4: 118 ല്‍ വിവരിച്ച പ്രകാരം എല്ലാ പ്രവാചകന്മാരുടെയും ജനതയില്‍ പെട്ട അദ്ദിക്റിനെ മൂടിവെക്കുകയും തള്ളിപ്പറയുകയും ചെയ്യുന്ന 1000 ത്തില്‍ 999 നെയും പിശാച് പാട്ടിലാക്കുന്നതാണ്. ഇന്ന് അജയ്യമായ അദ്ദിക്ര്‍ ഒരു ഗ്രന്ഥമായി രൂപപ്പെട്ടിരിക്കെ 62: 5 ല്‍ പറഞ്ഞ പ്രകാരം അറബി ഖുര്‍ആന്‍ വായിക്കുന്ന ഫുജ്ജാറുകള്‍ അതിനെ ഭാരം വഹിക്കുന്ന കഴുതകളെപ്പോലെയാണ് വഹിക്കുന്നത്. അങ്ങനെ അവര്‍ മക്കാമുശ്രിക്കുകളെക്കാളും മറ്റേതൊരു ജനവിഭാഗത്തെക്കാളും ഏറ്റവും വഴിപിഴച്ചുപോയിരിക്കുന്നു. 2: 85; 5: 33 സൂക്തങ്ങളില്‍ വിവരിച്ച പ്രകാരം അപ്പോള്‍ അവര്‍ക്കാണ് ഇഹത്തിലും പരത്തിലും ഏറ്റവും ദുഷിച്ച പരിണിതിയുള്ളത്. അറബി ഖുര്‍ആന്‍ വായിക്കുന്ന അക്രമികളായ ഫുജ്ജാറുകള്‍ വിധിദിവസം സ്വന്തം കൈകടിച്ച് 'ഓ കഷ്ടം! ഞാന്‍ ഇന്നാലിന്നവനെ ആത്മമിത്രമായി സ്വീകരിച്ചിട്ടില്ലായിരുന്നെങ്കില്‍; അവനാണല്ലോ എനിക്ക് അദ്ദിക്ര്‍ വന്നുകിട്ടിയ തിനുശേഷം അതില്‍ നിന്ന് എന്നെ തടഞ്ഞത്, പിശാച് മനുഷ്യന് മഹാവഞ്ചകന്‍ തന്നെയായിരുന്നുവല്ലോ' എന്ന് വിലപിക്കുന്ന രംഗം 25: 27-29 സൂക്തങ്ങളില്‍ മുന്നറിയിപ്പ് നല്‍കിയത് അവര്‍ വായിച്ചിട്ടുണ്ട്. 7: 16; 14: 22; 16: 34 വിശദീകരണം നോക്കുക.