അല്ലാഹു പറയുകയും ചെയ്യുന്നു: നിങ്ങള്‍ രണ്ട് ഇലാഹുകളെ തെരഞ്ഞെടുക്കരുത്, നിശ്ചയം അവന്‍ ഏകഇലാഹ് മാത്രമാകുന്നു, നിങ്ങള്‍ എന്നെമാത്രമാ ണ് ഉള്ളിന്‍റെയുള്ളില്‍ ഭയപ്പെടുന്നതെങ്കില്‍.
കാണാതെ കണ്ട് ആരെ വിളിച്ച് പ്രാര്‍ത്ഥിക്കാമോ, ആരോട് സഹായം തേടാമോ, ആരെ ഭയപ്പെടാമോ, ആരുടെ മേലാണോ ഭരമേല്‍പിക്കേണ്ടത്, ആരുടെ മുമ്പിലാണോ ഐഹിക ജീവിതത്തെക്കുറിച്ച് ഉത്തരം പറയേണ്ടത്, അവനാണ് ഇലാഹ്. ഫുജ്ജാറുകള്‍ ഇന്ന് 'മനുഷ്യരുടെ നാഥന്‍, മനുഷ്യരുടെ രാജാവ്, മനുഷ്യരുടെ ഇലാഹ്' എന്ന് പറയുന്ന 114: 1-3 സൂക്തങ്ങള്‍ നാവുകൊണ്ട് പറയുന്നുണ്ടെങ്കിലും അവര്‍ അവരുടെ പ്രായോഗിക ജീവിതത്തില്‍ അല്ലാഹുവിനെ പ്രപഞ്ചനാഥനായി അംഗീകരിക്കുന്നില്ല. അര്‍ഹതയില്ലാതെ വിശ്വാസികളാണെന്ന് വാദിക്കുന്ന ഇത്തരം ഫുജ്ജാറുകള്‍ 32: 4 ല്‍ വിവരിച്ച പ്രകാരം മനുഷ്യര്‍ക്ക് പ്രപഞ്ചനാഥനായ അല്ലാഹുവിനെക്കൂടാതെ സംരക്ഷകരില്‍ നിന്നോ ശുപാര്‍ ശക്കാരില്‍ നിന്നോ ആരും തന്നെയില്ല എന്ന് ലോകരെ ഉണര്‍ത്താന്‍ കടമപ്പെട്ടവരാണ്. എന്നാല്‍ ഇവര്‍ 6: 26 ല്‍ പറഞ്ഞ പ്രകാരം അദ്ദിക്റിനെ സ്വയം ഉപയോഗപ്പെടുത്തുകയോ മറ്റുള്ളവര്‍ക്ക് ഉപയോഗപ്പെടുത്താന്‍ നല്‍കുകയോ ചെയ്യുന്നില്ല, അതുവഴി അവര്‍ അവരെത്തന്നെയല്ലാതെ നശിപ്പിക്കുന്നില്ല, എന്നാല്‍ അവര്‍ അത് തിരിച്ചറിയുന്നില്ല. 2: 40, 96; 16: 2, 36; 35: 45 വിശദീകരണം നോക്കുക.