ഖുര്‍ആന്‍ എന്നാല്‍ ആവര്‍ത്തിച്ച് വായിക്കപ്പെടേണ്ടത് എന്നാണ്. 15: 90-91 പ്രകാരം നാഥനില്‍ നിന്ന് മുമ്പ് അവതരിപ്പിക്കപ്പെട്ട ഗ്രന്ഥങ്ങളും ഖുര്‍ആന്‍ തന്നെയാണ്. മനുഷ്യനെ ഭൂമിയിലേക്ക് നിയോഗിച്ചതിന്‍റെ ലക്ഷ്യം മനസ്സിലാക്കുക, അവരവരെ തിരിച്ചറിയുക, സ്രഷ്ടാവിനെ കണ്ടെത്തുക, പിശാചിനെ തിരിച്ചറിയുക, രക്തച്ചൊരിച്ചിലും നാശവുമില്ലാതെ പ്രപഞ്ചം അതിന്‍റെ സന്തുലനത്തില്‍ നിലനിര്‍ത്തുക തുടങ്ങിയ ലക്ഷ്യങ്ങളെല്ലാം പൂര്‍ത്തിയാകു ന്നത് ത്രികാലജ്ഞാനവും 36: 69 ല്‍ പറഞ്ഞ വ്യക്തമായ വായനയുമായ അദ്ദിക്ര്‍ കൊണ്ട് മാത്രമാണ്. മനുഷ്യനെ സ്വര്‍ഗത്തില്‍ നിന്ന് തടയുക എന്ന താണ് പിശാചിന്‍റെ ദൗത്യം എന്നതിനാല്‍ മനുഷ്യര്‍ക്ക് സ്വര്‍ഗത്തിലേക്കുതന്നെ തിരിച്ചുപോകാനുള്ള ടിക്കറ്റായ അദ്ദിക്റില്‍ നിന്നാണ് പിശാച് തടയുക. അല്ലാഹു ഉദ്ദേശിച്ച രീതിയില്‍ 25: 33 ല്‍ പറഞ്ഞ നാഥനില്‍ നിന്നുള്ള ഗ്രന്ഥത്തിന്‍റെ ഏറ്റവും നല്ല വിശദീകരണമായ അദ്ദിക്ര്‍ മനസ്സിലാക്കുന്നതിന് പിശാ ചിനെത്തൊട്ട് അവന്‍റെയും എല്ലാറ്റിന്‍റെയും ഉടമയായ അല്ലാഹുവിനോട് ശരണം തേടണമെന്നാണ് സൂക്തം കല്‍പിക്കുന്നത്. അദ്ദിക്ര്‍ കൊണ്ട് നാഥനെ ഹൃദയത്തില്‍ സൂക്ഷിച്ച് എപ്പോഴും നാഥനുമായി ബന്ധപ്പെട്ട് നിലകൊള്ളുന്നവരാണ് സൂക്ഷ്മാലുക്കള്‍. 23: 97-98 സൂക്തങ്ങളിലൂടെ 'എന്‍റെ നാഥാ! പിശാചു ക്കളുടെ പ്രലോഭനങ്ങളെത്തൊട്ട് ഞാന്‍ നിന്നില്‍ അഭയം തേടുന്നു; എന്‍റെ നാഥാ! ആ പിശാചുക്കള്‍ എന്നെ സമീപിക്കുന്നതിനെത്തൊട്ടും ഞാന്‍ നിന്നില്‍ അഭയം തേടുന്നു' എന്ന് പ്രാര്‍ത്ഥിക്കാന്‍ അല്ലാഹു പ്രവാചകനോടും വിശ്വാസിയോടും കല്‍പിച്ചിട്ടുണ്ട്. അദ്ദിക്ര്‍ സ്വയം ഉപയോഗപ്പെടുത്താതിരി ക്കുകയും മറ്റുള്ളവര്‍ക്ക് ഉപയോഗപ്പെടുത്താന്‍ നല്‍കാതിരിക്കുകയും ചെയ്യുന്ന അക്രമികളും കാഫിറുകളുമായ ഫുജ്ജാറുകള്‍ വിധിദിവസം സ്വയം കൈകടിച്ച് 'ഓ എന്‍റെ കഷ്ടം! എനിക്ക് അദ്ദിക്ര്‍ വന്നുകിട്ടിയതിന് ശേഷം ഇന്നാലിന്നവനാണല്ലോ എന്നെ അതില്‍ നിന്ന് തടഞ്ഞത്, പിശാച് മനുഷ്യന് മ ഹാവഞ്ചകന്‍ തന്നെയായിരുന്നുവല്ലോ' എന്ന് വിലപിക്കുന്ന രംഗം 25: 27-29 സൂക്തങ്ങളില്‍ മുന്നറിയിപ്പ് നല്‍കിയിട്ടുണ്ട്. 6: 112; 13: 25-29; 26: 210-211 വിശദീകരണം നോക്കുക.