പരീക്ഷിക്കപ്പെടുകയും ശേഷം സ്വദേശം വിട്ട് ഒളിച്ചോടിപ്പോകുകയും ലക്ഷ്യപ്രാപ്തിക്ക് വേണ്ടി ത്യാഗപരിശ്രമങ്ങള്‍ നടത്തുകയും ക്ഷമ കൈക്കൊള്ളുകയും ചെയ്യുന്നവര്‍ക്ക് നിന്‍റെ നാഥന്‍ പൊറുത്ത് കൊടുക്കുന്നതാണ് എന്ന് പറഞ്ഞതിന്‍റെ വിവക്ഷ; പാലായനം ചെയ്ത് വിശ്വാസികളുടെ കൂട്ടത്തില്‍ എത്തിപ്പെട്ടാല്‍ മാത്രം പോരാ, ആ എത്തിപ്പെടലിന് ശേഷവും ജിഹാദ് ചെയ്യുകയും പരീക്ഷണത്തിന് വിധേയമാകുമ്പോള്‍ പരലോകത്തെ കണ്ടുകൊണ്ട് ക്ഷമ കൈകൊള്ളുകയും ഉറച്ച് നില്‍ക്കുകയും ചെയ്യണമെന്നാണ്. 2: 155-157 സൂക്തങ്ങളില്‍ വിശ്വാസികളോട് നിങ്ങള്‍ പരീക്ഷണത്തിന് വിധേമാവുകതന്നെ ചെയ്യുമെന്ന് പറഞ്ഞിട്ടുണ്ട്. 3: 195; 7: 205-206; 8: 72; 22: 78; 64: 14 വിശദീകരണം നോക്കുക.