ബുദ്ധി ഉപയോഗിച്ച് ചിന്തിക്കാത്ത ഇത്തരം ഭ്രാന്തന്‍മാര്‍ തങ്ങളുടെ നാഥന്‍റെ മുമ്പില്‍ പൂര്‍ണമായും കീഴടങ്ങി തലകുനിച്ചുകൊണ്ട് നില്‍ക്കുന്ന രംഗം നീ കാണുകയാണെങ്കില്‍! അവര്‍ പറയും: 'ഞങ്ങളുടെ നാഥാ, ഞങ്ങള്‍ നരകത്തിലെ കാഴ്ച്ചകള്‍ കണ്ടു, ഞങ്ങള്‍ അതിലെ രോദനങ്ങള്‍ കേട്ടു, ഞങ്ങളെ ഐ ഹികലോകത്തേക്ക് ഒന്നുകൂടി തിരിച്ചയച്ചാലും! ഞങ്ങള്‍ സല്‍കര്‍മ്മങ്ങള്‍ ചെയ്തുകൊള്ളാം, നിശ്ചയം ഞങ്ങള്‍ക്ക് ദൃഢബോധ്യം വന്നിരിക്കുന്നു' എന്ന് 32: 12 ല്‍ മുന്നറിയിപ്പ് നല്‍കിയിട്ടുണ്ട്. 'ഉറപ്പ് നല്‍കുന്ന സത്യമായ' അദ്ദിക്റിനെ ഉള്‍ക്കാഴ്ചാദായകമായി ഉപയോഗപ്പെടുത്താത്തവര്‍ കണ്ണിന് ഉറപ്പാകുന്നതുവരെ ജ്വലിക്കുന്ന നരകം കാണുകതന്നെ ചെയ്യും എന്ന് 102: 5-7 സൂക്തങ്ങളിലും; അദ്ദിക്റിനെ മൂടിവെച്ച കാഫിറുകള്‍ നരകത്തിലേക്ക് വലിച്ചെറിയപ്പെടുമ്പോള്‍ അവര്‍ അതിലെ രോദനങ്ങളും ഓളിയിടലും കേള്‍ക്കുന്നതാണ്, അതാകട്ടെ തിളച്ച് മറിഞ്ഞു കൊണ്ടിരിക്കുകയുമായിരിക്കും എന്ന് 67: 7 ലും പറഞ്ഞിട്ടുണ്ട്. അദ്ദിക്ര്‍ ഉപയോഗപ്പെടുത്താതെ തങ്ങളുടെ സമ്പാദ്യം നരകമാക്കിയവര്‍ നരകത്തില്‍ ശാശ്വതരായി കഴിഞ്ഞുകൂടുന്നതാ ണ്. അവരോട് അല്ലാഹു ചോദിക്കുന്നതാണ്: എന്‍റെ സൂക്തങ്ങള്‍ നിങ്ങള്‍ക്ക് വിവരിച്ചുതന്നിട്ടുണ്ടായിരുന്നില്ലേ, അപ്പോള്‍ നിങ്ങള്‍ അതിനെ തള്ളിപ്പറ ഞ്ഞുകൊണ്ടേയിരുന്നു; അവര്‍ പറയും: 'ഞങ്ങളുടെ നാഥാ! ഞങ്ങളുടെ ദൗര്‍ഭാഗ്യം ഞങ്ങളെ കീഴടക്കി, നിശ്ചയം ഞങ്ങള്‍ വഴിപിഴച്ചവര്‍ തന്നെയായിരു ന്നു; ഞങ്ങളുടെ നാഥാ, ഞങ്ങളെ നീ ഇവിടെനിന്ന് ഒന്ന് പുറപ്പെടുവിച്ചാലും, അപ്പോള്‍ ഇനിയും ഞങ്ങള്‍ അതിക്രമം കാണിക്കുകയാണെങ്കില്‍ ഞങ്ങള്‍ അക്രമികള്‍ തന്നെയായിരിക്കും' എന്ന് 23: 103-107 സൂക്തങ്ങളില്‍ മുന്നറിയിപ്പ് നല്‍കിയിട്ടുണ്ട്. 6: 27-28, 94; 7: 53 വിശദീകരണം നോക്കുക.