അല്ലാഹുവിനെ പരിചയപ്പെടുത്തുന്നതിന് വേണ്ടിയാണ് ഗ്രന്ഥം അവതരിപ്പിച്ചിട്ടുള്ളത്. അതിലെ മൂന്നിലൊന്ന് സൂക്തങ്ങള്‍ പരലോകത്ത് വരാന്‍പോ കുന്ന വിചാരണാ രംഗങ്ങള്‍, ശിക്ഷാകഠോരങ്ങള്‍, വിശ്വാസികള്‍ക്ക് ലഭിക്കുന്ന പ്രതിഫലങ്ങള്‍, സ്വര്‍ഗത്തിലെ അനുഭൂതികള്‍ തുടങ്ങിയ കാര്യങ്ങ ളെല്ലാം വിവരിക്കുന്നവയാണ്. എന്നിരിക്കെ ഗ്രന്ഥത്തെ വെടിഞ്ഞുകൊണ്ട് ഐഹികജീവിതത്തില്‍ ആസക്തരായവര്‍ക്കാണ് ഏറ്റവും ദുഷിച്ച ഉപമയുള്ളത്. 7: 176 പ്രകാരം പട്ടിയുടെ രൂപത്തിലും 5: 60 പ്രകാരം പന്നിയുടെ രൂപത്തിലും 62: 5 പ്രകാരം കഴുതയുടെ രൂപത്തിലുമാണ് ഇത്തരം കാഫിറുകള്‍ നരകക്കുണ്ഠത്തില്‍ ഒരുമിച്ച് കൂട്ടപ്പെടുക. അവര്‍ക്കെതിരെ ഇന്ന് അവര്‍ വിളിച്ചുപ്രാര്‍ത്ഥിക്കുന്ന മഹാത്മാക്കള്‍ 'ഇവര്‍ അദ്ദിക്റിനെ വിസ്മ രിച്ച ഒരു കെട്ടജനതയായിരുന്നു' എന്ന് പരലോകത്തുവെച്ച് അന്യായം ബോധിപ്പിക്കുന്ന രംഗം 25: 17-18 സൂക്തങ്ങളിലും; ഇന്ന് ഇവരോട് അല്ലാഹുവിനെക്കൂടാതെയുള്ളവരെ വിളിച്ചുപ്രാര്‍ത്ഥിക്കാനും നേര്‍ച്ച-വഴിപാടുകള്‍ അര്‍പ്പിക്കാനും കല്‍പ്പിച്ചുകൊണ്ടിരിക്കുന്ന അവരുടെ കപടവി ശ്വാസികളായ നേതാക്കള്‍ വിചാരണാനാളില്‍ ആ ഉത്തരവാദിത്തത്തില്‍ നിന്ന് ഒഴിഞ്ഞ് മാറുന്ന രംഗം 28: 62-64 സൂക്തങ്ങളിലും മുന്നറിയിപ്പ് നല്‍കിയി ട്ടുണ്ട്. 112: 4 ല്‍, അല്ലാഹുവിനെപ്പോലെ ഒരാളുമില്ലെന്നും; 42: 11 ല്‍, അവനെപ്പോലെ ഒരു വസ്തുവുമില്ല എന്നും പറഞ്ഞിട്ടുണ്ട്. അല്ലാഹുവിന് ഉപമ-ഉദാഹരണങ്ങള്‍ ചമക്കുന്നവരും സമന്‍മാരെയും ഇടയാളന്‍മാരെയും സന്താനങ്ങളെയും ജല്‍പിക്കുന്നവരുമെല്ലാം അവന്‍റെ അധികാരാവകാശങ്ങളില്‍ പങ്കുചേര്‍ക്കുന്നവരും പരലോകത്തെക്കൊണ്ട് വിശ്വസിക്കാത്ത കാഫിറുകളുമാണ്. അവര്‍ നമസ്കാരവും നോമ്പും ഹജ്ജുമെല്ലാം നിര്‍വ്വഹിക്കുന്നു ണ്ടെങ്കിലും കാഫിറായ പിശാചിനെ സേവിച്ചുകൊണ്ടിരിക്കുന്നതിനാല്‍ 25: 65-66 സൂക്തങ്ങളില്‍ പറഞ്ഞ പ്രകാരം അവര്‍ക്ക് അവന്‍റെ വീടായ നരക കുണ്ഠമാണ് പിഴയായി ലഭിക്കുക. 2: 159-162, 255; 8: 22; 11: 19; 16: 27-28 വിശദീകരണം നോക്കുക.