10: 85-86 സൂക്തങ്ങള്‍ പ്രകാരം 'ഞങ്ങളുടെ നാഥാ! അക്രമികളായ ഒരു ജനതയുടെ പരീക്ഷണത്തിന് ഞങ്ങളെ നീ വിധേയമാക്കരുതേ, നിന്‍റെ മഹത്തായ കാരുണ്യം കൊണ്ട് -അദ്ദിക്ര്‍ കൊണ്ട്- കാഫിറുകളായ ഒരു ജനതയില്‍ നിന്ന് ഞങ്ങളെ രക്ഷപ്പെടുത്തേണമേ' എന്ന് പ്രാര്‍ത്ഥിക്കുന്ന വിശ്വാസികള്‍ക്ക് ഇന്ന് അദ്ദിക്റിനെ മൂടിവെക്കുകയും വളച്ചൊടിക്കുകയും ചെയ്യുന്ന അക്രമികളും കാഫിറുകളുമായ ജനതയില്‍ നിന്ന് ഉപദ്രവമേല്‍ക്കുകയോ അവരെ ഭയപ്പെട്ട് നാട് വിടേണ്ടിവരികയോ ഇല്ല, മറിച്ച് അവരോട് 25: 52 ന്‍റെ കല്‍പന പ്രകാരം അദ്ദിക്ര്‍ കൊണ്ട് അധികരിച്ച ജിഹാദ് നടത്തുകയാണ് അവര്‍ ചെയ്യുക. അവര്‍ മാത്രമാണ് അദ്ദിക്റിനെ തങ്ങള്‍ക്ക് അനുകൂലമായി വാദിക്കുകയും സാക്ഷിനില്‍ക്കുകയും ചെയ്യുന്ന സംരക്ഷകനായി ഉപയോഗപ്പെ ടുത്തുന്നവര്‍. മനുഷ്യന്‍റെ നാലാം ഘട്ടത്തിലുള്ള ഇഹലോകജീവിതം ഏഴാം ഘട്ടമായ പരലോകത്തിലേക്കുള്ള കൃഷിയിടമാണെന്ന് ഉറച്ചുവിശ്വസിക്കു കയും ഉറക്കവും മയക്കവുമില്ലാതെ എല്ലാം വീക്ഷിച്ചുകൊണ്ടിരിക്കുന്ന ത്രികാലജ്ഞാനിയായ ഏകാധിപനെ മാത്രം ആശ്രയിക്കുകയും എല്ലാകാര്യങ്ങ ളും അവനില്‍ ഭരമേല്‍പ്പിക്കുകയും മറ്റാരേയും ആശ്രയിക്കാതെയും ഭയപ്പെടാതെയും ജീവിക്കുകയും അതിന് വേണ്ടി അദ്ദിക്ര്‍ ലോകര്‍ക്ക് എത്തിച്ച് കൊടുത്തുകൊണ്ട് സ്രഷ്ടാവിനെ സഹായിച്ചുകൊണ്ടിരിക്കുകയും ചെയ്യുന്നവരായതിനാലാണ് 'അവര്‍ ക്ഷമാലുക്കളും എല്ലാകാര്യങ്ങളും അവരുടെ നാ ഥനില്‍ ഭരമേല്‍പിക്കുന്നവരുമാകുന്നു' എന്ന് സൂക്തത്തില്‍ പറഞ്ഞത്. 7: 205- 206; 8: 74; 9: 73; 39: 9-10 വിശദീകരണം നോക്കുക.