ജീവിതത്തില്‍ തൊള്ളായിരത്തിത്തൊണ്ണൂറ്റി ഒമ്പത് മാര്‍ഗങ്ങളും ലക്ഷ്യത്തിലെത്താത്തവയും നരകത്തിലേക്കുള്ള പിശാചിന്‍റെ മാര്‍ഗങ്ങളുമാണ്. ഒന്നുമാത്രമാണ് ലക്ഷ്യത്തിലേക്ക് എത്തുന്ന സ്വര്‍ഗത്തിലേക്കുള്ള അല്ലാഹുവിന്‍റെ ഏകമാര്‍ഗം. ജീവിതത്തിന്‍റെ എല്ലാ നിമിഷങ്ങളിലും സ്ഥലങ്ങളിലും ആ ഏകമാര്‍ഗം ഹൃദയത്തില്‍ ഉണര്‍ത്തുന്നതാണ് തദ്കിറഃ. അതുകൊണ്ടാണ് അതിനെ അല്ലാഹുവിലേക്ക് എത്തിപ്പെടാനുള്ള ടിക്കറ്റ് എന്ന് പറയുന്നത്. ആദം മുതല്‍ അന്ത്യനാള്‍ വരെയുളളവര്‍ക്ക് അല്ലാഹു തൃപ്തിപ്പെട്ട ഏകസംഘത്തില്‍ ഉള്‍പെടുന്നത് ആ ഏകമാര്‍ഗം സ്വീകരിച്ചവരാണ്. പ്രവാചകന്‍ ഒരു നേര്‍രേഖ വരച്ചു, പിന്നീട് അതിന്‍റെ ഇടതും വലതുമായിക്കൊണ്ട് അനേകം രേഖകളും വരച്ചു, ശേഷം മധ്യത്തിലുള്ള നേര്‍രേഖ ചൂണ്ടിക്കാണിച്ചുകൊണ്ട് 'ഇതാണ് നേരെചൊവ്വെയുള്ള പാത, അല്ലാഹുവിലേക്ക് എത്തിപ്പെടാനുള്ള ഈ ഏകപാതയുടെ സമീപം ഇടതും വലതുമായിക്കൊണ്ടുള്ള മറ്റുപാതകളെല്ലാം പിഴച്ചവയും നരകത്തിലേക്ക് നയിക്കുന്നവയുമാണ്, പിശാച് മനുഷ്യനെ അവകളിലേക്ക് ക്ഷണിച്ചുകൊണ്ടേയിരിക്കും' എന്ന് പറയുകയുണ്ടായി. 

 6: 153 ല്‍ വിവരിച്ച പ്രകാരം ആദം മുതല്‍ അന്ത്യനാള്‍ വരെയുള്ള മനുഷ്യര്‍ക്ക് നാഥന്‍റെ വീടായ സ്വര്‍ഗത്തിലേക്ക് തിരിച്ചുപോകാനുള്ള പാത അദ്ദിക്ര്‍ മാത്രമാണ്. 15: 44 ല്‍ വിവരിച്ച പ്രകാരം 1000 ത്തില്‍ 999 ആയ ഫുജ്ജാറുകളും അദ്ദിക്റിനെ അവഗണിച്ചുകൊണ്ട് പിശാചിന്‍റെ വീടായ നരകക്കുണ്ഠത്തി ലേക്കുള്ള പാതയിലാണ് ജീവിച്ചുകൊണ്ടിരിക്കുന്നത്. 9: 115; 10: 108 സൂക്തങ്ങളില്‍ വിവരിച്ച പ്രകാരം സ്വര്‍ഗത്തിലേക്കുള്ള ഏകപാതയും നരകത്തിലേ ക്കുള്ള വിവിധപാതകളും ഏതെല്ലാമാണെന്ന് മനുഷ്യനെ സ്വര്‍ഗത്തില്‍ സൃഷ്ടിച്ചപ്പോള്‍ തന്നെ പഠിപ്പിച്ചിട്ടുള്ളതിനാലും 313 പ്രവാചകന്മാരെയും വിവിധ കാലഘട്ടങ്ങളിലായി അദ്ദിക്ര്‍ കൊണ്ട് അയച്ചതിനാലും നാഥന്‍ നിഷ്പക്ഷവാനായിരിക്കുന്നു. എന്നാല്‍ അദ്ദിക്റിന്‍റെ 40 പേരുകളെയും സത്യപ്പെടുത്തി ജീവിക്കുന്ന 1000 ത്തില്‍ ഒന്നായ വിശ്വാസി മാത്രമേ അദ്ദിക്റിനെ നാലാം ഘട്ടത്തില്‍ സ്വര്‍ഗത്തിലേക്കുതന്നെ തിരിച്ചുപോകാനുള്ള ടിക്കറ്റായി ഉപയോഗപ്പെടുത്തുകയുള്ളൂ. 11: 118-119 സൂക്തങ്ങളില്‍ വിവരിച്ച പ്രകാരം കാരുണ്യമായ അദ്ദിക്റിനെ സത്യപ്പെടുത്തി ജീവിക്കാത്തവരും വിവിധ സംഘടനകളായി ഭിന്നിച്ചവരുമായ ഫുജ്ജാറുകളും അവരുടെ ജിന്നുകൂട്ടുകാരും ഒന്നടങ്കം നരകക്കുണ്ഠത്തില്‍ കുത്തിനിറക്കപ്പെടുന്നതാണ്. 2: 166-169; 15: 75, 90; 25: 33-34 വിശദീകരണം നോക്കുക.