ഈ പ്രപഞ്ചത്തെ ഇത്രയും തന്ത്രജ്ഞതയോടെയും വ്യവസ്ഥാപിതമായും സന്തുലിതമായും നടത്തിക്കൊണ്ടുപോവുക എന്നത് എല്ലാം അടക്കിഭരിക്കുന്ന ഏകാധിപനും സര്‍വ്വാധിപനും സ്വേഛാധിപനുമായ ഒരുവനല്ലാതെ സാധ്യമാവുകയില്ലെന്ന് അത് സ്വയം സാക്ഷ്യം വഹിക്കുന്നുണ്ട്. പ്രാപഞ്ചിക പ്രതിഭാ സങ്ങളെല്ലാംതന്നെ നിരീക്ഷിച്ചാല്‍ അവ സ്രഷ്ടാവിന്‍റെ ഏകത്വത്തെ വിളിച്ചറിയിക്കുന്ന വിധത്തിലാണെന്ന് സംവിധാനിച്ചിട്ടുള്ളതെന്നും അവന് പങ്കാളി കളെ ആരോപിക്കുന്നതിന് യാതൊരു പഴുതുമില്ലെന്ന് കാണാവുന്നതാണ്. പ്രപഞ്ചത്തെ ആകാശഭൂമികളെയും അവക്കിടയിലുള്ള സര്‍വവസ്തുക്കളെയും ആറ് നാളുകളിലായി സൃഷ്ടിച്ച്, പിന്നെ സിംഹാസനസ്ഥനായ അല്ലാഹുവിനെക്കൂടാതെ നിങ്ങള്‍ക്ക് സംരക്ഷകരില്‍ നിന്നോ ശുപാര്‍ശക്കാരില്‍ നിന്നോ ആരും തന്നെയില്ല, അപ്പോള്‍ നിങ്ങള്‍ ഹൃദയത്തിന്‍റെ ഭാഷയില്‍ മറ്റുള്ളവരെ ഉണര്‍ത്തുന്നില്ലെയോ എന്ന് 32: 4 ല്‍ പറഞ്ഞിട്ടുണ്ട്. എന്നാല്‍ അറബി ഖുര്‍ ആന്‍ വായിക്കുന്ന ഫുജ്ജാറുകള്‍ അദ്ദിക്റിനെത്തൊട്ട് ബധിരരും ഊമരും അന്ധരുമായതിനാല്‍, കള്ളവാദികളും മനുഷ്യപ്പിശാചുക്കളായ കപടവിശ്വാ സികളും എഴുതിയുണ്ടാക്കിയ ഫുജ്ജാര്‍ കിതാബുകളാണ് പിന്‍പറ്റുന്നത്. അവര്‍ പ്രപഞ്ചനാഥനായ അല്ലാഹുവിനെ മനുഷ്യരുടെ നാഥനായോ രാജാ വായോ ഇലാഹായോ അംഗീകരിക്കാത്തവരാണ്. 43: 84 ല്‍, അവനാണ് ആകാശത്തും ഇലാഹ്, ഭൂമിയിലും ഇലാഹ്, അവന്‍ യുക്തിജ്ഞനും സര്‍വ്വജ്ഞനും തന്നെയാകുന്നു എന്നും; 43: 85ല്‍, ആര്‍ക്കാണോ ആകാശങ്ങളുടെയും ഭൂമിയുടെയും അവ രണ്ടിനുമിടയിലുള്ളവയുടെയും ആധിപത്യമുള്ളത്, ആരുടെ പക്കലാണോ അന്ത്യനിമിഷത്തെക്കുറിച്ചുള്ള അറിവുള്ളത്, ആരിലേക്കാണോ നിങ്ങളെല്ലാം തിരിച്ചയക്കപ്പെടുന്നത്, അവന്‍ അനുഗ്രഹമുടയവനാകുന്നു എന്നും പറഞ്ഞിട്ടുണ്ട്. 1: 4; 6: 91, 101-103 വിശദീകരണം നോക്കുക.