6: 136 ല്‍ വിവരിച്ച പ്രകാരം അറബി ഖുര്‍ആന്‍ വായിക്കുന്ന ഫുജ്ജാറുകളാണ് ക്രോഡീകരിക്കപ്പെട്ട ഗ്രന്ഥം ലഭിച്ചിട്ടില്ലാത്ത പ്രവാചകന്‍റെ കാലത്തെ മക്കാമുശ്രിക്കുകളെക്കാള്‍ ദുഷിച്ച അന്ധവിശ്വാസങ്ങളും അനാചാരങ്ങളും കൊണ്ടുനടക്കുന്നത്. അവരിലെ കപടവിശ്വാസികള്‍ ആത്മാവിനെ പരിഗ ണിക്കാതെ ഗ്രന്ഥത്തിന്‍റെ ജീവനായ അര്‍ത്ഥം വളച്ചൊടിച്ച് 'അല്ലാഹുവിന്‍റെ മാര്‍ഗത്തില്‍ രക്തസാക്ഷ്യം വഹിച്ചവര്‍ക്ക് ജീവിച്ചിരിക്കുന്നവരുടെ ആവശ്യങ്ങള്‍ പൂര്‍ത്തിയാക്കിക്കൊടുക്കാന്‍ സാധിക്കും' എന്ന് കള്ളം കെട്ടിച്ചമച്ച് പറഞ്ഞുകൊണ്ട് അവരുടെമേല്‍ ഭക്ഷണപദാര്‍ത്ഥങ്ങള്‍ നേര്‍ച്ചയാക്കി വെക്കാന്‍ ഫാജിറുകളായ അനുയായികളെ പ്രേരിപ്പിക്കുന്നവരാണ്. 15: 2 ല്‍ വിവരിച്ച പ്രകാരം ഈ കെട്ടജനത സര്‍വസ്വം നാഥന് സമര്‍പ്പിച്ച മുസ്ലിംകളാ ണെന്ന് വാദിക്കുന്നവരാണെങ്കിലും അവര്‍ 16: 89 നെ സത്യപ്പെടുത്താത്തത് കാരണം 36: 59-62 സൂക്തങ്ങളില്‍ പറഞ്ഞ പ്രകാരം പിശാചിനെ സേവിച്ചു കൊണ്ടിരിക്കുന്ന ഭ്രാന്തന്മാരും 4: 150-151 സൂക്തങ്ങളില്‍ പറഞ്ഞ പ്രകാരം യഥാര്‍ത്ഥ കാഫിറുകളുമാണ്. 6: 21, 145, 148; 7: 40 വിശദീകരണം നോക്കുക.