30: 34 ല്‍ ഇതേ സൂക്തം ആവര്‍ത്തിച്ചിട്ടുണ്ട്. മനുഷ്യര്‍ക്ക് നന്ദിപ്രകടിപ്പിക്കുന്നവര്‍ അല്ലെങ്കില്‍ നന്ദികെട്ടവര്‍ എന്നീ രണ്ടാലൊരുമാര്‍ഗം തെരഞ്ഞെടുക്കാനുള്ള സ്വാതന്ത്ര്യം നല്‍കിയിട്ടുണ്ടെന്ന് 76: 3 ല്‍ പറഞ്ഞിട്ടുണ്ട്. നിഷ്പക്ഷവാനായ നാഥന്‍ എല്ലാഓരോ ആത്മാവിനും സ്വര്‍ഗ്ഗത്തിലേക്കുള്ള ഏകവഴിയും നരകത്തിലേക്കുള്ള വിവിധ വഴികളുമടങ്ങിയ ഉരക്കല്ലായ അദ്ദിക്ര്‍ സ്വര്‍ഗ്ഗത്തില്‍ വെച്ചുതന്നെ പഠിപ്പിച്ചിട്ടുണ്ട്. അപ്പോള്‍ ആണായിരിക്കട്ടെ പെണ്ണായിരിക്കട്ടെ, ആരാണോ ത്രികാലജ്ഞാനമായ അദ്ദിക്ര്‍ ഉപയോഗപ്പെടുത്തി സന്മാര്‍ഗ്ഗത്തിലായത്, അവന്‍ സന്മാര്‍ഗ്ഗത്തിലായത് അവനുവേണ്ടി ത്തന്നെയാണ്; ആണായിരിക്കട്ടെ പെണ്ണായിരിക്കട്ടെ ആരാണോ അതുകൊള്ളെ വഴികേടിലായത്, അതിന്‍റെ ദോഷവും ആ ആത്മാവിനുതന്നെയാണ് എന്ന് 6: 104; 10: 108; 17: 15; 39: 41 എന്നീ സൂക്തങ്ങളില്‍ പറഞ്ഞിട്ടുണ്ട്. അപ്പോള്‍ 69: 51 ല്‍ പറഞ്ഞ ഉറപ്പ് ന ല്‍കുന്ന സത്യമായ അദ്ദിക്ര്‍ കൊണ്ട് അവരവര്‍ നേരെച്ചൊവ്വെയുള്ള പാതയിലാണെന്ന് ഉറപ്പുവരുത്തേണ്ട ബാധ്യത അവരവര്‍ക്കുതന്നെയാണ്. ഏറ്റവും വലിയ അനുഗ്രഹമായ അദ്ദിക്റിനെ മൂടിവെക്കുന്ന കപടവിശ്വാസികളും അവരെ അന്ധമായി പിന്‍പറ്റുന്ന മുശ്രിക്കുകളായ അനുയായികളുമാണ് അല്ലാഹു നല്‍കിയ അനുഗ്രഹങ്ങള്‍ക്ക് നന്ദി പ്രകടിപ്പിക്കാത്തവര്‍. 4: 150-151; 9: 67-68; 10: 17-18; 14: 34 വിശദീകരണം നോക്കുക.