2: 30 ല്‍ വിവരിച്ച പ്രകാരം വിശേഷബുദ്ധി നല്‍കപ്പെട്ട മനുഷ്യനെ ഭൂമിയിലേക്ക് നിയോഗിച്ചിട്ടുള്ളത് പ്രപഞ്ചം അതിന്‍റെ സന്തുലനത്തില്‍ നിലനിര്‍ത്താനുള്ള ത്രാസും അമാനത്തുമായ അദ്ദിക്ര്‍ ഉപയോഗപ്പെടുത്തി നാഥന്‍റെ പ്രതിനിധികളായി നിലകൊള്ളാനാണ്. എന്നാല്‍ 4: 118 ല്‍ വിവരിച്ച പ്രകാരം എല്ലാ കാലത്തുമുള്ള പ്രവാചകന്മാരുടെ ജനതയില്‍ നിന്നുള്ള 1000 ത്തില്‍ 999 ഉം അദ്ദിക്റിനെയും അതുകൊണ്ട് നിയോഗിക്കപ്പെട്ട പ്രവാചക ന്മാരെയും തള്ളിപ്പറഞ്ഞുകൊണ്ട് അക്രമികളും തെമ്മാടികളുമായി മാറിയപ്പോള്‍ 10: 103 ല്‍ വിവരിച്ച പ്രകാരം നിഷ്പക്ഷവാനായ നാഥന്‍ പ്രവാചകന്മാരെയും കൂടെയുള്ള വിശ്വാസികളെയും രക്ഷപ്പെടുത്തിക്കൊണ്ട് അക്രമികളെ നശിപ്പിക്കുകയാണുണ്ടായത്.

ഇന്ന് അറബി ഖുര്‍ആന്‍ വായിക്കുന്ന ഫുജ്ജാറുകള്‍ അവസാനത്തെ ഗ്രന്ഥത്തിന്‍റെയും പ്രവാചകന്‍റെയും ആളുകളാണെന്ന് വാദിക്കുന്നവരാണ്. എന്നാല്‍ അവര്‍ ഗ്രന്ഥത്തിന്‍റെ ആത്മാവായ അദ്ദിക്റിനെ മൂടിവെച്ചുകൊണ്ടും തള്ളിപ്പറഞ്ഞുകൊണ്ടും 4: 150-151 സൂക്തങ്ങളില്‍ പറഞ്ഞ യഥാര്‍ത്ഥ കാഫിറുക ളായിത്തീര്‍ന്നിരിക്കുകയാണ്. അതിനാല്‍ 6: 89-90 സൂക്തങ്ങളില്‍ പറഞ്ഞ പ്രകാരം നാഥന്‍ അവന്‍റെ സന്ദേശമായ അദ്ദിക്ര്‍ അതിനെ മൂടിവെക്കാത്ത പ്രവാചകന്‍റെ സമുദായത്തില്‍ പെട്ട ഇതര ജനവിഭാഗങ്ങളെ ഏല്‍പിക്കുന്നതാണ്. അദ്ദിക്റിനെ സത്യപ്പെടുത്തി ജീവിക്കുന്ന വിശ്വാസിക്ക് ഒരു സൃഷ്ടി യോടും അസൂയയോ, അല്ലാഹുവിന്‍റെ കോപവും ശാപവും വര്‍ഷിക്കപ്പെട്ട, 8: 22 ല്‍ ദുഷ്ടജീവികളെന്ന് വിശേഷിപ്പിക്കപ്പെട്ട ഫുജ്ജാറുകളോടൊഴിച്ച് മറ്റാരോടും ശത്രുതയോ ഉണ്ടാവുകയില്ല. 4: 32 വിശദീകരണം നോക്കുക.  

കൂടുതല്‍ താമസിയാതെ ഇജാസില്‍ മഹ്ദിയുടെ പ്രഖ്യാപനമുണ്ടാകുന്നതോടുകൂടി കപടവിശ്വാസികളും അനുയായികളുമടങ്ങിയ ഫുജ്ജാറുകള്‍ അ വിടെനിന്ന് പുറത്താക്കപ്പെടുന്നതാണ്. വിചാരണയില്ലാതെ സ്വര്‍ഗത്തില്‍ പോകുന്ന അവസാനത്തെ സാബിഖും തിരിച്ചുപോയിക്കഴിഞ്ഞാല്‍ ഭൂമിയുടെ തിരിച്ചുകറക്കവും മസീഹുദ്ദജ്ജാലിന്‍റെ ആഗമനവും സംഭവിക്കുന്നതാണ്. മസീഹുദ്ദജ്ജാലിനെ ദൈവമായി സ്വീകരിക്കുന്ന ഫുജ്ജാറുകളായ ദുഷ്ടജീവി കള്‍ 9: 5 ല്‍ വിവരിച്ച പ്രകാരം ഈസായുടെ രണ്ടാം വരവോടുകൂടി പ്രവാചകന്‍റെ സമുദായത്തില്‍പെട്ട ഇതര ജനവിഭാഗങ്ങളാല്‍ വധിക്കപ്പെടുന്നതാണ്. 4: 140, 145-147; 6: 47; 7: 34; 35: 45 വിശദീകരണം നോക്കുക.