ഇവരെ മരിപ്പിക്കുന്ന സമയത്ത് പരിശുദ്ധന്‍മാരായ മലക്കുകള്‍ ഇവരോട് പറഞ്ഞുകൊണ്ടിരിക്കുന്നതാണ്: നിങ്ങളുടെമേല്‍ സമാധാനം! നിങ്ങള്‍ സ്വര്‍ഗ ത്തില്‍ പ്രവേശിച്ചുകൊള്ളുക, നിങ്ങള്‍ പ്രവര്‍ത്തിച്ചുകൊണ്ടിരുന്നവരായതിനാല്‍.
മനുഷ്യജീവിതത്തിന്‍റെ ഏഴാംഘട്ടത്തിന് വേണ്ടി സ്വര്‍ഗം സമ്പാദിക്കാനാണ് നാലാംഘട്ടത്തില്‍ മനുഷ്യനെ ഭൂമിയില്‍ നിയോഗിച്ചിട്ടുള്ളതെന്ന വസ്തുത മനസ്സിലാക്കി ഇവിടെ സ്വര്‍ഗം പണിയുന്നവരാണ് സൂക്ഷ്മാലുക്കള്‍. 2: 62 ല്‍ വിവരിച്ച പ്രകാരം അവര്‍ അദ്ദിക്ര്‍ പഠിക്കുകയും പിന്‍പറ്റുകയും ചെയ്തുകൊ ണ്ട് ജാതി-മത-വര്‍ണ്ണ-ദേശ-ഭാഷ-ലിംഗ ഭേദമന്യേ അദ്ദിക്ര്‍ ലോകര്‍ക്ക് എത്തിച്ചുകൊടുക്കുന്നവരും അതുവഴി ഭൂമിയില്‍ രക്തച്ചൊരിച്ചിലും നാശവും ഇല്ലാതാക്കുന്നതിനും ശാന്തിയും സമാധാനവും നിലനിര്‍ത്തുന്നതിനും വേണ്ടി പ്രവര്‍ത്തിക്കുന്നവരുമാണ്. 3: 133-136; 7: 43, 205-206; 32: 19 വിശദീകരണം നോക്കുക.