എല്ലാഓരോ സമുദായത്തിലേക്കും പ്രവാചകന്‍മാര്‍ വന്നിട്ടുള്ളത് അല്ലാഹുവിനെ സേവിച്ചുകൊണ്ടിരിക്കണം, പിശാചിന്‍റെ സേവകന്‍മാരായ ദുഃശക്തികളെ വെടിയണം എന്ന് കല്‍പ്പിച്ചുകൊണ്ടാണ്. അവരെല്ലാം കൊണ്ടുവന്ന സന്ദേശം അദ്ദിക്ര്‍ തന്നെയാണ്. നിഷ്പക്ഷവാനായ അല്ലാഹു ആരെയും സന്മാര്‍ഗ്ഗത്തിലേക്കോ ദുര്‍മാര്‍ഗ്ഗത്തിലേക്കോ ആക്കുന്നില്ല. ആരാണോ പ്രവാചകന്‍മാര്‍ കൊണ്ടുവന്ന അദ്ദിക്റിനെ ഉപയോഗപ്പെടുത്തി സന്മാര്‍ഗ്ഗത്തിലായത്, അപ്പോള്‍ അവന്‍ സന്മാര്‍ഗ്ഗത്തിലായത് അവനുവേണ്ടിത്തന്നെയാണ്. അധികപേരും അദ്ദിക്റിനെ തള്ളിപ്പറഞ്ഞപ്പോള്‍ അവരെ നശിപ്പിക്കുകയും പ്രവാചകനെയും അദ്ദേഹത്തോടൊപ്പമുള്ള വിശ്വാസികളെയും രക്ഷപ്പെടുത്തുകയുമാണ് അല്ലാഹു ചെയ്തിട്ടുള്ളത്. 25: 18 ല്‍ കെട്ടജനത എന്ന് വിശേഷിപ്പിക്കപ്പെട്ട മുഹമ്മദ് നബിയുടെ ജനത അദ്ദിക്റിനെ ഉപയോഗപ്പെടുത്തുന്നില്ലെങ്കില്‍ അതിനെ മൂടിവെക്കാത്ത മുഹമ്മദിന്‍റെതന്നെ സമുദായത്തില്‍ പെട്ട ഇതര ജനവിഭാഗങ്ങളെ ഏല്‍പിക്കുമെന്ന് 6: 89 ല്‍ പറഞ്ഞിട്ടുണ്ട്. 4: 50-52; 48: 6, 25; 78: 20-30 വിശദീകരണം നോക്കുക.