ഗ്രന്ഥത്തിന്‍റെ ശരീരം ഈണത്തിലും രാഗത്തിലും പാരായണം ചെയ്യാനും മനഃപ്പാഠമാക്കാനും പഠിപ്പിക്കുകയും അതിന്‍റെ ആത്മാവായ അദ്ദിക്ര്‍ പഠിപ്പിക്കാതെ ജീവനായ അര്‍ത്ഥം മാത്രം പഠിപ്പിക്കുകയും ചെയ്യുന്നവര്‍ 3: 10, 116; 8: 22, 55; 9: 84-85 തുടങ്ങിയ സൂക്തങ്ങള്‍ പ്രകാരം കാഫിറുകളും തിന്മയേറിയ ജീവികളുമാണ്. വിശ്വാസിയാകാനുള്ള അല്ലാഹുവിന്‍റെ സമ്മതപത്രമായ അദ്ദിക്ര്‍ കൊണ്ട് വിശ്വാസിയാവുകയും അത്തരം കാഫിറു കള്‍ക്കെതിരെ മുഹൈമിനായ അദ്ദിക്ര്‍ കൊണ്ട് അധികരിച്ച ജിഹാദ് നടത്തുകയും പ്രപഞ്ചം അതിന്‍റെ സന്തുലനത്തില്‍ നിലനിര്‍ത്താനുള്ള ത്രാസ്സും അമാനത്തുമായ അത് ലോകര്‍ക്ക് എത്തിച്ചുകൊടുക്കുകയും ചെയ്യുന്നവരെ 39: 69 പ്രകാരം പരലോകത്ത് കാഫിറുകള്‍ക്കെതിരില്‍ സാക്ഷിയായി അല്ലാഹു കൊണ്ടുവരുന്നതാണ്. അദ്ദിക്ര്‍ സ്വയം പിന്‍പറ്റുകയും ആത്മാവിന്‍റെ ഭക്ഷണവും വസ്ത്രവും ദൃഷ്ടിയുമായ അത് പ്രവാചകന്‍ മുഹമ്മദിന്‍റെ തന്നെ സമുദായത്തില്‍ പെട്ട ജൈനര്‍, ബുദ്ധര്‍, ഹൈന്ദവര്‍, ജൂതര്‍, ക്രൈസ്തവര്‍ തുടങ്ങിയ ഇതര ജനവിഭാഗങ്ങള്‍ക്ക് ഉപയോഗപ്പെടുത്താന്‍ നല്‍കിക്കൊ ണ്ട് അല്ലാഹുവിനെയും പ്രവാചകനെയും ഗ്രന്ഥത്തെയും ജീവിപ്പിക്കുകയും ചെയ്യുന്നവര്‍ സ്വര്‍ഗത്തില്‍ പോകുന്നതാണ്. അദ്ദിക്റിന്‍റെ 40 പേരുകളെ അ റിഞ്ഞിട്ട് മൂടിവെക്കുന്ന കപടവിശ്വാസികള്‍ വിചാരണയില്ലാതെ നരകത്തിന്‍റെ അടിത്തട്ടിലേക്കാണ് പോവുക. അവര്‍ക്ക് ഭൂമിയിലുള്ള സര്‍വ്വസ്വം കിട്ടി അതുകൊണ്ട് തെണ്ടം ചെയ്താലും രക്ഷ ലഭിക്കുകയില്ല എന്നും അല്ലാഹു അവരെ ശുദ്ധീകരിക്കുകയില്ല എന്നും 3: 90-91; 10: 54; 13: 18 തുടങ്ങിയ സൂക്തങ്ങളില്‍ പറഞ്ഞിട്ടുണ്ട്. ഇന്നേദിനം അവര്‍ സംസാരിക്കുകയില്ല, അവര്‍ക്ക് ന്യായം ബോധിപ്പിക്കാന്‍ അനുവാദം നല്‍കുകയുമില്ല എന്ന് 77: 35-36 സൂക്തങ്ങളിലും പറഞ്ഞിട്ടുണ്ട്. 66: 6 ല്‍ വിശ്വാസികളെ വിളിച്ച് നിങ്ങളെയും നിങ്ങളുടെ കുടുംബത്തെയും നിങ്ങള്‍ നരകത്തെത്തൊട്ട് കാത്തുകൊള്ളു ക എന്ന് പറഞ്ഞ ശേഷം അങ്ങനെ ചെയ്യാത്ത കാഫിറുകളെ വിളിച്ച് 66: 7 ല്‍ ഇന്നേദിനം (വിധിദിവസം) നിങ്ങള്‍ ഒഴികഴിവൊന്നും പറയേണ്ടതില്ല എന്ന് പറയുമെന്ന് മുന്നറിയിപ്പ് നല്‍കിയിട്ടുണ്ട്. 2: 143, 254; 4: 41-42, 56 വിശദീകരണം നോക്കുക.