരിലേക്കും വന്ന മുന്നറിയിപ്പുകാരനാണ്. മൊത്തം ഗ്രന്ഥത്തെ പിന്‍പറ്റാതെ ചിലത് എടുക്കുകയും മറ്റു ചിലത് എടുക്കാതിരിക്കുകയും ചെയ്ത് വിവിധ വിഭാഗങ്ങളായിത്തീര്‍ന്നവരെയാണ് മുഖ്തസി മീന്‍ -ഗ്രന്ഥത്തെ ഭാഗം വെച്ച് വിഭാഗങ്ങളായിത്തീര്‍ന്നവര്‍- എന്ന് പറയുന്നത്. 2: 111 ല്‍, ജൂതരോ ക്രൈസ്തവരോ ആകാതെ നിങ്ങള്‍ സ്വര്‍ഗ്ഗത്തില്‍ പ്രവേശി ക്കുകയില്ല എന്ന് അല്ലാഹുവില്‍ ആണയിട്ട് പറഞ്ഞിരുന്നവരും; 2: 135 ല്‍, നിങ്ങള്‍ ജൂതരോ ക്രൈസ്തവരോ ആവുക, എന്നാല്‍ നിങ്ങള്‍ സന്മാര്‍ഗ്ഗത്തിലായെന്ന് ആണയിട്ട് പറഞ്ഞിരുന്നവരും ഗ്രന്ഥത്തെ ഭാഗം വെച്ചവരില്‍ പെട്ടവരാണ്. ഇന്ന് ലോകരില്‍ ഗ്രന്ഥത്തിന്‍റെ ആശയത്തിന് വിരുദ്ധമായി 58: 18 ല്‍ വിവരിച്ച പ്രകാരം അല്ലാഹുവില്‍ ആണയിട്ടുകൊണ്ട് സംസാരിക്കുന്ന കപടവിശ്വാസികളും 58: 22 ല്‍ പറഞ്ഞ അല്ലാഹുവിന്‍റെ ഏകസംഘത്തില്‍ പെടാതെ 30: 30-32 സൂക്തങ്ങളില്‍ വിവരിച്ച പ്രകാരം വിവിധ സംഘടനകളായിപ്പിരിഞ്ഞ് മുശ്രിക്കുകളായിത്തീര്‍ന്ന് 58: 19 ല്‍ പറഞ്ഞ പിശാചിന്‍റെ സംഘത്തില്‍ പെട്ടവരുമടങ്ങിയ അറബി ഖുര്‍ആന്‍ വായിക്കുന്ന ഫുജ്ജാറുകളാണ് ഭാഗം വെച്ച് വിഭാഗങ്ങളായിത്തീര്‍ന്നവരില്‍ പെടുക. 14: 44 ല്‍, മരണം ആസന്നമാകുമ്പോള്‍ ഇത്തരം അക്രമികള്‍: ഞങ്ങളുടെ നാഥാ, ഞങ്ങളുടെ അവധി അല്‍പം നീട്ടിത്തരികയാണെങ്കില്‍ നിന്‍റെ വിളിക്ക് ഞങ്ങള്‍ ഉത്തരം നല്‍കിക്കൊള്ളാം, ഞങ്ങള്‍ പ്രവാചകന്മാരെ പിന്‍പറ്റുകയും ചെയ്യാം എന്ന് പറയുമ്പോള്‍ അല്ലാഹു അവരോട്: നിങ്ങള്‍ക്ക് ഒരിക്കലും ഒരുമാറ്റവും വരികയില്ല എന്ന് ഇതിനുമുമ്പ് ആണയിട്ട് പറഞ്ഞിരുന്ന അതേ ആളുകള്‍ തന്നെയല്ലേ നിങ്ങള്‍ എന്ന് ചോദിക്കുമെന്ന് മുന്നറിയിപ്പ് നല്‍കിയിട്ടുണ്ട്. 2: 85; 4: 150-151; 7: 37, 49 വിശദീകരണം നോക്കുക.