17: 96 അവസാനിക്കുന്നതും ഇതേ ആശയത്തിലാണ്. 34: 34-35 സൂക്തങ്ങളില്‍, ഒരുനാട്ടിലേക്കും ഒരു മുന്നറിയിപ്പുകാരനെ നാം അയച്ചിട്ടില്ല, ആ നാട്ടിലെ സുഖലോലുപന്‍മാര്‍ 'നിശ്ചയം നിങ്ങള്‍ എന്തും കൊണ്ടാണോ അയക്കപ്പെട്ടിട്ടുള്ളത്, അതിനെ ഞങ്ങള്‍ നിഷേധിക്കുന്നവര്‍ തന്നെയാണ്' എന്ന് പറ ഞ്ഞിട്ടല്ലാതെ. അവര്‍ പറയുകയും ചെയ്യുന്നു: ഞങ്ങളാണ് ഏറ്റവും കൂടുതല്‍ സമ്പത്തും സന്താനങ്ങളുമുള്ളവര്‍, ഞങ്ങള്‍ ശിക്ഷിക്കപ്പെടാനൊന്നും പോ കുന്നില്ല എന്നും; 34: 36 ല്‍, നീ പറയുക: നിശ്ചയം എന്‍റെ നാഥന്‍ അവന്‍ ഉദ്ദേശിക്കുന്നവര്‍ക്ക് ഭക്ഷണവിഭവങ്ങള്‍ വിശാലമാക്കികൊടുക്കുന്നു, അവന്‍ ഉദ്ദേശിക്കുന്നവര്‍ക്ക് പരിമിതപ്പെടുത്തുകയും ചെയ്യുന്നു, എന്നാല്‍ ജനങ്ങളില്‍ അധികപേരും യഥാര്‍ത്ഥ ജ്ഞാനമില്ലാത്തവരാകുന്നു എന്നും പറഞ്ഞിട്ടു ണ്ട്. ഇഹലോകത്ത് വിഭവങ്ങള്‍ വിശാലമാക്കി കൊടുക്കുന്നതും പരിമിതപ്പെടുത്തി കൊടുക്കുന്നതുമെല്ലാം 6: 165 ല്‍ വിവരിച്ച പ്രകാരം അവരവര്‍ക്ക് ന ല്‍കപ്പെട്ടതില്‍ പരീക്ഷിക്കുന്നതിന് വേണ്ടിയാണെന്ന് ബോധ്യമുള്ളവരാണ് വിശ്വാസികള്‍. 5: 48; 11: 5-7; 17: 13-15, 17; 18: 32-46 വിശദീകരണം നോക്കുക.