മനുഷ്യന് ഉപജീവനമാര്‍ഗമായി മത്സ്യബന്ധനത്തിനും ഭക്ഷണത്തിനും സമുദ്രത്തെ വിധേയമാക്കിയിട്ടുണ്ട്. കൂടാതെ മുത്ത്, മാണിക്യം, മരതകം, പവിഴം, വൈരം, വൈഢൂര്യം, ഇന്ദ്രനീലം, പുഷ്യരാഗം, ഗോമേതകം എന്നീ നവരത്നങ്ങളും സമുദ്രങ്ങളില്‍ നിന്ന് പുറത്തെടുക്കുന്നു. ഒരുനാട്ടില്‍ നിന്ന് മ റുനാട്ടിലേക്ക് ചരക്കുകള്‍ കൊണ്ടുപോകുന്നതിനും കൊണ്ടുവരുന്നതിനും കപ്പലുകളെയാണ് ആധുനികകാലത്തും കൂടുതല്‍ ആശ്രയിക്കുന്നത്. ഈ അനുഗ്രഹങ്ങളെല്ലാം അല്ലാഹു നല്‍കിയത് മനുഷ്യന്‍റെയും ഈ വസ്തുക്കളുടെയുമെല്ലാം ഉടമയായ അല്ലാഹുവിനെ തിരിച്ചറിഞ്ഞ് അവന് നന്ദി പ്രകടിപ്പിക്കുന്നതിനും പ്രപഞ്ചനാഥനായ അവനെ ഏകനായി അംഗീകരിക്കുന്നതിനും വേണ്ടിയാണ്. 2: 152; 13: 22; 16: 8 വിശദീകരണം നോക്കുക.